កម្មវិធី ASEAN Foundation Model East Asia Summit 2026 កំពុងប្រកាសជ្រើសរើសនិស្សិតឆ្នើមចំនួន ៦០ រូប ដើម្បីចូលរួមសិក្សាស្វែងយល់ពីសន្តិសុខ សន្តិភាព និងកិច្ចសហប្រតិបត្តិការក្នុងតំបន់ នៅទីក្រុងហ្សាកាតា ប្រទេសឥណ្ឌូនេស៊ី។

ការរៀបចំនេះ ត្រូវបានធ្វើឡើងដើម្បីអបអរសាទរខួបលើកទី ៥០ នៃសន្ធិសញ្ញាមិត្តភាព និងកិច្ចសហប្រតិបត្តិការក្នុងតំបន់អាស៊ីអាគ្នេយ៍ TAC។ ការសិក្សាស្វែងយល់ពីវិស័យការទូតនេះទៀតសោតក៏នឹងត្រូវធ្វើឡើងនៅទីស្នាក់ការអាស៊ាន រាជធានីហ្សាកាតា ប្រទេសឥណ្ឌូនេស៊ី ចាប់ពីថ្ងៃទី៧ ដល់ថ្ងៃទី១១ ខែធ្នូ ឆ្នាំ ២០២៦។

លក្ខខណ្ឌជ្រើសរើស

-ជាពលរដ្ឋនៃប្រទេសមួយក្នុងចំណោមប្រទេសដែលមានសិទ្ធិចូលរួម រួមមានប្រទេសសមាជិកអាស៊ានទាំង១១ អូស្ត្រាលី ចិន ឥណ្ឌា ជប៉ុន នូវែលសេឡង់ សាធារណរដ្ឋកូរ៉េ សហព័ន្ធរុស្ស៊ី ឬសហរដ្ឋអាមេរិក។

-កំពុងសិក្សាក្នុងកម្មវិធីសញ្ញាបត្របរិញ្ញាបត្ររង ឬបរិញ្ញាបត្រ (ឬកម្មវិធីដែលមានកម្រិតស្មើគ្នា) នៅគ្រឹះស្ថានឧត្តមសិក្សាក្នុងប្រទេសដែលមានសិទ្ធិចូលរួម នៅពេលកម្មវិធីប្រព្រឹត្តទៅ។

-មានអាយុចាប់ពី១៨ ដល់២៦ឆ្នាំ ក្នុងអំឡុងពេលកម្មវិធី។

-មានសមត្ថភាពប្រើប្រាស់ភាសាអង់គ្លេសបានល្អ ទាំងការសរសេរ និងការនិយាយ ដោយមិនតម្រូវឱ្យមានលទ្ធផលតេស្ត TOEFL ឬ IELTS ឡើយ។

សម្រាប់យុវជនកម្ពុជាដែលចង់ស្វែងយល់ពីវិស័យការទូត ទំនាក់ទំនងអន្តរជាតិ និងកិច្ចសហប្រតិបត្តិការសូមកុំឱ្យឱកាសនេះរំលងផុតទៅឱ្យសោះ សូមរួសរាន់ធ្វើការ [ដាក់ពាក្យ] ឱ្យបានត្រឹមថ្ងៃទី៣០ ខែតុលា ឆ្នាំ២០២៦ នេះជាកំហិត៕