បងប្អូនស្រី អ៊ិន លក្ខិណា និង អ៊ិន ម៉ូលីកា សម្ដែងរឿងថ្មីជាមួយគ្នា

Top 10 Miss Cosmo 2024 កញ្ញា អ៊ិន លក្ខិណា នៅតែមានទីផ្សារមិនដាច់ពីប្រទេសវៀតណាម មិនថាថតកម្មវិធី និងដើរបង្ហាញម៉ូដ។ បវរកញ្ញាសម្បុរស្រអែមស្រស់រូបនេះ ទើបទទួលបានការងារសម្ដែងជាតួឯកស្រីក្នុងរឿងព្រឺ រន្ធត់ មួយជាមួយបងស្រីខ្លួនទៀតផង។

ក្រៅពីក្លាយជាតួឯកស្រីហើយ ដែលត្រៀមចាក់ផ្សាយលើរោងកុន Miss Cosmo Cambodia 2024 ក៏ត្រៀមចេញមុខនៅវៀតណាមកម្មវិធីថ្មីមួយទៀតដែរ។ វីដេអូខ្លីរបស់ លក្ខិណា របស់ អ៊ិន លក្ខិណា រួមជាមួយឈុតសម្លៀកបំពាក់វៀតណាម ដោយដាក់ caption ខ្លីថា “ការងារថ្មី Coming soon”។ បើទោះជាមិនទាន់ច្បាស់ថា ការងារថ្មីរបស់ អ៊ិន លក្ខិណា ជាអ្វី តែអ្នកគាំទ្រគិតថាជាការប្រម៉ូតអ្វីមួយពីប្រទេសវៀតណាមក៏ថាបាន។

ថ្មីៗនេះដែរ Top 10 Miss Cosmo 2024 ទើបបញ្ចប់ការដើរបង្ហាញម៉ូដដ៏ធំប្រចាំឆ្នាំនៅប្រទេសវៀតណាម និងការងារជាច្រើនផ្សេងទៀតនៅប្រទេសម៉ាឡេស៊ី។ នេះជាការឲ្យដឹងពីតួឯកស្រីរឿង «សហាយព្រាយ»។ គួរបញ្ជាក់ផងដែរថារឿង «សហាយព្រាយ» នេះដែរ លក្ខិណា បានសម្ដែងជាមួយបងស្រីខ្លួនបង្កើត អ៊ិន ម៉ូលីកា។

កាលពីប៉ុន្មានសប្ដាហ៍មុន អ្នកគាំទ្រធ្លាប់បានលើកឡើងថា អ៊ិន លក្ខិណា នឹងត្រឡប់មកកាន់វេទិកាបវរកញ្ញាម្ដងទៀត អាចជា Miss World Cambodia។ តែក្រោយមក CIM បានប្រកាសម្ចាស់មកុដ Miss World Cambodia ២០២៦ ហើយ តែមិនមែនជា លក្ខិណា ហើយក៏សង្ឃឹមថា ថ្ងៃណាមួយកញ្ញានឹងត្រឡប់មកឆាកបវរកញ្ញាណាមួយជាក់ជាមិនខាន។

អ៊ិន លក្ខិណា ក្រោយជាប់ Top 10 Miss Cosmo 2024 ហើយនោះ ការងារសិល្បៈកាន់តែមមាញឹក ហើយការងារប្រម៉ូតផលិតផលផ្សេងៗកាន់តែហូរចូលមកមិនឈប់៕