អាហារូបករណ៍ស្រាវជ្រាវសម្រាប់និស្សិតកម្ពុជា ៦០០ កន្លែង សិក្សានៅប្រទេសអូស្ត្រាលី | APSARA MEDIA SERVICES

បណ្ដាញផ្សព្វផ្សាយយើងខ្ញុំផ្សេងទៀត

EconomyEducationSportsInfotainmentAMS TravelKhmer CivilizationPolitico 360 Dark ModeAMS ONE-MINUTEកម្ពុជាមាតុភូមិខ្ញុំសច្ចធម៌ប្រវត្តិសាស្ត្រAPSARA TV 11សម្លេងយុវជនសម្លេងមាតុភូមិ
APSARA Media Services Light Logo
អាហារូបករណ៍ស្រាវជ្រាវសម្រាប់និស្សិតកម្ពុជា ៦០០ កន្លែង សិក្សានៅប្រទេសអូស្ត្រាលី

អាហារូបករណ៍ស្រាវជ្រាវសម្រាប់និស្សិតកម្ពុជា ៦០០ កន្លែង សិក្សានៅប្រទេសអូស្ត្រាលី

រដ្ឋាភិបាលអូស្ត្រាលី នៅក្នុងឆ្នាំសិក្សាថ្មីនេះ បានប្រកាសផ្តល់អាហារូបករណ៍ស្រាវជ្រាវនៅប្រទេសអូស្ត្រាលី Melbourne Research Scholarship និង Research Training Program (RTP) Scholarship ដល់និស្សិតកម្ពុជា ឱ្យបន្តការសិក្សាថ្នាក់ក្រោយបរិញ្ញាបត្រផ្នែកស្រាវជ្រាវ នៅសាកលវិទ្យាល័យ Melbourne ប្រទេសអូស្ត្រាលី សរុបប្រមាណ ៦០០ កន្លែង។

អាហារូបករណ៍នេះផ្ដល់ជូនដល់និស្សិតដែលមានសមត្ថភាពសិក្សាឆ្នើម ទាំងនិស្សិតក្នុងស្រុក និងនិស្សិតអន្តរជាតិ។

អត្ថប្រយោជន៍អាហារូបករណ៍៖ លើកលែងថ្លៃសិក្សា ១០០% និងអាចទទួលបានការឧបត្ថម្ភផ្នែកហិរញ្ញវត្ថុរហូតដល់ ១៣៥,០០០ ដុល្លារអូស្ត្រាលី។

លក្ខខណ្ឌចូលរួម ៖ បានដាក់ពាក្យ និងបំពេញតាមលក្ខខណ្ឌចូលរៀនថ្នាក់ក្រោយបរិញ្ញាបត្រផ្នែកស្រាវជ្រាវ នៅសាកលវិទ្យាល័យ Melbourne ឬកំពុងសិក្សាក្នុងកម្មវិធីថ្នាក់ក្រោយបរិញ្ញាបត្រផ្នែកស្រាវជ្រាវ នៅសាកលវិទ្យាល័យ Melbourne។

របៀបដាក់ពាក្យ

សម្រាប់បេក្ខជនថ្មីដែលបានដាក់ពាក្យចូលរៀនក្នុងកម្មវិធីស្រាវជ្រាវ មុនថ្ងៃផុតកំណត់ នៃកម្មវិធីនីមួយៗ នឹងត្រូវបានពិចារណាដោយស្វ័យប្រវត្តិសម្រាប់អាហារូបករណ៍នេះ ដោយមិនចាំបាច់ដាក់ពាក្យស្នើសុំអាហារូបករណ៍ដាច់ដោយឡែកឡើយ។ ចំពោះនិស្សិតដែលកំពុងសិក្សា ឬបានពន្យារពេលចូលសិក្សា នីតិវិធីដាក់ពាក្យអាចខុសគ្នាទៅតាមមហាវិទ្យាល័យនីមួយៗ។

ចំពោះព័ត៌មានបន្ថែម និងការដាក់ពាក្យ សិស្ស និស្សិតអាចចូលទៅកាន់តំណរភ្ជាប់ ៖ https://scholarships.unimelb.edu.au/awards/graduate-research-scholarships ៕

កញ្ញា ឌិន ថារី | Din Thary

កញ្ញា ឌិន ថារី | Din Thary

កញ្ញា ឌិន ថារី ធ្លាប់មានបទពិសោធន៍ជាច្រើនឆ្នាំទៅលើការសរសេរព័ត៌មាន ជាអ្នករាយការណ៍ព័ត៌មាន និង​សម្របសម្រួល​កម្មវិធីផ្សេងៗ។ បច្ចុប្បន្ន កញ្ញា ជាអ្នករាយការណ៍ព័ត៌មាន និងសរសេរព័ត៌មានអប់រំ នៃ AMS Education ។

ឆ្នាំ២០២៥ © រក្សាសិទ្ធិគ្រប់យ៉ាងដោយ៖ អគ្គនាយកដ្ឋានវិទ្យុ និងទូរទស្សន៍អប្សរា