កម្មវិធីភ្ជាប់ពាក្យ ភិទិ និង ម៉ានីន ដែលត្រូវធ្វើឡើងខែនេះ ត្រូវរំសាយ

តារាចម្រៀងដែលទទួលបានការគាំទ្រខ្លាំងពីសំណាក់យុវវ័យ ថុល សុភិទិ និងគូស្នេហ៍ ឡុង ម៉ានីន ដែលស្រលាញ់គ្នាច្រើនឆ្នាំមកហើយនោះ បានលុបចោលកម្មវិធីភ្ជាប់ពាក្យ គ្រោងរៀបចំឡើងនៅខែសីហា នេះ ដោយសារស្ថានភាពប្រទេសជាតិមិនទាន់ប្រសើរឡើង ព្រោះការឈ្លានពានរបស់សត្រូវ។

កាលពីថ្ងៃ ២ ខែកក្កដា ឆ្នាំ ២០២៥ កន្លងទៅ ម៉ានីន ដែលជាមិត្តស្រីម្ចាស់បទ «នឹកអ្នកធ្លាប់ Call» បានចេញមកបង្ហោះសារឲ្យដឹងពីការលុបចោលកម្មវិធីជយមង្គលខ្លួន ព្រោះស្ថានការណ៍ប្រទេសមិនទាន់ធូរស្បើយ ១០០%ឡើយ។ ថៅកែជំនួញអនឡាញដ៏ល្បីរូបនេះបានរៀបរាប់ថា “កម្មពិធីភ្ជាប់ពាក្យខ្ញុំដែលធ្វើខែ 8នេះសុំរំសាយហើយណាអារម្មណ៍នៅឈឺចាប់រឿងប្រទេសជាតិ អត់អារម្មណ៍ទាន់ធ្វើអីទេ”។

អ្នកនាង ម៉ានីន បានបញ្ជាក់ថា ចាំរកថ្ងៃល្អបានម្តងទៀត ចាំប្រកាសសារជាថ្មីណា។ តាំងពីមានការឈ្លានពានពីសំណាក់កងទ័ពសៀម មកលើដែនអធិបតេយ្យភាពខ្មែរមក ឡុង ម៉ានីន និងគូស្នេហ៍គឺតារាប្រុស ថុល សុភិទិ បានស្វះស្វែងខ្លាំងទាំងផ្ដល់ជាជំនួយថវិកាផ្ទាល់ខ្លួន ជួយដល់ជនរងគ្រោះពីព្រំដែន និងដល់វីរកងទ័ពខ្មែរ ដែលបានប្រយុទ្ធតតាំងសត្រូវ មិនទាន់បានសម្រាកឡើយ។

អ្នកគាំទ្រនាង និងគូស្នេហ៍ បានសរសើរពីទឹកចិត្តរបស់អ្នកទាំង ២ ដែលយកបញ្ហាជាតិជាធំ ហើយលើកឡើងថា ពេលប្រទេសបានសុខសាន្តត្រាណហើយនោះ ថ្ងៃណាក៏ជាថ្ងៃល្អនៃអ្នកទាំង ២ ដែរ៕

រូបភាព៖ NIN NIN

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត