សឹងមិនគួរឲ្យជឿតារាចម្រៀងប្រុសអាមេរិក Jason Derulo ស្នើសុំ មាលា ធ្វើវីដេអូខ្លីសម្រាប់បទចម្រៀងថ្មីលោក

តារាម៉ូដែល និងជាតារាភាពយន្តកម្ពុជា Mélia Constantin ជាកូនកាត់ខ្មែរបារាំង បានសាងរឿងភ្ញាក់ផ្អើលមួយនាថ្ងៃនេះ ដោយកញ្ញាបានបង្ហាញសារឆ្លើយឆ្លងរវាងនាង និងតារាចម្រៀងអាមេរិក Jason Derulo។

មាលា បានឲ្យឃើញសារនោះ ដែលផ្ញើចេញពីគណនី Instagram ដែលមាន follower ជាង ៤៥ លាននាក់ របស់ម្ចាស់បទ «Savage Love» Jason Derulo ផ្ទាល់ឆាតមក។ ដោយនៅក្នុងសារនោះ បានសរសេររៀបរាប់ថា តារាចម្រៀងកំពូលរបស់អាមេរិករូបនោះ បានចាប់អារម្មណ៍លើនាង និងចង់ឲ្យ មាលា កុនខ្មែរកាត់បារាំងរូបនេះ ធ្វើវីដេអូ Reel របស់បទថ្មីលោក។

សម្រាប់ Mélia Constantin ពិតជារំភើប ក្រោយក្រោកពីដំណេកទទួលបានដំណឹងដ៏អស្ចារ្យនោះ។ តួឯកស្រីក្នុងរឿង «ប្រវត្តិស្នេហ៍នាងនាថ» បានបញ្ចេញពីក្តីរំភើប ឲ្យអ្នកគាំទ្រនាងបានឃើញ និងអបអរជាមួយដំណឹងល្អនោះ។ មាលា បានសរសេរថា “ខ្ញុំមិនជឿថា Jason Derulo កំពុងសុំឲ្យខ្ញុំធ្វើវីដេអូខ្លីៗសម្រាប់បទចម្រៀងថ្មីរបស់គាត់ទេ? និយាយតិចទៅ!! ! ហើយទាយមើលថាអ្នកណានឹងរាំជាមួយខ្ញុំសម្រាប់ trend នោះ?”

ខ្លឹមសារនៅក្នុងការសន្ទនារបស់ មាលា និងក្រុមការងាររបស់ Jason Derulo បាននិយាយថា តារាចម្រៀងវ័យ ៣៦ឆ្នាំរូបនេះ ថា “Hey នេះគឺជា Rylieជាមួយក្រុមការងារ Jason Derulo, Jason Derulo បានឃើញពីប្រវត្តិរបស់អ្នក ហើយចង់បើកឱកាសឲ្យអ្នករាំបង្ហោះវីដេអូដោយប្រើក្បាច់រាំនៅក្នុងលីងខាងក្រោម ហើយ Jason Derulo នឹងផ្សព្វផ្សាយផេករបស់អ្នក ដោយចែករំលែកការបង្ហោះឡើងវិញ ទៅកាន់ story IG របស់គាត់ ហើយអ្នកនឹងទទួលបាន ការចូលរួម និងជំរុញអ្នកលេងបណ្ដាញសង្គមឲ្យស្គាល់គណនីនាងដោយផ្ទាល់“។

នៅក្នុងនោះបានបន្ថែមទៀតថា ប្រសិនបើ មាលា មានអារម្មណ៍មិនល្អ អាចប្រាប់ទៅកាន់ខាង Jason Derulo វិញបាន ដើម្បីមានពេលវេលាគ្រប់គ្រាន់ក្នុងការសម្របសម្រួលគ្នា ទាន់ពេលវេលា។ ទោះជាយ៉ាងណា ដំបូង ពេលឃើញសារ នាងស្មានតែគណនីក្លែងក្លាយ រហូតដល់ចូលឆែក ទើបដឹងថាជាការពិត។ សម្រាប់បទថ្មីរបស់ ម្ចាស់បទ «Swalla » ដែលសុំឲ្យ មាលា រាំនោះ អាចនឹងបទ «Mi Chico» ដែលជាការសហការជាមួយតារាស្រី Dj Goja និង Melody ជនជាតិអេស្ប៉ាញ៕