​សម្រាប់​គ្រូពេទ្យ​ ​និស្សិត​ឯកទេស ​និង​ឱសថការី​កម្ពុជា​ ​ដែល​កំពុង​ស្វែងរក​ឱកាស​ពង្រឹង​សមត្ថភាព​ ​និង​បទពិសោធន៍​ក្នុង​កម្រិត​អន្តរជាតិ​, ​ពេលនេះ​ ​សាកលវិទ្យាល័យ​វេជ្ជសាស្ត្រ​ឈាន​មុខ​គេ​លេខ​១​ ​នៃ​សហព័ន្ធ​រុស្ស៊ី​ ​Sechenov​ ​University​ ​តាមរយៈ​កម្មវិធី​ ​InteRussia​ ​Fellowship​ ​in​ ​Medicine​ ​2026​ ​(​Autumn​) ​បាន​ប្រកាស​បើក​ទទួល​ពាក្យ​ជា​ផ្លូវការ​ហើយ​។ ​កម្មវិធី​ផ្លាស់ប្តូរ​បទពិសោធន៍​ ​និង​សិក្សា​ស្រាវជ្រាវ​នេះ​ ​នឹង​ផ្តល់​ជូន​អាហារូបករណ៍​ពេញលេញ​ ​រួមទាំង​សំបុត្រ​យន្តហោះ​ទៅ​-​មក​ និង​ប្រាក់​ឧបត្ថម្ភ​ផ្សេង​ៗ​។​

​កម្មវិធី​ ​InteRussia​ ​Fellowship​ ​in​ ​Medicine​ ​2026​ ​គឺជា​គម្រោង​សហប្រតិបត្តិការ​អន្តរជាតិ​ ​ដែល​រៀបចំឡើង​ដើម្បី​បើក​ឱកាស​ឱ្យ​អ្នកជំនាញ​ផ្នែក​វេជ្ជសាស្ត្រ​មកពី​បណ្តា​ប្រទេស​នានា ​រួមទាំង​កម្ពុជា​ ​បាន​ចូលរួម​សិក្សា​ ​សង្កេតការណ៍​ព្យាបាល​ដោយ​ផ្ទាល់​ ​ចែករំលែក​បទពិសោធន៍​ជាមួយ​អ្នកជំនាញ​រុស្ស៊ី​ ​និង​ចូលរួម​ក្នុង​សកម្មភាព​ស្រាវជ្រាវ​នៅ​តាម​មន្ទីរពេទ្យ​ទំនើប​ៗ ​និង​មជ្ឈមណ្ឌល​ស្រាវជ្រាវ​លំដាប់​កំពូល​ក្នុង​ទីក្រុង​ម៉ូស្គូ ​រយៈពេល​ពី​ ​៤​ ​ទៅ​ ​៦​ ​សប្តាហ៍​។

​ជំនាញ​ឯកទេស​ដែល​បើក​ទទួល​ពាក្យ​

​សម្រាប់​វគ្គ​សិក្សា​ ​Autumn​ ​2026​ ​នេះ​ កម្មវិធី​ផ្តោត​លើ​ជំនាញ​សំខាន់​ៗ​ចំនួន​ ​៥​ ​រួមមាន​៖​
​-​ ​Integrative​ ​and​ ​Complementary​ ​Medicine​ ​(​វេជ្ជសាស្ត្រ​សហការ​ ​និង​បំពេញ​បន្ថែម​)
​-​ ​Neurology​ ​(​រោគ​សរសៃ​ប្រសាទ​)
​-​ ​Oncology​ ​(​ជំងឺ​មហារីក​)
​-​ ​Dermatology​ ​(​ជំងឺ​ស្បែក​)
​-​ ​Oral​ ​Potentially​ ​Malignant​ ​Disorders​ ​(​OPMD​) ​and​ ​Oral​ ​Cancer​ ​Screening​ &​ ​Diagnosis​ ​(​ការ​ពិនិត្យ​ ​និង​រោគវិនិច្ឆ័យ​ជំងឺ​មហារីក​មាត់​)

​លក្ខខណ្ឌ​នៃ​ការ​ជ្រើសរើស​

​បេក្ខជន​/​បេក្ខ​នារី ​ដែល​មាន​បំណង​ដាក់ពាក្យ​ ​ត្រូវ​បំពេញ​តាម​លក្ខខណ្ឌ​ដូច​ខាងក្រោម​៖​
​-​ ​មិន​មែន​ជា​ពលរដ្ឋ​រុស្ស៊ី​ ​និង​កំពុង​រស់​នៅ​ក្រៅ​សហព័ន្ធ​រុស្ស៊ី​។
​-​ ​មិន​កំពុង​សិក្សា​ ​ឬ​បម្រើ​ការងារ​នៅក្នុង​ស្ថាប័ន​ ​ឬ​ក្រុមហ៊ុន​រុស្ស៊ី​នា​ពេល​ដាក់ពាក្យ​ឡើយ​។
​-​ ​មាន​ការ​អប់រំ​ផ្នែក​វេជ្ជសាស្ត្រ​ ​និង​កំពុង​បម្រើ​ការងារ​ជា ​វេជ្ជបណ្ឌិត​, ​និស្សិត​វេជ្ជសាស្ត្រ​ឯកទេស ​(​Resident​ ​Doctor​) ​ឬ​ឱសថការី ​នៅ​តាម​ស្ថាប័ន​សុខាភិបាល​ក្រៅពី​សហព័ន្ធ​រុស្ស៊ី​។
​-​ ​មាន​អាយុ​ចន្លោះ​ពី​ ​២១​ ​ដល់​ ​៤០​ ​ឆ្នាំ​។
​-​ ​មាន​សមត្ថភាព​ប្រើប្រាស់​ភាសា​អង់គ្លេស​បាន​ល្អ​ (​យ៉ាងហោចណាស់​កម្រិត​ ​B​2​ ​Framework​)​។​

​អត្ថប្រយោជន៍​ និង​ការ​ឧបត្ថម្ភ​

​អ្នក​ជ័យលាភី​នឹង​ទទួលបាន​ការ​ឧបត្ថម្ភ​ពី​កម្មវិធី​ ​ដូចជា​ ​ថ្លៃ​ធ្វើដំណើរ​ទៅ​-​មក​ រវាង​ប្រទេស​ដើម​ និង​ទីក្រុង​ម៉ូស្គូ ​សហព័ន្ធ​រុស្ស៊ី​, ​បន្ទប់​ស្នាក់នៅ​រួម​ (​២​ ​នាក់​ ក្នុង​មួយ​បន្ទប់​) ​ឥត​គិត​ថ្លៃ​, ​ទទួលបាន​ប្រាក់​អាហារូបករណ៍​ចំនួន​ ​15,000​ ​Rubles​ ​សម្រាប់​អំឡុង​ពេល​សិក្សា​, ​ទទួលបាន​ការ​ធានារ៉ាប់រង​សុខភាព​ពេញលេញ​។​

​បញ្ជាក់​៖ ​បេក្ខជន​ត្រូវ​ទទួលបន្ទុក​ចំណាយ​ផ្ទាល់ខ្លួន​លើ​ ​ថ្លៃ​ស្នើសុំ​ទិដ្ឋាការ​ (​Visa​ ​Fee​) ​និង​ថ្លៃ​អាហារ​ប្រចាំ​ថ្ងៃ​ក្នុង​អំឡុង​ពេល​ចូលរួម​កម្មវិធី​។​

​របៀប​ដាក់ពាក្យ​ ​និង​កាលបរិច្ឆេទ​ផុត​កំណត់​

​បេក្ខជន​ត្រូវ​ចូល​ទៅកាន់​គេហទំព័រ​ [​https​:​/​/​interussia​.​com​] ​រួច​បង្កើត​គណនី​នៅលើ​ប្រព័ន្ធ​ ​Gorchakov​ ​Fund​ ​និង​បំពេញ​ព័ត៌មាន​ផ្ទាល់ខ្លួន​ បទពិសោធន៍​ការងារ​ឱ្យ​បាន​ត្រឹមត្រូវ​។

​កាលបរិច្ឆេទ​ផុត​កំណត់​ទទួល​ពាក្យ​៖​ ​ថ្ងៃទី​២៤​ ​ខែសីហា ​ឆ្នាំ​ ​២០២៦​ ​វេលា​ម៉ោង​ ​២៣:៥៩​ ​(​ម៉ោង​នៅ​ទីក្រុង​ម៉ូស្គូ)​៕