ទីបំផុត កុយ អេនណា បង្ហាញវត្តមាន ដើរលើកម្រាលព្រំក្រហមមហោស្រពភាពយន្តកាន ២០២៦ ហើយ

កញ្ញា កុយ អេនណា តារាបង្ហាញម៉ូដ ក៏ដូចជាបវរកញ្ញាកម្ពុជាម្នាក់ផងដែរនោះបានបង្ហាញវត្តមាននៅលើកម្រាលព្រំក្រហមមហោស្រពភាពយន្តទីក្រុងកាន ឆ្នាំ ២០២៦ នេះពិតមែន ហើយក៏ដូចការសង្ស័យពីអ្នកគាំទ្ររបស់វិស័យបវរកញ្ញាទាំងមូលផងដែរ។

នារាត្រីថ្ងៃ ១៩ ខែឧសភា ឆ្នាំ ២០២៦ នៅប្រទេសបារាំង កុយ អេនណា បានដើរលើកម្រាលព្រំក្រហមមហោស្រពភាពយន្តកាន ដែលជាកម្មវិធីប្រមូលផ្ដុំទៅដោយតារាប្រុសស្រីល្បីៗមិនថាជាតារាសម្ដែង បង្ហាញម៉ូដ ព្រមទាំងបវរកញ្ញាៗដែលមានស្នាដៃក្នុងវិស័យភាពយន្ត ត្រូវបានអញ្ជើញឲ្យចូលរួមក្នុងវេទិកានោះ តាមរយៈអ្នកគ្រប់គ្រងផ្សេងៗ ក៏ដូចជាអ្នកឧបត្ថម្ភនៃកម្មវិធីជាដើម។

ក្រៅពីតារាប្រុសស្រី អ្នកច្នៃម៉ូដ និងអ្នកផលិតភាពយន្តជុំវិញពិភពលោកដែលមានស្នាដៃ ក៏ត្រូវបានផ្ដល់កិត្តិយសអញ្ជើញចូលរួម កម្រាលព្រំក្រហមមហោស្រពភាពយន្តទីក្រុងកានផងដែរ។ សម្រាប់រូបភាពរបស់កញ្ញាត្រូវបានកាមេរ៉ានៅទីនោះ ចាប់បានគ្រប់ប្លង់តែម្ដង។

ក្រៅពី អេនណា លោក អូលីវ៉ា គង់ ក៏មានវត្តមានចូលរួមកាលពីយប់មិញនេះផងដែរ ហើយទៅសិល្បករខ្មែរជាច្រើនរូបទៀតក៏បានចូលរួមផងដែរ ដូចជាអ្នកវិនិយោគ និងអ្នកនិពន្ធដ៏ល្បីល្បាញម្នាក់ លោកស្រី អ៊ុង ពីយ៉ាន, Chanty Sokកញ្ញា គឺជាតារាសម្តែង និងផលិតករជនជាតិខ្មែរ-អាមេរិក ព្រមទាំងផលិតករមួយចំនួនទៀត៕

រូបភាព៖ Oliva Kong

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត