ប៉ូគីមថេង សុធីតា និង Sydney Marith គ្រងឈុតម៉ូដដូចគ្នា តែកម្មវិធីផ្សេងគ្នា

អ្នកគាំទ្រហាក់ស្រឡាំងកាំងដែលឃើញ បវរកញ្ញាខ្មែរកំពុងប្រកួតលើឆាកអន្តរជាតិ និងជាអ្នកតំណាងកម្ពុជា Sydney Marith Miss Planet Cambodia 2025 និង ប៉ូគីមថេង សុធីតា ទើបប្រកាសថានឹងវិលត្រឡប់មកឆាកបវរកញ្ញាវិញ គឺ Miss Cosmo Cambodia 2026 ក្នុងនាមជាបេក្ខភាពម្នាក់ ស្រាប់តែគ្រងឈុតតែមួយ។

មហាជនចាប់អារម្មណ៍លើ ប៉ូគីមថេង សុធីតា និង Sydney Marith ខ្លាំងព្រោះអ្នកទាំង ២ បានជ្រើសរើសម៉ូដ evening gown ដូចគ្នា។ ដោយ សុធីតា បានគ្រងឈុតនោះតាំងពីថ្ងៃ ១ ខែកុម្ភៈ ឆ្នាំ ២០២៦ ដើម្បីថតវីដេអូ និងរូបសន្លឹក សម្រាប់ប្រកាសពីការវិលត្រឡប់មកវេទិកាប្រកួតប្រជែងសម្រស់ ហើយក៏បានបើកបង្ហាញពីជំហានបន្ទាប់ឲ្យអ្នកគាំទ្រដឹង នាថ្ងៃ ១០ ខែមីនា ឆ្នាំ ២០២៦។

ចំណែកកញ្ញាកូនកាត់ខ្មែរអាមេរិក Sydney បានគ្រងឈុតនោះដូចគ្នា គឺជារ៉ូបពណ៌ទឹកសមុទ្រដែលមានការឌិនអង្កាំឡើងស្អេកស្កះនាថ្ងៃទទួលបានការបំពាក់ឆៀងពីកម្មវិធី Miss Planet Cambodia រាត្រីថ្ងៃ ៧ ខែមីនា ឆ្នាំ ២០២៦ កាលពីសប្ដាហ៍មុន។

បើទោះជា សុធីតា និង Sydney គ្រងឈុតដែលច្នៃឡើងពីហាង លាភ ហេង new style កាត់ដេរ តែមួយក៏ពិតមែន តែរូបសម្រស់ និង pose style របស់បវរកញ្ញាទាំង ២ ខុសគ្នាទាំងស្រុង។ មិនតែប៉ុណ្ណោះ ការធ្វើសក់ផាត់មុខ ក៏មិនស្រដៀងគ្នាដែរ ព្រោះ សុធីតា ចូលចិត្តម៉ូដសក់មួងឡើង ឲ្យមើលទៅឃើញទម្រង់មុខកាន់តែស្អាត និងច្បាស់។

រីឯ Miss Planet Cambodia 2025 មានស្ទីល៍សក់ប្រចាំត្រកូលមូលរួញភ្លីធំ និងលើកចង់ឡើងលើ សមនឹងសក់វែងស្រាប់ បង្ហាញពីទម្រង់មុខស៊ិចស៊ី កែវភ្នែកមុតស្រួច។ ដ្បិតថា រ៉ូបតែមួយ តែរូបសម្រស់មិនអាចប្រៀបធៀបគ្នាឡើយ ដោយ ប៉ូគីមថេង សុធីតា ស្រស់ស្អាតបែបនារីខ្មែរចំ ហើយ Sydney Marithស្អាតបែបនារីកូនកាត់៕