កម្មវិធី ASEM-DUO Fellowship Programme (DUO-Sweden Fellowship Programme) បានបើកទទួលពាក្យសម្រាប់កម្មវិធីផ្លាស់ប្តូរសិក្សារយៈពេលមួយឆមាស (One-Semester Exchange Program) ទៅកាន់ស្ថាប័នអប់រំនៅប្រទេសស៊ុយអែត សម្រាប់ឆ្នាំ២០២៦។

កម្មវិធីនេះមានគោលបំណងលើកកម្ពស់ការផ្លាស់ប្តូរនិស្សិតរវាងប្រទេសអាស៊ី និងប្រទេសស៊ុយអែត តាមរយៈប្រព័ន្ធ “DUO” ដែលតម្រូវឱ្យមាននិស្សិតជាគូ (១ នាក់ពីអាស៊ី និង ១ នាក់ពីស៊ុយអែត) ដើម្បីធ្វើការផ្លាស់ប្តូរគ្នា និងបង្កើនបទពិសោធន៍សិក្សា និងវប្បធម៌អន្តរជាតិ។

រយៈពេលកម្មវិធី

• រយៈពេល៖ ១ ឆមាស (ប្រហែល ៤ ខែ)
• សិក្សាពេញម៉ោងនៅសាកលវិទ្យាល័យដៃគូ

អត្ថប្រយោជន៍

• និស្សិតកម្ពុជាអាចទទួលបានអាហារូបករណ៍ប្រហែល 4,000 អឺរ៉ូ
• គាំទ្រចំណាយលើការសិក្សា ការរស់នៅ និងការធ្វើដំណើរ

លក្ខខណ្ឌដាក់ពាក្យ

• ជានិស្សិតកំពុងសិក្សា (បរិញ្ញាបត្រ ឬ អនុបណ្ឌិត)
• សាកលវិទ្យាល័យមានកិច្ចព្រមព្រៀងសហការជាមួយស្ថាប័ននៅប្រទេសស៊ុយអែត
• ត្រូវមានការជ្រើសរើសជាគូ (DUO) ជាមួយនិស្សិតស៊ុយអែត
• មានសមត្ថភាពភាសាអង់គ្លេសល្អ

ដំណើរការដាក់ពាក្យ

• ការដាក់ពាក្យត្រូវធ្វើតាមរយៈសាកលវិទ្យាល័យដៃគូនៅប្រទេសស៊ុយអែត
• និស្សិតត្រូវទាក់ទងការិយាល័យទំនាក់ទំនងអន្តរជាតិរបស់សាកលវិទ្យាល័យខ្លួន

កាលបរិច្ឆេទដាក់ពាក្យ (Application Period)

ការទទួលពាក្យចាប់ផ្តើមពីថ្ងៃទី ០៦ ខែមេសា ឆ្នាំ២០២៦ ដល់ថ្ងៃទី ១៨ ខែឧសភា ឆ្នាំ២០២៦ (តាមម៉ោងប្រទេសស៊ុយអែត)។ សម្រាប់ការដាក់ពាក្យ សូមចូលទៅកាន់ ៖ https://www.asemduo.org/03_forms/forms_04.php ៕