ជាឱកាសដ៏ល្អមួយសម្រាប់អតីតនិស្សិត អ្នកជំនាញវ័យក្មេង និងសាធារណជនកម្ពុជា ក្នុងការអភិវឌ្ឍសមត្ថភាពភាពជាអ្នកដឹកនាំ តាមរយៈកម្មវិធី YSEALI Professional Exchange នៅសហរដ្ឋអាមេរិក ដែលគាំទ្រថវិកាដោយរដ្ឋាភិបាលសហរដ្ឋអាមេរិក និងអនុវត្តដោយអង្គការ American Councils for International Education។

កម្មវិធីនេះ មានគោលបំណងអភិវឌ្ឍសមត្ថភាពភាពជាអ្នកដឹកនាំរបស់អ្នកជំនាញវ័យក្មេងនៅអាស៊ីអាគ្នេយ៍ តាមរយៈការផ្លាស់ប្តូរចំណេះដឹង បទពិសោធន៍ការងារ ការកសាងបណ្តាញទំនាក់ទំនងវិជ្ជាជីវៈ និងការពង្រឹងកិច្ចសហប្រតិបត្តិការអន្តរជាតិ។

វិស័យសំខាន់ៗនៃកម្មវិធី

• ភាពជាអ្នកដឹកនាំ និងអភិបាលកិច្ច (Leadership and Governance)
• នវានុវត្តន៍ និងសហគ្រិនភាព (Innovation and Entrepreneurship)
• ការអភិវឌ្ឍសហគមន៍ (Community Development)
• ការគ្រប់គ្រង និងដោះស្រាយបញ្ហាសង្គម (Management and Problem-Solving)
• កិច្ចសហប្រតិបត្តិការ និងបណ្តាញវិជ្ជាជីវៈអន្តរជាតិ (International Professional Networking)

លក្ខខណ្ឌនៃការជ្រើសរើស ៖ មានអាយុចន្លោះពី ២៥ ដល់ ៣៥ ឆ្នាំ, ជាអ្នកជំនាញមកពីប្រទេសសមាជិក YSEALI ក្នុងនោះរួមមានប្រទេសកម្ពុជាផងដែរ, មានចំណាប់អារម្មណ៍លើការអភិវឌ្ឍភាពជាអ្នកដឹកនាំ និងការផ្លាស់ប្តូរបទពិសោធន៍វិជ្ជាជីវៈ, បំពេញលក្ខខណ្ឌជ្រើសរើសផ្សេងៗតាមការកំណត់របស់កម្មវិធី។

ចំពោះការសិក្សាវិញ គឺមានរយៈពេលប្រមាណ ៦ សប្តាហ៍ នៅសហរដ្ឋអាមេរិក។

ក្នុងអំឡុងពេលកម្មវិធី បេក្ខជនដែលត្រូវបានជ្រើសរើសនឹងមានឱកាសធ្វើការជាមួយស្ថាប័នរដ្ឋ វិស័យឯកជន និងអង្គការមិនស្វែងរកប្រាក់ចំណេញនៅសហរដ្ឋអាមេរិក ដើម្បីសិក្សាពីបទពិសោធន៍ការងារជាក់ស្តែង និងពង្រឹងសមត្ថភាពវិជ្ជាជីវៈរបស់ខ្លួន។

បើកទទួលពាក្យចាប់ពីថ្ងៃនេះ រហូតដល់ថ្ងៃទី១០ ខែធ្នូ ឆ្នាំ២០២៦។ សម្រាប់ព័ត៌មានបន្ថែម និងការដាក់ពាក្យ សូមចូលទៅកាន់ https://www.ysealipfp.org/ ៕