ទាក់ទិនមតិអវិជ្ជមានមួយចំនួនចំពោះការជ្រើសរើស ម៉ែសេះ ជាតួសម្ដែងធំក្នុងរឿងកុន «ភូមិគ្រឹះអាគម» ដែលត្រៀមចាក់បញ្ចាំងនាថ្ងៃទី ២៨ សីហា ខាងមុខ Peypey Dy បានឆ្លើយតបបែបងាយស្រួលយល់ធ្វើឱ្យអ្នកគាំទ្រពេញចិត្តស្ដូក។
ក្រោយការដាក់បង្ហាញ POSTER រឿង «ភូមិគ្រឹះអាគម» ព្រមទាំង Trailer បណ្ដាអ្នកប្រើប្រាស់បណ្ដាញសង្គមហ្វេសបុកបានចូលខមិនព្រោងព្រាត។ ក្នុងចំណោមខមិនជាច្រើនពាក់ព័ន្ធនឹងរឿងខាងលើឃើញមានខមិនមួយចំនួនបានលើកឡើងពីការជ្រើសរើសតួសម្ដែងដោយផ្ដោតជាពិសេសលើ ម៉ែសេះ ថា៖ «ខ្វះតួមែន?»។
ស្រាប់តែ Peypey Dy ដែលជាផលិតករនៃខ្សែរឿងមួយនេះបានឆ្លើយតបវិញថា៖ «អត់ខ្វះទេបង តែសូមបើកចិត្តទទួលយកមនុស្សមានសមត្ថភាពផង គិតងាយៗមីសេះជាមនុស្សក្នុងក្រុមខ្ញុំ ខ្ញុំចង់លើកវាធ្វើជាតួឯកក្នុងរឿងកុនដំបូងរបស់ខ្ញុំ»។
ចំពោះការឆ្លើយតបរបស់ Peypey Dy ចំពោះបញ្ហាមួយនេះបានធ្វើឱ្យអ្នកគាំទ្រជាច្រើនបង្ហាញការពេញចិត្តជាខ្លាំង។ ដ្បិតថា ម៉ែសេះ មិនមែនជាតារាសម្ដែងអាជីព ប៉ុន្តែបុគ្គលរូបនេះតែងតែបង្ហាញភាពប៉ិនប្រសព្វរបស់ខ្លួនតាមរយៈការសម្ដែងនៅក្នុងវីដេអូខ្លីៗ ដែលបង្ហោះនៅលើអាខោន Peypey Dy ដោយទទួលបានការសរសើរពេញចិត្តពីសំណាក់អ្នកតាមដាន។ ដោយឡែក ក្នុងខ្សែភាពយន្តខ្នាតធំនាលើកនេះ ម៉ែសេះ ក៏ទទួលបានការគាំទ្រមិនតិចនោះដែរដោយមានហ្វេនៗជាច្រើនទន្ទឹងរង់ចាំមើលខ្សែរឿងដែលគាត់សម្ដែង។
គួរឱ្យដឹងដែរថារឿង «ភូមិគ្រឹះអាគម» គឺជាស្នាដៃដឹកនាំសម្ដែងចុងក្រោយរបស់ផលិតករ កៅ សីហា រួមគ្នាជាមួយ Peypey Dy , Ah Da Sakada ចូលរួមនិពន្ធដោយលោក យូ សុភា៕
ចុចទីនេះ ទស្សនា Trailer រឿង «ភូមិគ្រឹះអាគម» https://www.facebook.com/peypeydy/videos/777413224672941
រូបភាព ៖ FB Peypey Dy
