រុស្ស៊ីដាក់ឱ្យប្រើប្រព័ន្ធ AI ថ្មី សម្រាប់បង្កើនសមត្ថភាពដ្រូនយោធា

បរទេស៖ ក្រសួងការពារជាតិរុស្ស៊ី បានប្រកាសដាក់ឱ្យប្រើប្រាស់ប្រព័ន្ធបច្ចេកវិទ្យាបញ្ញាសិប្បនិម្មិត (AI) ថ្មីមួយ ដើម្បីផ្តល់វីដេអូពីសកម្មភាពប្រយុទ្ធជាក់ស្តែងដល់ក្រុមអ្នកផលិតដ្រូនក្នុងស្រុក សម្រាប់យកទៅហ្វឹកហាត់ប្រព័ន្ធ AI របស់ដ្រូនយោធា។ នេះបើយោងតាមការចេញផ្សាយរបស់កាសែតរុស្ស៊ី RT កាលពីដើមសប្តាហ៍កន្លងមក។

តាមការបញ្ជាក់ពីខាងយោធា សេវាកម្មថ្មីនេះអនុញ្ញាតឱ្យអ្នកអភិវឌ្ឍន៍អាចចូលមើលទិន្នន័យវីដេអូពិតៗ ពីការប្រើប្រាស់ដ្រូនប្រយុទ្ធគ្រប់ប្រភេទ ដូចជា ដ្រូនបញ្ជាមើលផ្ទាល់ពីចម្ងាយ (FPV) ដ្រូនស្លាបចក្រ និងដ្រូនស្លាបបិទជិត ជាដើម។

ទិន្នន័យទាំងនេះត្រូវបានប្រើប្រាស់ដើម្បីជួយអ្នកអភិវឌ្ឍន៍ហ្វឹកហាត់ប្រព័ន្ធ AI របស់ដ្រូនយោធា និងជួយឱ្យកងទ័ពអាចបត់បែនបានឆាប់រហ័សទៅតាមការវិវត្តនៃបច្ចេកវិទ្យា ខណៈសង្គ្រាមកំពុងផ្លាស់ប្តូរតាមរយៈការប្រើប្រាស់បច្ចេកវិទ្យាដ្រូន។

គំនិតផ្តួចផ្តើមនេះ ស្របទៅនឹងការលើកឡើងរបស់ថ្នាក់ដឹកនាំរុស្ស៊ី ដែលបានសង្កត់ធ្ងន់ពីការបន្តជំរុញការប្រើប្រាស់បច្ចេកវិទ្យាឌីជីថល និង AI ចូលទៅក្នុងកម្មវិធីអភិវឌ្ឍន៍អាវុធរបស់ជាតិ។

ទន្ទឹមនឹងនេះ អាជ្ញាធររុស្ស៊ីក៏បានកត់សម្គាល់ពីភាពស្មុគស្មាញផ្នែកបច្ចេកទេស និងតម្រូវការក្នុងការតាមដានយ៉ាងដិតដល់ នៅពេលប្រព័ន្ធ AI ចាប់ផ្តើមធ្វើការសម្រេចចិត្តដោយស្វ័យប្រវត្តិ។

ដើម្បីធានាសុវត្ថិភាពទិន្នន័យ ប្រព័ន្ធថ្មីនេះត្រូវបានការពារដោយបច្ចេកវិទ្យាសុវត្ថិភាពព័ត៌មានកម្រិតខ្ពស់ រួមមានការកូដសម្ងាត់ និងការផ្ទៀងផ្ទាត់អត្តសញ្ញាណយ៉ាងម៉ត់ចត់។ ប្រព័ន្ធនេះក៏មានប្រព័ន្ធតម្រៀបទិន្នន័យតាមស្តង់ដារ ដើម្បីជួយឱ្យអ្នកអភិវឌ្ឍន៍ងាយស្រួលរៀបចំ និងរៀបរៀងព័ត៌មានតាមទម្រង់រួមមួយ។

បន្ទាប់ពីអ្នកអភិវឌ្ឍន៍បានបញ្ចូលលទ្ធផលការងាររបស់ខ្លួនទៅក្នុងប្រព័ន្ធ ក្រសួងការពារជាតិរុស្ស៊ីនឹងពិនិត្យមើលភាពត្រឹមត្រូវ មុននឹងយកទិន្នន័យទាំងនោះទៅប្រើប្រាស់សម្រាប់ហ្វឹកហាត់ប្រព័ន្ធ AI របស់ខ្លួន។

លោក Dmitry Shcherbinin អនុរដ្ឋមន្ត្រីក្រសួងការពារជាតិរុស្ស៊ី បានឱ្យដឹងថា បច្ចុប្បន្នមានអង្គភាពជាង ៤០ ដែលធ្វើការលើការហ្វឹកហាត់ AI បានចូលរួមក្នុងគម្រោងនេះ ហើយអង្គភាពមួយចំនួនបានចាប់ផ្តើមបំពាក់ប្រព័ន្ធ AI ដែលបានហ្វឹកហាត់រួច ចូលទៅក្នុងដ្រូនប្រយុទ្ធជាក់ស្តែងហើយ។

គម្រោងនេះជាផ្នែកមួយនៃការខិតខំប្រឹងប្រែងរបស់យោធារុស្ស៊ី ក្នុងការបំពាក់ AI លើយន្តហោះដ្រូន ដើម្បីជួយកត់ចំណាំរូបភាព ស្វែងរកគោលដៅប្រយុទ្ធ នាំផ្លូវ និងពង្រឹងប្រព័ន្ធការពារអាកាសឱ្យកាន់តែមានប្រសិទ្ធភាព៕

រុស្ស៊ីដាក់ឱ្យប្រើប្រព័ន្ធ AI ថ្មី សម្រាប់បង្កើនសមត្ថភាពដ្រូនយោធា

លោក សន ស៊ុនលី | Mr. San Sounly

អ្នកសារព័ត៌មានអន្តរជាតិ

ព័ត៌មានទូទៅ

សេដ្ឋកិច្ច

អប់រំ

កីឡា

កម្សាន្ត

អរិយធម៌ខ្មែរ

Politico 360

One-Minute

កម្ពុជាមាតុភូមិខ្ញុំ

សច្ចធម៌ប្រវត្តិសាស្ត្រ

វិភាគសុីជម្រៅ

វឌ្ឍនភាពកម្ពុជា

អំពីក្រុមហ៊ុន

រុស្ស៊ី​ដាក់​ឱ្យ​ប្រើ​ប្រព័ន្ធ​ ​AI ​ថ្មី​ ​សម្រាប់​បង្កើន​សមត្ថភាព​ដ្រូន​យោធា​

លោក សន ស៊ុនលី | Mr. San Sounly

អ្នកសារព័ត៌មានអន្តរជាតិ

រុស្ស៊ីដាក់ឱ្យប្រើប្រព័ន្ធ AI ថ្មី សម្រាប់បង្កើនសមត្ថភាពដ្រូនយោធា