ចេញយូរកាន់តែល្បី! Eunhyuk សមាជិកក្រុម Super Junior ក៏ស្គាល់ និង Challenge បទ «Pop out»

បើទោះជាបទ «Pop out» របស់ N.John ដែលជាតារាខ្មែរកំពុងប្រកបអាជីពនៅអាមេរិក បានទម្លាក់បទនោះយូរគួរសមមកហើយ តែឥទ្ធិពលនៅមិនទាន់សាបឡើយ ដោយមានតារាប្រុសស្រីល្បីៗរបស់ប្រទេសកូរ៉េខាងត្បូងច្រើនបានលេង រាំ Challenge ជាហូរហែ។

ដូចថ្មីៗនេះសមាជិកម្នាក់នៃក្រុមចម្រៀងបុរស K-pop ដ៏ល្បី Super Junior គឺ Eunhyuk ហើយក៏ជា main dancer ផងនោះ ទើបតែបង្ហោះវីដេអូរាំ Challenge បទ «Pop out» របស់ N.John នៅលើបណ្ដាញសង្គម Instagram ព្រមទាំង Tik Tok។ ក្នុងនោះអ្នកគាំទ្របានកោតសរសើរពីទេពកោសល្យរបស់តារាប្រុសវ័យ ៤០ ឆ្នាំរូបនេះ ដែលនៅតែមានកាយវិការរស់រវើកពេលបញ្ចេញក្បាច់រាំ។

ក្នុងវីដេអូដ៏ខ្លីនោះ អ្នកគាំទ្ររបស់ Eunhyuk ក៏ដូចជា Super Junior ផ្ទាល់ បានលើកឡើងថា ម្ចាស់បទ «sorry sorry» រួបនេះរាំបទ «Pop out» ឡូយខ្លាំងណាស់ ហើយមានភាពសិចស៊ី និងសង្ហាទាក់ភ្នែក ស័ក្ដិសមជា main dancer នៃក្រុមដែលល្បីជាង២០ ឆ្នាំមិនប្រែ។Eunhyuk មានចលនាស្រស់ស្អាត និងចង្វាក់រាំដ៏អស្ចារ្យ ដូចនេះហើយទើប Eunhyuk កាន់តួនាទី main dancer នៃក្រុមចម្រៀងបុរសដ័ល្បីលំដាប់ពិភពលោកនេះបាន។

Super Junior គឺជាក្រុមចម្រៀងបុរស K-pop ជំនាន់ទី២ ដែលមានហ្វេនរាប់លាននាក់នៅជុំវិញពិភពលោក។ ដូចនេះហើយនៅពេល Eunhyuk បានជ្រើសរើសបង្ហោះវីដេអូនៃបទ «pop out»កូនខ្មែរ ច្បាស់ណាស់ថាអ្នកគាំទ្រ Super Junior ប្រាកដជាបានឃើញ និងស្គាល់ពីទឹកដមសំឡេង N.John។

ជាក់ស្ដែងអ្នកបញ្ចេញមតិជាង ៦០០ នាក់នៅលើ IG ដែល Eunhyuk បង្ហោះវីដេអូ Challenge បទ «Pop out» អ្នកគាំទ្រចម្រុះជាតិសាសន៍បានចូលទៅសរសើរលោក និងបទចម្រៀងរបស់ N.John ដែលជាជនជាតិខ្មែរ៕

@sj_eunhyukofficial
Watch out, We pop out❤️‍🔥 ‎⁦‪은혁‬⁩ ⁦‪EUNHYUK‬⁩ ⁦‪ ‎⁦‪슈퍼주니어DnE‬⁩ ⁦‪SuperJuniorDnE‬⁩
♬ Pop out – N’John

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត