កញ្ញា កុយ អេនណា បានចេញដំណើរចេញពីឃុំឫស្សីជ្រោយ ស្រុកមុខកំពូល ខេត្តកណ្ដាល ដែលនេះជាថ្ងៃទី ២ ហើយ។ ក្រោយដំណើរថ្មើរជើងក្រោមប្រធានបទ «ដើរដោយក្តីសង្ឃឹម ដើរដើម្បីទេសចរណ៍» របស់បវរកញ្ញារូបស្រស់ អេនណា ទទួលបានការគាំទ្រពីសំណាក់មិត្តរួមអាជីព ក៏ដូចជាហ្វេនវិស័យបវរកញ្ញាច្រើនកុះករ។
តារាបង្ហាញម៉ូដ និងជាបវរកញ្ញាសម្បុរស្រអែមស្រស់រូបនេះ បានចាប់ផ្ដើមចេញដំណើរកាលពីម្សិលមិញ ថ្ងៃ ៤ ខែកញ្ញា ឆ្នាំ ២០២៥ ពីរាជធានីភ្នំពេញ ដោយថ្ងៃទី១ នាងបានដើរបាន ៣០ គីឡូម៉ែត្រ។ នាដំណើរថ្មើរជើងថ្ងៃទី២ នេះ អេនណា មានគោលដៅដើរឲ្យបានជើង ៤០ គីឡូម៉ែត្រ ដែលគោលដៅបញ្ចប់របស់នាងថ្ងៃទី ២ គឺស្រុកស្គន់ ខេត្តកំពង់ចាម។
ថ្មើរជើងលើកដំបូងទៅកាន់ខេត្តសៀមរាបក្រោមប្រធានបទ «ដើរដោយក្តីសង្ឃឹម ដើរដើម្បីទេសចរណ៍» អេនណា បានបញ្ជាក់ថា នាងទទួលបានការស្វាគមន៍ពីសំណាក់អ្នកស្រុកអ្នកភូមិ បើទោះជាចាស់ៗតាមភូមិមិនសូបស្គាល់នាងក៏ពិតមែន តែពួកគេបានទទួលរាក់ទាក់ ព្រមទាំងមានជាទឹកឲ្យទៀតផង។ ដែលនេះសបញ្ជាក់ពីទឹកចិត្តខ្មែរស្រលាញ់ និងសាមគ្គីគ្នា។
ប្រជាពលរដ្ឋក៏អាចចូលរួមបរិច្ចាគ ដើម្បីគាំទ្រដល់យុទ្ធនាការមួយនេះ តាមរយៈការស្កេនថវិកាសប្បុរសធម៌ទៅកាន់ QR Code នៃគណនីធនាគារវឌ្ឍនៈ (ឈ្មោះគណនី កុយ អេនណា) ដែលមាននៅលើផ្ទាំងផុសស្ទើរ៍។ បើកទទួលពីថ្ងៃទី ៤ កញ្ញា ឆ្នាំ២០២៥ (ថ្ងៃចេញដំណើរ) រហូតដល់ថ្ងៃបញ្ចប់គោលដៅនៅខេត្តសៀមរាប។
«ដើរដោយក្តីសង្ឃឹម ដើរដើម្បីទេសចរណ៍» អេនណា ត្រូវដើរ ១០ ថ្ងៃ ក្នុងរយៈចម្ងាយ ៣២០ គីឡូ ម៉ែត្រ ដោយយប់ទីណា ត្រូវគេកន្លែងនោះ។ បេសកកម្មរបស់តារាម៉ូដែលរូបនេះ ផ្សារភ្ជាប់ក្តីសង្ឃឹមដើម្បីកុមារ ឬជនពិការនៅកម្ពុជា និងផ្សព្វផ្សាយទេសចរណ៍ក្នុងប្រទេស ក្រោមម្លប់សន្តិភាព៕
រូបភាព៖screensort by page Koy Anna
