​សាកលវិទ្យាល័យ​ ​ពុទ្ធិសាស្ត្រ​ ​នឹង​រៀបចំ​កម្មវិធី​ពិសេស​ក្រោម​ប្រធានបទ​ ​បង្កើត​បញ្ញា​សិប្បនិម្មិត​ ​(​AI​) ​ផ្ទាល់ខ្លួន​ សម្រាប់​សិស្សានុសិស្ស ​ក៏​ដូចជា​ការ​ផ្តល់​ព័ត៌មាន​សិក្សា​សម្រាប់​អាណាព្យាបាល​ ​នៅ​ថ្ងៃសុក្រ ​ទី​៣១​ ​ខែកក្កដា ​ឆ្នាំ​២០២៦​ ​ចាប់ពី​ម៉ោង​ ​៨:០០​ ​ព្រឹក​ ​ដល់​ ​១១:៣០​ ​ព្រឹក​ ​នៅ​បរិវេណ​សាកលវិទ្យាល័យ​ ​ពុទ្ធិសាស្ត្រ​។​

​កម្មវិធី​នេះ​ជា​ផ្នែក​មួយ​នៃ​យុទ្ធនាការ​ ​”​Tech​ ​for​ ​Tomorrow​” ​របស់​សាកលវិទ្យាល័យ​ ​ពុទ្ធិសាស្ត្រ​ ​ដែល​មាន​គោលបំណង​ជំរុញ​ការ​យល់ដឹង​អំពី​បច្ចេកវិទ្យា​បញ្ញា​សិប្បនិម្មិត​ ​(​Artificial​ ​Intelligence​ ​– ​AI​) ​និង​បង្ហាញ​ពី​ឱកាស​សិក្សា​ ​និង​អាជីព​ក្នុង​វិស័យ​បច្ចេកវិទ្យា ​សម្រាប់​យុវជន​កម្ពុជា​។​

​ក្នុង​កម្មវិធី​នេះ​ ​សិស្សានុសិស្ស​នឹង​ទទួលបាន​បទពិសោធន៍​អនុវត្ត​ជាក់ស្តែង​ ក្នុង​ការ​បង្កើត​ ​និង​កែសម្រួល​ ​AI​ ​Tutor​ ​ផ្ទាល់ខ្លួន​ ក្រោម​ការ​ណែនាំ​ពី​ ​បណ្ឌិត​ ប៊ួយ​ រីណា ​(​Dr​.​ ​Buoy​ ​Rina​) ​អ្នកស្រាវជ្រាវ​ជាន់​ខ្ពស់​ផ្នែក​ ​Applied​ ​AI​។ ​អ្នកចូលរួម​នឹង​ស្វែងយល់​អំពី​ការ​ប្រើប្រាស់​ ​Large​ ​Language​ ​Models​ ​ដូចជា​ ​ChatGPT​ ​និង​ ​Gemini​ ​សម្រាប់​ការ​សិក្សា​ ​ការ​ស្រាវជ្រាវ​ ការ​សង្ខេប​ឯកសារ​ ការ​រៀបចំ​អត្ថបទ ​ការ​បង្កើត​បទបង្ហាញ​ ​និង​ការ​ប្រើប្រាស់​ឧបករណ៍​ ​AI​ ​ផ្សេង​ៗ​ ​ដើម្បី​បង្កើន​ប្រសិទ្ធភាព​ក្នុង​ការ​សិក្សា​ ​និង​ការងារ​។​

​ជាមួយគ្នា​នេះ​ផងដែរ​ ​សាកលវិទ្យាល័យ​ក៏​រៀបចំ​កម្មវិធី​ ​សម្រាប់​អាណាព្យាបាល​ ក្រោម​ការ​ដឹកនាំ​ដោយ​ ​លោកគ្រូ​បណ្ឌិត​ ​តាំង ​សាគីរីន ​ដែល​នឹង​ចែករំលែក​អំពី​ទិសដៅ​អាជីព​ក្នុង​វិស័យ​បច្ចេកវិទ្យា​ ​និង​ ​AI​ ​ទាំង​នៅ​កម្ពុជា​ ​និង​ក្នុង​តំបន់​ ​ព្រមទាំង​ផ្តល់​ព័ត៌មាន​អំពី​កម្មវិធី​សិក្សា​ ​ឱកាស​អាហារូបករណ៍​ ​ថ្លៃ​សិក្សា​ ​និង​ឆ្លើយ​សំណួរ​ផ្សេង​ៗ​របស់​អាណាព្យាបាល​។​

​សិស្សានុសិស្ស ​ក៏​ដូចជា​និស្សិត​អាច​ចុះឈ្មោះ​ចូលរួម​ដោយ​ឥត​គិត​ថ្លៃ​! ​រួសរាន់​ឡើង​ ​ចំនួន​អ្នកចូលរួម​មាន​កំណត់​។ ​ការ​ចុះឈ្មោះ​ចូលរួម​អាច​ធ្វើ​បាន​តាមរយៈ៖​
​https​:​/​/​forms​.​gle​/​2​ggreAdHK​2​RvwgQn​6​

​សាកលវិទ្យាល័យ​ ​ពុទ្ធិសាស្ត្រ​ ​(​UP​) ​គឺជា​គ្រឹះស្ថាន​ឧត្តម​សិក្សា​ឈាន​មុខ​មួយ​នៅ​កម្ពុជា​ ​ដែល​ផ្តល់​ការ​អប់រំ​ប្រកបដោយ​ឧត្តមភាព​ក្នុង​វិស័យ​វិទ្យាសាស្ត្រ​សុខាភិបាល​ ​និង​វិទ្យាសាស្ត្រ​បច្ចេកវិទ្យា​។ ​សាកលវិទ្យាល័យ​បន្ត​វិនិយោគ​លើ​ការ​អប់រំ​ផ្អែក​លើ​ការ​អនុវត្ត​ ​ការ​ស្រាវជ្រាវ​ និង​ន​វានុវត្តន៍​ ​ដើម្បី​បណ្តុះបណ្តាល​ធនធាន​មនុស្ស​ជំនាន់​ថ្មី​ ​ដែល​មាន​ជំនាញ​ ​និង​ត្រៀមលក្ខណៈ​សម្រាប់​ទីផ្សារ​ការងារ​នា​ពេល​បច្ចុប្បន្ន​ ​និង​អនាគត​៕