ភ្នំពេញ៖បុណ្យទន្លេរយៈពេលបីថ្ងៃ នៅខេត្តសៀមរាប ចាប់ពីថ្ងៃទី១៥-១៧ ខែមីនា ឆ្នាំ២០២៤ មានទេសចរសរុបប្រមាណ ៥៥៣.៧៩៤ នាក់ ដែលក្នុងនោះទេសចរជាតិ ប្រមាណ ៥២០.០០០ នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ២៨១.០០០ នាក់ ទេសចរបរទេសប្រមាណ ៣៣.៧៧០ នាក់។នេះបើយោងតាមមន្ទីរទេសចរណ៍ខេត្តសៀមរាប។

ប្រភពដដែលនេះបានឱ្យដឹងថា៖នៅពិធីបុណ្យថ្ងៃទី១ នាថ្ងៃទី១៥ ខែមីនា ឆ្នាំ២០២៤ទទួលបានទេសចរសរុបប្រមាណ ១៦១.២៧២ នាក់ ក្នុងនោះ ទេសចរជាតិ ប្រមាណ ១៥០.០០០ នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ៦៥.០០០ នាក់ និងទេសចរបរទេស ប្រមាណ ១១.២៧២ នាក់។

នៅថ្ងៃទី២ នាថ្ងៃទី១៦ ខែមីនា ឆ្នាំ២០២៤ ទេសចរសរុបប្រមាណ ២៩៦.២៧៩ នាក់ ក្នុងនោះ  ទេសចរជាតិ ប្រមាណ ២៨៥.០០០ នាក់ ក្នុងនោះបងប្អូនប្រជាពលរដ្ឋក្នុងខេត្តសៀមរាប ប្រមាណ ១៥៨.០០០ នាក់ និងទេសចរបរទេស ប្រមាណ ១១.២៥៥ នាក់។

ចំណែកថ្ងៃទី៣នាថ្ងៃទី១៧ ខែមីនាឆ្នាំ២០២៤ ទេសចរសរុបប្រមាណ ៩៦.២៤៣ នាក់ ក្នុងនោះ ទេសចរជាតិ ប្រមាណ ៨៥.​០​០​០​ នាក់(បងប្អូនប្រជាពលរដ្ឋក្នុងខេត្តសៀមរាបប្រមាណ៥៨.០០០នាក់)និងទេសចរបរទេសប្រមាណ១១.២៤៣ នាក់៕