ទឹកចិត្តឪពុកធំធេង! ឃុំ ប៉ុណ្ណាដែត រង់ចាំកូនប្រុសច្បងមុខមណ្ឌលប្រឡង និងរំលឹកទៅកាលជិត ៣០ ឆ្នាំមុន

គូស្វាមីភរិយាដែលជាតារាចម្រៀងដូចគ្នា ឃុំ ប៉ុណ្ណាដែត និង យក់ ថិតរដ្ឋា មានកូនប្រុសដែលត្រូវចូលប្រឡងសញ្ញាបត្រមធ្យមសិក្សាទុតិយភូមិសម័យប្រឡង ១០ សីហា ២០២៦ មួយរូបផងដែរ។ កូនប្រុសច្បងរបស់តារាចម្រៀងទាំង ២ មានឈ្មោះថា ឃុំ រដ្ឋាណាលីដូ ដែលមានវ័យ ១៨ ឆ្នាំ។

លោកប្រុសរបស់តារាចម្រៀង ឃុំ ប៉ុណ្ណាដែត និង យក់ ថិតរដ្ឋា ជាបេក្ខជនប្រឡងនៅវិទ្យាល័យបាក់ទូក ដែលជាថ្នាក់វិទ្យាសាស្ត្រពិត។ អំឡុងពេលជូនកូនប្រុសទៅមណ្ឌលប្រឡងម្ចាស់បទ “នាឡិកា” បានរៀបរាប់រឿងកន្លង គ្រាដែលលោកប្រឡងបាក់ឌុបដូចគ្នា ដោយមានអ្នកមានគុណ រង់ចាំនៅក្រៅមណ្ឌលដូចគ្នា។

ឃុំ ប៉ុណ្ណាដែត បានសរសេរររៀបរាប់ថា «អារម្មណ៍មួយនេះយល់ច្បាស់កាលពី ២៨ ឆ្នាំមុន គឺអ្នកម្តាយរបស់ខ្ញុំនៅរង់ចាំកូនចេញពីប្រឡងទាំងអន្ទះសា បារម្ភខ្លាចកូនប្រឡងមិនបានពិន្ទុល្អ អ្នកម្តាយ»។ ការលះបង់របស់ឪពុកម្ដាយគ្រប់រូបរយៈពេលជាង ១០ ឆ្នាំ ដើម្បីរង់ចាំថ្ងៃដ៏មានអត្ថន័យនេះ ពិតជាអស្ចារ្យ និងគួរឲ្យស្ញប់ស្ញែង។

ក្រោយរៀបរាប់អារម្មណ៍ច្របូកច្របល់រង់ចាំកូនចូលប្រឡង មិត្តភ័ក្ដិរួមអាជីពជាច្រើនបានជូនពរឲ្យ ឃុំ រដ្ឋាណាលីដូ ឲ្យទទួលបានលទ្ធផលល្អ ដោយថ្ងៃនេះគឺជាថ្ងៃបញ្ចប់ការប្រឡងប្រឡងសញ្ញាបត្រមធ្យមសិក្សាទុតិយភូមិសម័យប្រឡង ១០ សីហា ២០២៦។

មិនតែប៉ុណ្ណោះមហាជនមើលឃើញពីទឹកចិត្តឪពុក រង់ចាំកូននៅខាងក្រៅយ៉ាងអន្ទះសា ហាលភ្លៀងរលឹម ហើយក្រោមកម្ដៅថ្ងៃមិនខ្លាចភាពនឿយហត់ បញ្ជាក់យ៉ាងច្បាស់ពីការលះបង់ឲ្យកូន ដោយសុំត្រឹមកូនប្រឡងចប់ចុងចប់ដើម៕

រូបភាព៖ Khum Ponnadet

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត