Goofy ស្ងាត់ៗធ្វើឲ្យអ្នកគាំទ្រភ្ញាក់ផ្អើល ក្រោយប្រកាសក្លាយជាឪពុកគេ!

អតីតបេក្ខភាពកម្មវិធីប្រឡងរ៉េបដ៏លេចធ្លោ ហើយបច្ចុប្បន្នជាតារារ៉េបដ៏ល្បីមួយរូប Goofy បានធ្វើឲ្យអ្នកគាំទ្រចំហមាត់ ពេលលោកប្រកាសថា ក្លាយជាឪពុកគេបាត់ទៅហើយ។ ម្ចាស់បទ «PRAY FOR ME» បានបង្ហោះដំណឹងល្អ ទទួលបានសមាជិកថ្មី ដែលជាកូនស្រីកាលពីពេលថ្មីៗនេះ។

កូនស្រីតារារ៉េបរូបនេះបានឃើញពន្លឺព្រះអាទិត្យនៅថ្ងៃ ១១ ខែកញ្ញា ឆ្នាំ ២០២៥ នេះ។ Goofy ពិតជាពូកែរកឈ្មោះដាក់ឲ្យកូនស្រីខ្លាំងណាស់ទាំងឈ្មោះខ្មែរ ព្រមទាំងឈ្មោះក្រៅជាភាសាអង់គ្លេស។ តារាប្រុសដែលមានឈ្មោះពិត កូយ ផុនណាដែន ឬមហាជនអ្នកស្នេហាវិស័យរ៉េបនៅកម្ពុជាស្គាល់ថា Goofy បានបង្ហោះរូបភាពគូស្នេហ៍ និងរូបអេកូសោននៃទារកកាលពីម្សិលមិញ ធ្វើឲ្យមិត្តរួមអាជីព និងហ្វេនភ្ញាក់ផ្អើលបន្តិចដែរ តែក៏ចូលរួមអបអរដល់គ្រួសារថ្មីនេះ។

កាលពីថ្ងៃ ១០ ខែកញ្ញា ឆ្នាំ ២០២៥ Goofy បានបង្ហោះសារ និងរូបភាពលើហ្វេសប៊ុក ដោយបានសរសេររៀបរាប់ថា «ប៉ានឹងធ្វើជាប៉ាល្អរបស់កូនប៉ានឹងលះបង់គ្រប់យ៉ាង់ ដើម្បីកូនទោះអីលូវប៉ាលំបាក តែប៉ាមិនឲ្យកូនស្រីប៉ាលំបាកទេថ្ងៃស្អែកប៉ាម៉ាក់ហើយនឹកអ្នកគ្រប់គ្នាកំពុងរង់ចាំកូន11/9/2025 អូនឈ្មោះ ដែន រតនៈនារីសុទិម៉ា ហៅក្រៅ(Jasmine) I’m hero for u my daughter…»។