លោកស្រី សុភា បុត្រឈរ ផ្ដល់ជំនួញរាប់ម៉ឺនដុល្លារ គ្រាកម្ពុជារងការឈ្លានពានពីទាហានថៃ

មហាជនពិតជាស្គាល់លោកស្រី សុភា បុត្រឈរ/Sophea Böttcher ដែលជាសប្បុរសជនដែលជួយជនខ្វះខាតនៅប្រទេសកំណើតច្រើនខ្លាំងមែនទែន តាំងពីមុនប្រទេសកម្ពុជាមានសង្គ្រាមទៀត។ កូនអ្នកកំពង់ធំរូបនេះ បានបរិច្ចាគជាថវិកាតាមរយៈបុគ្គលល្បីៗក្នុងស្រុកខ្មែរជាច្រើន ដើម្បីជួយដល់ជនភៀសសឹក និងកងទ័ពខ្មែរជួរមុខ។

ឆ្លងកាត់ជីវិតលំបាក សុភា ពិតជាយល់ច្បាស់ ដូចនេះទើបក្នុងកាលៈទេសៈនេះ ស្រ្តីដែលបានស្វាមីជាសេដ្ឋីអាល្លឺម៉ង់រូបនេះ មិនបានបោះបង់ជនរួមជាតិដែលខ្វះខាតឡើយ។ គ្រាន់តែជំនួយត្រួសៗដែលលោកស្រី បានជួយតាមរយៈបុគ្គលល្បីៗមានដូចជា៖

លោក Rich Kh ១ ម៉ឺនដុល្លារ
ស្រីផាច ១ ម៉ឺនដុល្លារ
ហេង វិសាល ១ ម៉ឺនដុល្លារ

នេះនៅមិនទាន់អស់នៅឡើយទេ ដោយលោកស្រី សុភា បុត្រឈរ បានជួយទៅតាមរយៈអ្នកស្រុកភូមិ និងខ្លះទៀតផ្ដល់ឲ្យកងទ័ព និងអ្នកភៀសសឹកដទៃទៀតច្រើន។ ពីមុនមហាជនតែងតែមានចម្ងល់ថា ហេតុអ្វីបានជា លោកស្រី សុភា និងស្វាមីមានទ្រព្យសម្បត្តិ និងអាចជួយអ្នកខ្វះខាតច្រើនម្ល៉េះ?

ការពិតស្វាមីរបស់លោកស្រី សុភា ឈ្មោះ Udo Bottcher គឺជានាយកគ្រប់គ្រង និងជាស្ថាបនិកនៃក្រុមហ៊ុន Bottcher AG ដែលជាក្រុមហ៊ុនលក់ដុំ និងបញ្ជាទិញតាមប្រៃសណីយ៍ (អនឡាញ) របស់អាល្លឺម៉ង់សម្រាប់ការផ្គត់ផ្គង់ការិយាល័យ បច្ចេកវិទ្យាការិយាល័យ គ្រឿងសង្ហារិមការិយាល័យ សម្ភារជាងសំណង់, ឧបករណ៍ក្នុងសួនច្បារ, គ្រឿងសុវត្ថិភាពការងារ, ហាងលក់ថ្នាំ និងរបស់របរប្រើប្រាស់ក្នុងផ្ទះ ក៏ដូចជារបស់ក្មេងលេង ដែលBottcher AG មានមូលដ្ឋាននៅទីក្រុង Jena ក្នុងប្រទេសអាល្លឺម៉ង់ ហើយ Jena ជាទីក្រុងធំទីពីរនៅ Thuringia។

ក្រុមហ៊ុនបានបង្កើតការលក់ប្រហែល ៩០០ លានអឺរ៉ូ ឬជាង ១ ពាន់លានដុល្លារ ក្នុងឆ្នាំ២០២៤ ហើយគិតត្រឹមខែកញ្ញា ឆ្នាំ ២០២៤ ស្ថាបនិក និងជានាយកប្រតិបត្តិ Udo Böttcher ដែលជាស្វាមីលោកស្រី សុភា បានកាន់កាប់ ១០០% នៃភាគហ៊ុនរបស់ Böttcher AG។ បច្ចុប្បន្ននេះ លោកស្រី និងស្វាមីបានបរិច្ចាគប្រាក់លើស ១២ លានអឺរ៉ូ ទៅដល់ប្រទេសកម្ពុជា អាល្លឺម៉ង់ និងប្រទេសផ្សេងៗ៕

រូបភាព៖ Sophea Böttcher

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត