ដំណឹងល្អសម្រាប់សិស្ស-និស្សិត! ក្រុមការងារអាហារូបករណ៍អភិសន្តិបណ្ឌិត ស សុខា ក្រោមការឧបត្ថម្ភ និងគាំទ្រពី ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី សហការជាមួយសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ផ្ដល់ជូនអាហារូបករណ៍សរុបចំនួន ១៥កន្លែង លើកម្រិតថ្នាក់បរិញ្ញាបត្រ សម្រាប់ឆ្នាំសិក្សា២០២៦-២០២៧។

អាហារូបករណ៍នេះ បើកទូលាយសម្រាប់សិស្ស-និស្សិតទូទាំងប្រទេសដែលមានបំណងបន្តការសិក្សាថ្នាក់ឧត្តមសិក្សា ដោយមានព័ត៌មានលម្អិតដូចខាងក្រោម៖

១. ជំនាញសិក្សាដែលផ្ដល់ជូន

អាហារូបករណ៍ផ្ដល់ជូនលើ ៧ ជំនាញសំខាន់ៗ រួមមាន៖
១. នីតិសាស្ត្រ
២. រដ្ឋបាលសាធារណៈ
៣. សេដ្ឋកិច្ចអភិវឌ្ឍន៍
៤. គ្រប់គ្រងធុរកិច្ច
៥. ធនាគារនិងហិរញ្ញវត្ថុ
៦. គណនេយ្យ
៧. សេដ្ឋកិច្ចព័ត៌មានវិទ្យា

២. លក្ខខណ្ឌ និងព័ត៌មានសិក្សា

កម្រិតសិក្សា ៖ ថ្នាក់បរិញ្ញាបត្រ (ត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រសមមូល)។

សម្គាល់៖ ចំពោះសិស្សដែលទើបប្រឡងបាក់ឌុបឆ្នាំ២០២៦ មិនទាន់ដឹងលទ្ធផល អាចភ្ជាប់បញ្ជីឈ្មោះបេក្ខជនប្រឡងរបស់ក្រសួងអប់រំ យុវជន និងកីឡា ដើម្បីដាក់ពាក្យបាន។

វេនសិក្សា៖ ពេលរសៀល (ម៉ោង ១៤:០០ ដល់ ១៧:០០)

កាលបរិច្ឆេទចូលរៀន៖ ចុងខែតុលា ឆ្នាំ២០២៦

ទីតាំងសិក្សា៖ សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (មហាវិថីព្រះមុនីវង្ស សង្កាត់ទន្លេបាសាក់ ខណ្ឌចំការមន រាជធានីភ្នំពេញ)

៣. លក្ខខណ្ឌអាទិភាព

ផ្ដល់អាទិភាពពិសេសចំពោះបេក្ខជនដែលធ្លាប់ចូលរួមសកម្មភាពការងារសង្គម ឬមានជីវភាពខ្វះខាត (មិនមែនជាលក្ខខណ្ឌតម្រូវដាច់ខាតឡើយ)។

បេក្ខជនដែលមានលក្ខណៈសម្បត្តិខាងលើ អាចភ្ជាប់មកជាមួយនូវលិខិតសរសើរ/លិខិតថ្លែងអំណរគុណ ឬលិខិតបញ្ជាក់ភាពក្រីក្រដែលចេញដោយអាជ្ញាធរមានសមត្ថកិច្ច។

៤. របៀប និងកាលបរិច្ឆេទនៃការដាក់ពាក្យ

របៀបដាក់ពាក្យ៖ បេក្ខជនត្រូវបំពេញបែបបទ និង Upload ឯកសារតាមរយៈកម្មវិធីទូរស័ព្ទដៃ APP Sar Sokha Scholarship ដែលអាចទាញយកបានពី App Store និង Play Store។

កាលបរិច្ឆេទទទួលពាក្យ៖ ចាប់ពីថ្ងៃផ្សព្វផ្សាយដំណឹងនេះ រហូតដល់ ថ្ងៃទី១ ខែតុលា ឆ្នាំ២០២៦ ជាកំហិត។

ព័ត៌មានទំនាក់ទំនងបន្ថែម Telegram៖ ០៩៩ ៣៤៥ ៤៣២៕