ថ្ងៃនេះ គ្រួសារក្រីក្រ និងងាយរងគ្រោះ អាចទៅបើកប្រាក់ឧបត្ថម្ភលើកទី១ បានហើយ !

ភ្នំពេញ ៖ គ្រួសារក្រីក្រ ងាយរងគ្រោះ និងងាយរងហានិភ័យដែលបានកំណត់អត្ដសញ្ញាណរួច អាចទៅបើកប្រាក់ឧបត្ថម្ភលើកទី១ បានហើយ នៅគ្រប់បញ្ជរវីង(Wing)ទូទាំងប្រទេស ចាប់ពីថ្ងៃទី២៥ ខែកញ្ញា ឆ្នាំ២០២៦ នេះ។

បច្ចុប្បន្ន ក្រសួងផែនការ បានរៀបចំបញ្ជីបច្ចុប្បន្នកម្មគ្រួសារគោលដៅរួចរាល់ ហើយមូលនិធិជាតិជំនួយសង្គម ក៏បានរៀបចំបើកផ្ដល់ប្រាក់ឧបត្ថម្ភដល់បងប្អូនទៅតាមកាលបរិច្ឆេទដែលបានកំណត់ចំនួន ៤លើក គឺលើកទី១ នៅថ្ងៃទី២៥ កញ្ញា នេះ លើកទី២ នៅថ្ងៃទី១៦ តុលា លើកទី៣ ថ្ងៃទី១៦ វិច្ឆិកា និងលើកទី៤ នៅថ្ងៃទី១៦ ធ្នូ ស្របតាមខ្លឹមសារនៃសេចក្ដីប្រកាសព័ត៌មានរបស់រាជរដ្ឋាភិបាលកម្ពុជាកាលពីថ្ងៃទី២៣ ខែកញ្ញា ឆ្នាំ២០២៦។

រាជរដ្ឋាភិបាលកម្ពុជា តាមរយៈក្រសួងសេដ្ឋកិច្ច និងហិរញ្ញវត្ថុ និងក្រសួងផែនការ បានកំណត់អត្តសញ្ញាណគ្រួសារក្រីក្រ ងាយរងគ្រោះ និងងាយរងហានិភ័យដោយផ្ទាល់ពីសម្ពាធឡើងថ្លៃប្រេង និងឧស្ម័ន។ កម្រិតប្រាក់ឧបត្ថម្ភដែលបានកំណត់បើកជូន គឺគ្រួសារនៅរាជធានីភ្នំពេញចំនួន ៦០,០០០រៀល ដែលសម្រាប់សមាជិកគ្រួសារម្នាក់ទទួលបាន ៥,០០០រៀល។ ចំពោះគ្រួសាររស់នៅទីប្រជុំជន ក្រៅរាជធានីភ្នំពេញ ក្នុងរង្វង់គ្រួសារទទួលបាន ៤៨, ០០០រៀល ដែលសមាជិកគ្រួសារម្នាក់ទទួលបាន ៥, ០០០រៀល។

សូមរំលឹកជូនថា រាជរដ្ឋាភិបាលកម្ពុជា បានសម្រេចដាក់ឱ្យអនុវត្ដ “កម្មវិធីអន្តរាគមន៍គ្រប់ជ្រុងជ្រោយឆ្លើយតបនឹងសភាពការណ៍ពហុវិបត្តិ ក្នុងគោលដៅបង្កើតមុខរបរ និងការងារ ធានាលំនឹងជីវភាពប្រជាជន និងពង្រឹងភាពធន់ នៃសេដ្ឋកិច្ច និងសង្គមកម្ពុជា សម្រាប់រយៈពេលខ្លី និងមធ្យម។

ការសម្រេចបញ្ចេញកញ្ចប់ជំនួយនៅចុងឆ្នាំ២០២៦ នេះ ដោយរាជរដ្ឋាភិបាលមើលឃើញថា កម្ពុជា កំពុងបន្ដជួបពហុវិបត្ដិ រួមមាន៖ ការផ្លាស់ប្ដូររបបពាណិជ្ជកម្មសកល ភាពតានតឹងនៃភូមិសាស្ត្រនយោបាយ សង្គ្រាមឈ្លានពានអធិបតេយ្យភាព និងបូរណភាពទឹកដីកម្ពុជា និងសង្គ្រាមនៅតំបន់មជ្ឈឹមបូព៌ាប៉ះពាល់ដល់ការផ្គត់ផ្គង់ថាមពលជាសកល។ ទន្ទឹមគ្នានេះ រាជរដ្ឋាភិបាល ប្ដេជ្ញាឈរលើស្មារតីមិនបោះបង់ពលរដ្ឋណាម្នាក់ និងគោលការណ៍សមធម៌សង្គម ទើបដាក់ចេញនូវកម្មវិធីសម្រាលបន្ទុកជីវភាពគ្រួសារក្រីក្រ គ្រួសារងាយរងគ្រោះ ងាយរងហានិភ័យ ដែលរងកម្មវិបាកដោយផ្ទាល់ពីសម្ពាធថ្លៃប្រេង និងឧស្ម័នឥន្ធនៈឡើងខ្ពស់៕

ថ្ងៃនេះ គ្រួសារក្រីក្រ និងងាយរងគ្រោះ អាចទៅបើកប្រាក់ឧបត្ថម្ភលើកទី១ បានហើយ !

លោក ជិន សុភ័ក្ដ្រ | Mr. Chin Sopheak

ព័ត៌មានទូទៅ

សេដ្ឋកិច្ច

អប់រំ

កីឡា

កម្សាន្ត

អរិយធម៌ខ្មែរ

Politico 360

One-Minute

កម្ពុជាមាតុភូមិខ្ញុំ

សច្ចធម៌ប្រវត្តិសាស្ត្រ

វិភាគសុីជម្រៅ

វឌ្ឍនភាពកម្ពុជា

អំពីក្រុមហ៊ុន

ថ្ងៃនេះ គ្រួសារក្រីក្រ និងងាយរងគ្រោះ អាចទៅបើកប្រាក់ឧបត្ថម្ភលើកទី១ បានហើយ !

លោក​ ​ជិន​ សុភ័ក្ដ្រ | Mr. Chin Sopheak

លោក ជិន សុភ័ក្ដ្រ | Mr. Chin Sopheak