១ ឈុតៗរបស់ ហ្វីយ៉ាតា ចូលរួមប្រកួត Miss Universe សុទ្ធតែស្រស់ស្អាត និងលេចធ្លោ

គ្រាន់បានដល់ទឹកដីនៃប្រទេសថៃ Miss Universe Cambodia 2025 ថៃ នារីសុជាតា បង្ហាញភាពលេចធ្លោក្នុងឈុតសម្លៀកបំពាក់ទាក់ទាញជាច្រើនឈុតធ្វើឱ្យបណ្ដាអ្នកគាំទ្រទាំងក្នុង និងក្រៅស្រុកលាន់មាត់សរសើរព្រាត។

បេក្ខភាពបវរកញ្ញាទាំង ១២២ ប្រទេសបានទៅដល់ទឹកដី ថៃកាលពីថ្ងៃទី ២ ខែវិច្ឆិកា ២០២៥ ក្នុងនោះក៏មានកម្ពុជាផងដែរ។ ហ្វីយ៉ាតា ជាបេក្ខភាពបវរកញ្ញាតំណាងកម្ពុជាដែលត្រូវចូលរួមប្រកួត Miss Universe ក្នុងឆ្នាំ ២០២៥ ហើយអ្នកនាងក៏ជាបេក្ខភាពលេចធ្លោមួយរូបដែលឆក់បានបេះដូងអ្នកគាំទ្រទាំងក្នុង និងក្រៅប្រទេសផងដែរ។

ក្រឡេកមកមើលសម្លៀកបំពាក់ជាច្រើនឈុតដែល ថៃ នារីសុជាតា បានគ្រងតាំងពីថ្ងៃទី១ រហូតដល់ថ្ងៃទី៥ ក្នុងដំណើរការនៃការប្រកួតបវរកញ្ញាចក្កវាឡ ២០២៥ គឺសុទ្ធតែស្រស់ស្អាត លេចធ្លោ ប្រណីត និងទាក់ទាញ គួបផ្សំជាមួយចំណេះដឹងលើភាសាបរទេស ក៏ដូចជាជំនាញក្នុងការទំនាក់ទំនងបានធ្វើឱ្យបវរកញ្ញារូបនេះក្លាយជាទីចាប់អារម្មណ៍សម្រាប់អ្នកចូលរួម អ្នកសារព័ត៌មាននិងបណ្ដាបេក្ខភាពប្រកួត។

ការរៀបចំតុបតែងខ្លួន និងផាត់មុខ ធ្វើសក់ ទុកចិត្តលើ Miss Universe Cambodia 2025 ចុះ ព្រោះតាំងពីឈានជើងចូលវិស័យសិល្បៈជាង ១០ ឆ្នាំមកនេះ អ្នកនាងមានសមត្ថភាពជ្រើសរើសម៉ូដស្លៀកពាក់យ៉ាងសមសួន បូករួមការរៀនជំនាញ fashion បន្ថែមទៀតនោះ ហ្វីយ៉ាតា អាចឆក់បានការចាប់អារម្មណ៍ពីអន្តរជាតិបានយ៉ាងងាយ។

ខាងក្រោមនេះជាឈុតដែលគ្រងដោយកញ្ញាឯកចក្កវាឡកម្ពុជា ថៃ នារីសុជាតា៖