បណ្ដាញផ្សព្វផ្សាយយើងខ្ញុំផ្សេងទៀត

ព័ត៌មានទូទៅ
សេដ្ឋកិច្ច
អប់រំ
កីឡា
កម្សាន្ត
អរិយធម៌ខ្មែរ
Politico 360
One-Minute
កម្ពុជាមាតុភូមិខ្ញុំ
សច្ចធម៌ប្រវត្តិសាស្ត្រ
វិភាគសុីជម្រៅ
អំពីក្រុមហ៊ុន

ព្រឹត្តិការណ៍,ជំនួញ• 29/07/2026

កូនខ្មែរវិនិយោគជាង ៥ លានដុល្លារ បង្កើតរោងចក្រផលិតមី រំពឹងជំនួសផលិតផលនាំចូល

អ្នកវិនិយោគជនជាតិខ្មែរមួយរូបបានបោះទុនជាង ៥ លានដុល្លារអាម៉េរិក បង្កើតរោងចក្រផលិតមីនៅខេត្តកំពង់ស្ពឺ ដោយរំពឹងថានឹងជួយបង្កើនការផលិតក្នុងស្រុក និងជំនួសផលិតផលមីនាំចូលពីក្រៅប្រទេស។

លោក នួន សុភ័ណ្ឌ ប្រធានមន្ទីរឧស្សាហកម្ម បច្ចេកវិទ្យា និងនវានុវត្តន៍ ខេត្តកំពង់ស្ពឺ បានថ្លែងប្រាប់ថា រោងចក្រផលិតមីដែលមានឈ្មោះជាភាសាខ្មែរថា «មីបឋម» មានទុនវិនិយោគសរុបជាង ៥ លានដុល្លារអាម៉េរិក។ រោងចក្រនេះបង្កើតឡើងដោយវិនិយោគិនខ្មែរ ដោយប្រើប្រាស់បច្ចេកទេសផលិតពីប្រទេសចិន និងមានទីតាំងនៅក្នុងសួនឧស្សាហកម្ម លីមីញ ឃុំទំព័រមាស ស្រុកសំរោងទង ខេត្តកំពង់ស្ពឺ។

លោកបានបញ្ជាក់ថា បច្ចុប្បន្ន រោងចក្រនេះបានសាងសង់រួចរាល់ និងបានបំពាក់សម្ភារៈបរិក្ខារផលិតកម្មបាន ១០០ ភាគរយតាមផែនការ ហើយគ្រោងនឹងចាប់ផ្តើមដំណើរការផលិតក្នុងរយៈពេលប្រមាណ ២ ខែខាងមុខ។

លោក នួន សុភ័ណ្ឌ បានមានប្រសាសន៍ថា៖

“រោងចក្រនឹងផលិតមីដែលមានគុណភាពតាមស្តង់ដារ និងអនាម័យ សម្រាប់ចែកចាយនៅក្នុងទីផ្សារកម្ពុជា ជាពិសេសតាមផ្សារប្រពៃណី ផ្សារទំនើប ម៉ាត និងហាងកាហ្វេ ដើម្បីបម្រើតម្រូវការអាហាររហ័សរបស់ប្រជាពលរដ្ឋ។”

លោកឧកញ៉ា លី មីញ ស្ថាបនិករោងចក្រ «មីបឋម» បានឱ្យដឹងថា រោងចក្រគ្រោងនឹងដាក់ឱ្យដំណើរការនៅអំឡុងខែកញ្ញា ឆ្នាំ២០២៦ ខាងមុខ។

លោកបានថ្លែងថា៖

“ការបង្កើតរោងចក្រនេះមានគោលបំណងផលិតផលិតផលក្នុងស្រុក ដើម្បីជំនួសផលិតផលមីនាំចូលពីប្រទេសថៃ ខណៈពលរដ្ឋខ្មែរនៅក្នុងប្រទេស និងនៅក្រៅប្រទេសកំពុងធ្វើពហិការមិនប្រើប្រាស់ផលិតផលនាំចូលពីប្រទេសថៃ ជាពិសេសមីកញ្ចប់ និងមីកំប៉ុង។”

ផលិតផលមីកញ្ចប់ និងមីកំប៉ុងរបស់ «មីបឋម» នឹងត្រូវបានផលិតដោយសហការជាមួយវិនិយោគិនមកពីប្រទេសចិន ដោយផ្តោតលើបច្ចេកទេសផលិត គុណភាព អនាម័យ តម្លៃ និងរសជាតិ។

នៅដំណាក់កាលដំបូង រោងចក្រគ្រោងផលិតមីចំនួន ២០ ម៉ឺនកេសក្នុងមួយខែ ដើម្បីដាក់លក់សាកល្បង។ ប្រសិនបើទទួលបានការគាំទ្រពីទីផ្សារ ក្រុមហ៊ុនមានផែនការពង្រីកសមត្ថភាពផលិតដល់ ៤០ ម៉ឺនកេសក្នុងមួយខែ។

ផលិតផលនឹងមានរសជាតិហឹរ ជូអែម តុយំា និងរសជាតិផ្សេងៗទៀត។ ក្រុមហ៊ុនក៏មានផែនការពង្រីកទីផ្សារទៅក្រៅប្រទេស ដោយផ្តោតលើសហរដ្ឋអាមេរិក កាណាដា អូស្ត្រាលី ជប៉ុន និងកូរ៉េ ដែលមានប្រជាពលរដ្ឋខ្មែររស់នៅច្រើន។

រោងចក្រថ្មីនេះក៏រំពឹងថានឹងបង្កើតការងារដល់ប្រជាពលរដ្ឋខ្មែរជិត ១០០ នាក់ផងដែរ។ បច្ចុប្បន្ន ផលិតផលមីក្នុងស្រុកសំខាន់ៗមានដូចជា «មីយើង» និង «មីជាតិ» ខណៈ «មីបឋម» គ្រោងនឹងចូលរួមបន្ថែមក្នុងទីផ្សារមីផលិតក្នុងស្រុក។

យោងតាមរបាយការណ៍ស្រាវជ្រាវរបស់ស្ថាប័នអន្តរជាតិ 6Wresearch កម្ពុជាមានតម្រូវការប្រើប្រាស់មីឆុងប្រមាណជាង ១០ លានកញ្ចប់ក្នុងមួយខែ ដើម្បីបំពេញតម្រូវការរបស់ប្រជាជនទូទាំងប្រទេសដែលមានចំនួន ១៨.៥ លាននាក់។

លោក វិន ឈុនហ៊ាត | Mr. VEN CHHUNHAET

ជីវប្រវត្តិ: បញ្ចប់ថ្នាក់បរិញ្ញប័ត្រគ្រប់គ្រងពាណិជ្ជកម្ម។ និងមានបទពិសោធន៍ក្នុងវិស័យសារព័ត៌មាន១៧ឆ្នាំ រួមមានកាសែត វិទ្យុ ទស្សនាវដ្តី ទូរទស្សន៍ និងគេហទំព័រ ។ បច្ចុប្បន្នជាអ្នកយកព័ត៌មានសេដ្ឋកិច្ច នៅស្ថាប័នពត៌មាន AMS Economy ។

កូនខ្មែរវិនិយោគជាង ៥ លានដុល្លារ បង្កើតរោងចក្រផលិតមី រំពឹងជំនួសផលិតផលនាំចូល

លោក វិន ឈុនហ៊ាត ​| Mr. VEN CHHUNHAET

លោក វិន ឈុនហ៊ាត | Mr. VEN CHHUNHAET