កាលពី​ពេល​ថ្មី​ៗ​កន្លង​ទៅ ស៊ីន យូប៊ីន ឈ្នះ​ពាន​រង្វាន់ Fashion Influencer of the Year របស់​ទស្សនាវដ្ដី Harpper’s bazzar វៀតណាម​ឆ្នាំ ២០២៥ ដោយ​កញ្ញា​ក៏​បាន​ទៅ​ទទួល​ដោយ​ផ្ទាល់​ផង​ដែរ។ តារា​ស្រី​ជួរ​មុខ​របស់​កម្ពុជា​រូបនេះ ក៏​បាន​ឆ្លៀត​ឱកាស​ផ្ដល់​បទ​សម្ភាស គ្រា​ទទួល​ពាន Fashion Influencer of the Year​នៅ​ប្រទេស​វៀតណាម​ថែម​ទៀត​ផង។ សម្រាប់ ស៊ីន យូប៊ីន ពានរង្វាន់ Fashion Influencer of the Year នៅឯ Harper’s Bazaar Star Awards 2025 មិនត្រឹមតែជាថ្ងៃខួបកំណើតគម្រប់ ៣០ ឆ្នាំរបស់នាងប៉ុណ្ណោះទេ ប៉ុន្តែ​ក៏​ជា​ការ​ទទួល​ស្គាល់​ពី​ដំណើរ​ដ៏​ខ្ជាប់ខ្ជួន​របស់​នាង​ក្នុង​ការ​គោរព​អត្តសញ្ញាណ​ខ្មែរ​ជាមួយ​នឹង​ស្ទីល​ប្លែក​ៗ​របស់​នាង​ផងដែរ។

តួឯក​ស្រី​រឿង “លួច​ស្នេហ៍​គូ​ដណ្ដឹង​” បាន​ឲ្យ​ដឹង​ថា ដំណើរ​នៃ​ការ​លើក​ស្ទួយ​វប្បធម៌​ជាតិ​តាមរយៈ​ម៉ូដ​ថា មិនមែន​ជា​រឿង​ងាយ​ស្រួល​នោះ​ទេ។ ដោយសារ​តែ​វប្បធម៌​នៅ​ក្នុង​ម៉ូដ ពេលខ្លះ​មិន​មាន​នៅ​ក្នុង​ទម្រង់ ប៉ុន្តែ​ត្រូវ​បាន​លាក់​នៅ​ក្នុង​​ផ្នែក​ណា​មួយ​។ ដូច្នេះ​ហើយ ការ​ខិតខំ​ប្រឹងប្រែង​របស់ ស៊ីន យូប៊ីន ក្នុង​ការ​ផ្សព្វផ្សាយ​សម្រស់​ខ្មែរ តាមរយៈ​ភាសា fashion គឺ​កាន់តែ​មានតម្លៃ។

ដើម្បី​ប្រកួត​ប្រជែង​ខ្លួនឯង​ជាមួយ​នឹង​ពិភព​ដ៏​ធំ​នៅ​ខាងក្រៅ តារា​ស្រី​សាច់​ស​ខ្ចី បាន​ជ្រើសរើស​ផ្លូវ​ដ៏​លំបាក​មួយ​នៅ​ពេល​ងាក​ទៅ​រក​ម៉ូដ។ នៅ​ទីនោះ និយមន័យ​នៃ​ភាព​ស្រស់​ស្អាត ផ្លាស់ប្ដូរ​ស្ទើរតែ​រាល់ថ្ងៃ។ នាង​បង្ហាញ​ខ្លួន​នៅ​ក្នុង​ការ​ថតរូប​ជាមួយ​នឹង​អាកប្បកិរិយា​ប្រកប​ដោយ​មោទនភាព ព្រោះ​នាង​ដឹង​ថា​នាង​ជា​នរណា​ជាង​នរណា​ៗ​ទាំងអស់។ នៅ​ក្នុង​បទ​សម្ភាស​ជាមួយ Bazaar Vietnam នាង​បន្ត​ថា ប៉ុន្តែ​នៅ​ពី​ក្រោយ​ទំនុក​ចិត្ត​នោះ គឺ​ជា​យប់​ដែល​គេង​មិន​លក់​រាប់​មិន​អស់ ហើយ​ពាក្យ​រិះគន់​ដែល​ស្ទើរ​តែ​ធ្វើ​ឲ្យ​នាង​ដួល។

ស៊ីន យូប៊ីន ផ្កា​ឈូក​ដុះ​ចេញ​ពី​ភក់

នាង​ចាប់​ផ្ដើម​អាជីព​ជា​តារា​សម្ដែង។ វាសនា​បាន​នាំ​នាង​មក​កាន់​វិថីសិល្បៈក្នុងឆ្នាំ ២០១៤ នៅ​ពេល​ដែល​ឈ្មោះ ស៊ីន យូប៊ីន ត្រូវ​បាន​ប្រកាស​នៅ​ក្នុង​ចំណាត់​ថ្នាក់​ខ្ពស់​បំផុត​នៃ​ការ​ប្រកួត Freshy Boy and Girl លើក​ទី ១២ នៅ​ក្នុង​ប្រទេស​កម្ពុជា។ កម្មវិធី​​នៅ​ពេល​នោះ គឺ​ជា​ការ​ប្រកួត​ស្វែង​រក​ទេពកោសល្យ​ដ៏​ធំ​បំផុត​ក្នុង​ប្រទេស។ ក្រោយ​មក​នាង​ក៏​មាន​ឱកាស​ចូល​រួម​សម្ដែង​ភាពយន្ត​បន្តិច​ម្ដង​ៗ​ក៏​បាន​ស្និទ្ធស្នាល​ជាមួយ​ទស្សនិកជន​ក្នុងស្រុក។ ទោះជាយ៉ាងណាក៏ដោយ ដើម្បី​ប្រកួតប្រជែង​ខ្លួនឯង​ជាមួយ​នឹង​ពិភព​ដ៏​ធំ​នៅ​ខាងក្រៅ នាង​ បាន​ជ្រើសរើស​ផ្លូវ​ដ៏​លំបាក​មួយ​នៅ​ពេល​ងាក​ទៅ​រក Fashion។ នាង​បង្ហាញ​ខ្លួន​នៅ​ក្នុង​ការ​ថត​រូប​ជាមួយ​នឹង​អាកប្បកិរិយា ប្រកបដោយ​មោទនភាព ព្រោះ​​នាង​ដឹង​ថា​នាង​ជា​នរណា​ទាំងអស់។ ប៉ុន្តែ​នៅ​ពី​ក្រោយ​ទំនុក​ចិត្ត​នោះ គឺ​ជា​យប់​ដែល​គេង​មិន​លក់​រាប់​មិន​អស់ និង​ពាក្យ​សង្ស័យ​ដែល​ស្ទើរ​តែ​ធ្វើ​ឲ្យ​នាង​ដួល។

“មាន​ពេល​មួយ​ដែល​សំឡេង​រិះគន់​ខ្លាំង​ជាង​ពាក្យ​គាំទ្រ”

តារា​ស្រី​វ័យ​៣០ ឆ្នាំ​រូប​នេះ​ទទួល​ស្គាល់​ថា មាន​ពេល​ខ្លះ​នាង​ស្ទើរតែ​ចង់​បោះបង់​វិថី​មួយ​នេះ។ តែ​ក្នុង​គ្រា​លំបាក​បំផុត​នាង​បាន​រក​ឃើញ​ភាព​រឹងមាំ​នៅ​ក្នុង​ជំនឿ​រប​ខ្លួន​ថា ភាព​ស្រស់​ស្អាត​ស្ថិត​នៅ​ក្នុង​អត្តសញ្ញាណ មិនមែន​ជា​ភាព​ល្អ​ឥត​ខ្ចោះ​នោះ​ទេ។

ប្រសិនបើ​កាលពី​មុន​នាង​ធ្លាប់​ប្រៀបធៀប​ខ្លួន​នាង​ទៅ​នឹង​ផ្ការីក​នា​ពេល​រាត្រី ថ្ងៃនេះ​ក្នុង​ដំណើរ​ដ៏​វែងឆ្ងាយ​នាង​បាន​ជ្រើសរើស​ផ្កា​ឈូក។ ដោយសារ​តែ​ផ្កា​នេះ​ដុះ​ចេញ​ពី​ភក់ ប៉ុន្តែ​នៅតែ​ភ្លឺ​ចែងចាំង ស្អាត ក្រអូប។ អត្ថន័យ​ពីក្រោយ​នេះ​គឺ​ស្រដៀង​ទៅ​នឹង​អាជីព​ម៉ូដ​របស់ យូប៊ីន ដែល​ប្រែ​ក្លាយ​បញ្ហា​ប្រឈម​ទៅ​ជា​ភាព​ស្រស់​ស្អាត ដោយ​មិន​ភ្លេច​ពី​កន្លែង​ដែល​នាង​ចាប់ផ្ដើម។ រូបភាព​នៃ​ផ្កាឈូក គឺ​ប្រហែល​ជា​ពាក្យ​ប្រៀបធៀប​ដ៏​ល្អ​បំផុត​សម្រាប់​អាជីព​របស់​នាង។ យូប៊ីន ប្រៀប​បាន​នឹង​ផ្កា​ឈូក​ដែល​ដុះ​មក​ពី​អាស៊ីអាគ្នេយ៍ ដែល​ផ្ទុក​នូវ​ភាព​រឹងមាំ​របស់​ស្ត្រី​ដែល​ខិតខំ​ឥត​ឈប់​ឈរ ទោះបី​ជា​មាន​ការ​រិះគន់​ក៏​ដោយ។

ម៉ូដ​មិន​ត្រឹម​តែ​ជា​សម្លៀក​បំពាក់​ប៉ុណ្ណោះ​ទេ ប៉ុន្តែ​ក៏​ជា​ស្រុក​កំណើត​របស់​នាង​ដែរ។ នេះ​ជា​ការ​លើកឡើង​របស់ ស៊ីន យូប៊ីន ក្នុង​បទ​សម្ភាស​ជាមួយ Bazaar Vietnam។ “ពេល​ដែល​ខ្ញុំ​គ្រង​ឈុត​ដែល​បំផុស​គំនិត​ដោយ​ខ្មែរ​នៅ​លើ​ឆាក​អន្តរជាតិ ហើយ​បាន​ឃើញ​ភ្នែក​មនុស្ស​ជាច្រើន​ដែល​ចង់​ដឹង​ចង់​ឃើញ​រឿងរ៉ាវ​នៅ​ពី​ក្រោយ ខ្ញុំ​បាន​ដឹង​ថា​ម៉ូដ​អាច​ក្លាយ​ភាសា​ដែល​ហួស​ព្រំដែន​ទាំងអស់”​។

នៅ​ក្នុង​ស្ទីល៍​របស់​នាង ​​អ្នក​អាច​ស្គាល់​បាន​យ៉ាង​ងាយស្រួល​នូវ​វប្បធម៌​ប្រពៃណី​ដែល​កើត​ជា​ថ្មី​ក្នុង​ទម្រង់​ទំនើប។ ពី​ក្រណាត់​ត្បាញ​ដោយដៃ​គួប​ផ្សំ​នឹង​រូប​ភាព​សហ​សម័យ រហូត​ដល់​គំនូរ​បុរាណ​ខ្មែរ​មាន​ពណ៌​ទាន់​សម័យ។ វា​គឺ​ជា​ការ​បញ្ចូល​គ្នា​នៃ​ការ​ចងចាំ និង​អនាគត ភាព​ទន់ភ្លន់ និង​កម្លាំង ប្រវត្តិសាស្ត្រ និង​បច្ចុប្បន្ន។ នាង​ជឿ​ថា​បេតិកភណ្ឌ​មិន​គួរ​ត្រូវ​បាន​បង្ហាញ​នៅ​ក្នុង​ទូ​កញ្ចក់​ទេ។ ដូច្នេះហើយ សម្លៀកបំពាក់នីមួយៗដែលនាងជ្រើសរើសពាក់ ឬ​រូបភាព Concept នីមួយ​ៗ​ដែល​នាង​បង្កើត គឺ​បង្កប់​នៃ​ព្រលឹងខ្មែរ ដែល​មិនអួតអាង ប៉ុន្តែ​លាក់បាំង​គ្រប់គ្រាន់​ធ្វើឲ្យ​អ្នក​ទស្សនា​មិន​អាច​ឈប់គិត។

“ខ្ញុំ​ចង់ដាស់​វប្បធម៌/ប្រពៃណី ឲ្យរស់ឡើងវិញក្នុងទម្រង់ថ្មីមួយ”

ស៊ីន យូប៊ីន មាន​មោទនភាព​ដែល​នាង​បាន​ចូលរួមចំណែកមួយផ្នែកតូចក្នុង​ការ​បំបែក​ការ​រើសអើង​របស់​មនុស្ស​ជាច្រើន​ដែល​ថា “ម៉ូដ​ខ្មែរ​អាចឈរត្រឹមថ្នាក់មូលដ្ឋានប៉ុណ្ណោះ”។ វា​មិនមែន​ជា​ការ​បំផ្លើស​ទេ ដែល​និយាយ​ថា ​ការខិតខំប្រឹងប្រែងរបស់​នាង ក្នុង​ការ​យក​អត្តសញ្ញាណ​​ខ្មែរ​ពី​ទីក្រុង​ភ្នំពេញ ទៅ​កាន់​ឆាក​អន្តរជាតិ តាំងពី​ប្រាសាទ​បុរាណ​រហូត​ដល់​ហេដ្ឋារចនាសម្ព័ន្ធ​ផ្សេងៗ។ មរតក​នឹង​មិន​ចាស់​ឡើយ បើ​យើង​ចេះ​ស្រឡាញ់​និង​បន្ត​វា​ឲ្យ​បាន​ត្រឹម​ត្រូវ។

សម្រស់​នារី​អាស៊ីអាគ្នេយ៍​ក្នុង​យុគសម័យ​ថ្មី។ បន្ទាប់ពី​ធ្វើការ​ជាច្រើន​ឆ្នាំ​នៅ​ក្នុង​ឧស្សាហកម្ម​ម៉ូដ យូប៊ីន នៅតែ​រក្សា​គោលការណ៍​ដែល​មិន​អាច​ផ្លាស់ប្ដូរ​បាន គឺ​ភាព​ស្មោះត្រង់។ “ភាព​ស្មោះត្រង់​​ជាមួយ​ខ្លួនឯង គឺ​ជា​ភាព​ប្រណីត​ដែល​ខ្ញុំ​ស្រលាញ់​បំផុត”។

នៅ​ក្នុង​បណ្ដាញ​សង្គម ដែល​អ្វីៗ​គ្រប់យ៉ាង​អាច​ត្រូវ​បាន​លាប​ពណ៌​ឲ្យ​មើល​ទៅ​កាន់តែ​អស្ចារ្យ ផ្លូវ​ទៅ​កាន់​ការ​រស់នៅ​ដោយ​ស្មោះ​ត្រង់​ហាក់​ដូចជា​ពិបាក ប៉ុន្តែ​ជាក់​ស្ដែង​ជាង។ ដោយសារ​ការ​រក្សា​ភាព​ថ្លៃថ្នូរ​ក្នុង​វិជ្ជាជីវៈ ការ​រស់នៅ​ដោយ​ស្មោះ​ចំពោះ​ខ្លួនឯង ដោយ​មិន​ខ្មាសអៀន គឺជា​រឿង​ដែល​មនុស្ស​សម័យ​នេះ​ពិបាក​សម្រេច។

ដើម្បី​កំណត់​ស្ត្រី​អាស៊ី​អាគ្នេយ៍​សម័យ​បច្ចុប្បន្ន​កញ្ញា ស៊ីន យូប៊ីន បាន​ជ្រើសរើស​ប្រយោគ​មួយ​ឃ្លា៖ “ដើរ​ដោយ​ចក្ខុ ហើយ​ដឹកនាំ​ដោយសុភាព ទន់ភ្លន់ តែ​មិន​ទន់​ខ្សោយ រឹងមាំ ប៉ុន្តែ​មិន​រឹងរូស”។

ពេល​ដែល​នាង​ឈរ​នៅ​លើ​ឆាក ដើម្បី​ទទួល​ពានរង្វាន់ Fashion Influencer of the Year ក្នុងកម្មវិធី Harper’s Bazaar Star Awards 2025 គឺជា​រូបភាព​នៃ “ផ្កាឈូកនៅក្នុងភក់”។ នៅ​ពេល​ដែល​ភាព​ស្រស់​ស្អាត​គឺ​មិនមែន​គ្រាន់តែ​ជា​សម្លៀកបំពាក់​នោះ ប៉ុន្តែ​នៅ​ក្នុង​ដំណើរ​ដើម្បី​យក​ឈ្នះ និង​ផ្សព្វផ្សាយ​តម្លៃ​វប្បធម៌។ ចំពោះ យូប៊ីន Fashion មិន​ត្រឹមតែ​ជា​គោល​ដៅ​ប៉ុណ្ណោះ​ទេ ប៉ុន្តែ​ជា​ស្ពាន​រវាង​មនុស្ស អត្តសញ្ញាណ និង​មោទនភាព​ជាតិ ដែល​ជា​ផ្កា​ដែល​រីក​យ៉ាង​ស្ងៀមស្ងាត់ ប៉ុន្តែ​ពិត​ជា​អស្ចារ្យ និង​មាន​មោទនភាព​មិន​ធម្មតា៕

រូបភាព៖ IG & Facebook Shin Yubin និង Bazaar Vietnam