ម៉ូដែលវ័យក្មេង Isabella Galliano របស់កម្ពុជាឈ្នះ Cosmo Kid’s Star 2026 នៅវៀតណាម

តារាម៉ូដែលវ័យក្មេង Isabella Galliano បាននាំមកនូវជ័យជម្នះមួយកមកម្ពុជា ក្នុងនាមជា Winner Cosmo Kid’s Star 2026 នៅប្រទេសវៀតណាមកាលពីពេលថ្មីៗនេះ។ ក្នុងវ័យ ១៣ ឆ្នាំ កូនកាត់ខ្មែរអាមេរិក Isabella បានធ្វើឲ្យបរទេសភ្ញាក់ផ្អើល ក្នុងដំណើរដណ្ដើមបានពានរង្វាន់ Model champion Cosmo Kid’s Star ឆ្នាំនេះ។

Isabella Galliano បានខិតខំប្រឹងប្រែងរៀនសូត្រ ហ្វឹកហាត់ និងអភិវឌ្ឍខ្លួនពីមួយថ្ងៃទៅមួយថ្ងៃ ទម្រាំបានជោគជ័យនាវគ្គផ្ដាច់ព្រ័ត្រModel champion Cosmo Kid’s Star 2026។ Isabella បានចូលកងប្រកួត Cosmo Kid’s Star 2026 រយៈពេល ១ សប្ដាហ៍ និងបាននាំយកភាពអស្ចារ្យក្នុងនាមជាជារីខ្មែរ ទៅបង្ហាញចំពោះមុខសាធារណជននៅវៀតណាម។

រូបសម្បត្តិ ចំណេះដឹង កម្ពស់ខ្ពស់សមនឹងជាតារាម៉ូដែល Isabella Galliano អាចប្រើប្រាស់ភាសាអង់គ្លេសបានស្ទាត់ជំនាញ ព្រមទាំងភាពជឿជាក់ទៀតផងផងនោះ មិនបានធ្វើឲ្យនាងខកបំណងឡើយ ដោយអាចដណ្ដើមលេខ១បាន ដោយផ្ដួលបេក្ខភាពជាច្រើន។

កូនកាត់ខ្មែរអាមេរិក បានរ៉ាយរ៉ាប់ថា “ខ្ញុំពិតជាមិនអាចជឿពេលវេលានេះបានទេ! ការឈ្នះចំណាត់ថ្នាក់លេខ១ នៅ Cosmo Academy មានន័យច្រើនសម្រាប់ខ្ញុំ ហើយខ្ញុំមានការដឹងគុណយ៉ាងខ្លាំងចំពោះអ្នករាល់គ្នាដែលជឿជាក់លើខ្ញុំ គាំទ្រខ្ញុំ និងលើកទឹកចិត្តខ្ញុំពេញមួយដំណើរនេះ។
បទពិសោធន៍នេះបានបង្រៀនខ្ញុំយ៉ាងច្រើនអំពីទំនុកចិត្ត ការតាំងចិត្ត សេចក្ដីសប្បុរស និងជំនឿលើខ្លួនឯង។ ខ្ញុំពិតជាដឹងគុណយ៉ាងខ្លាំងចំពោះអ្នករៀបចំដ៏អស្ចារ្យ ចៅក្រម គ្រូបង្វឹក ក្រុមគ្រួសារ មិត្តភ័ក្ដិ និងអ្នករាល់គ្នាដែលបានគាំទ្រខ្ញុំក្នុងដំណើរនេះ។ នេះគឺជាក្ដីសុបិនក្លាយជាការពិត ហើយខ្ញុំពិតជាមានមោទនភាព និងដឹងគុណយ៉ាងខ្លាំងដែលបានក្លាយជាអ្នកឈ្នះចំណាត់ថ្នាក់លេខ១ នៅ Cosmo Academy សូមអរគុណអស់ពីបេះដូងរបស់ខ្ញុំ។ នេះគ្រាន់តែជាការចាប់ផ្តើមប៉ុណ្ណោះ Cosmo Academy។

អ្នកឈ្នះរង្វាន់ Cosmo Kid’s Star 2026ដែលទើបទទួលបានមកុដថ្មី Isabella Galliano – ទទួលបានរង្វាន់ដ៏មានតម្លៃដូចខាងក្រោម៖

រង្វាន់ជាសាច់ប្រាក់ ២០ ០០០ ០០០ ដុង
អាហារូបករណ៍ពេញលេញសម្រាប់វគ្គសិក្សានៅ Cosmo Academy ដែលមានតម្លៃ ១៧ ០០០ ០០០ ដុង
តួនាទីជា BA សម្រាប់គ្លីនិកធ្មេញ An Phuoc
voucherសម្រាប់ផលិតផល Hoan Vu Yen ដែលមានតម្លៃ ១០ ០០០ ០០០ ដុង (មានសុពលភាពរយៈពេល១២ ខែ)
កាដូពី TH True MILK
កាដូពី Thien Long
ការថតរូបអ្នកឈ្នះ
តួនាទីជាអ្នកតំណាង និងជាដៃគូក្នុងយុទ្ធនាការផ្សព្វផ្សាយរបស់ Cosmo Academy (៦ខែ)
កន្លែងសម្ដែងពិសេសនៅ Cosmo The Show 2026
ការចូលរួមក្នុងព្រឹត្តិការណ៍ពិសេសដែលរៀបចំដោយ Cosmo Academy និង UniMedia (៦ ខែ)
ការផ្សព្វផ្សាយរូបភាពនៅទូទាំងវេទិកាផ្សព្វផ្សាយរបស់ Cosmo Academy (៦ខែ)
ឱកាសចូលរួមក្នុងការថតរូបផ្ដាច់មុខជាមួយបវរកញ្ញា Cosmo វៀតណាម ឆ្នាំ ២០២៥ និងបវរកញ្ញា Cosmo ឆ្នាំ២០២៦

គួរបញ្ជាក់ផងដែរថា Isabella Galliano ទទួលបានសញ្ជាតិអាមេរិកកាលពីអំឡុងខែកក្កដា ឆ្នាំ ២០២៤។ ដោយឪពុករបស់ Isabella ជាអ្នកវិនិយោគមកពីអាមេរិកឈ្មោះ Anthony Galliano ដោយមានតួនាទីដូចជា នាយកប្រតិបត្តិក្រុមហ៊ុន Lotus BPO (វៀតណាម) នាយក OBOR Mgt នាយកប្រតិបត្តិក្រុមហ៊ុន Cambodian Investment Management Hldg, នាយក B2B Media Asia News, អនុប្រធានសភាពាណិជ្ជកម្មអាមេរិកប្រចាំកម្ពុជា នាយកប្រតិបត្តិក្រុមហ៊ុន Moores Rowland (កម្ពុជា) នាយកប្រតិបត្តិក្រុមហ៊ុន CIM Tax៕