បវរកញ្ញាតូច Hamelet Vanessa កូនខ្មែរកាត់បារាំងសម្រស់ចែងចាំងទាំងវ័យទើប ៨ ឆ្នាំ

កុមារី Hamelet Vanessa បវរកញ្ញាវ័យក្មេងរបស់កម្ពុជា ដែលកំពុងទាក់ចិត្តមហាជនក្នុងស្រុក និងសូម្បីតែអ្នកគាំទ្រវិស័យបវរកញ្ញានៅបរទេសក៏ចាប់អារម្មណ៍រូបឆោមលោមពណ៌នាងតូចរូបនេះផងដែរ។

Hamelet Vanessa ម្ចាស់មកុដ World Junior Tourism Ambassador Cambodia 2025 ជាកូនខ្មែរកាត់បារាំង ដោយម្ដាយជាជនជាតិខ្មែរ និងឪពុកបារាំង។ ហាមមើឡិត វ៉េណេសា ពោរពេញដោយសមត្ថភាព ហើយក៏កំពុងត្រៀមខ្លួនចេញទៅប្រកួតនៅ ម៉ាឡេស៊ីក្នុងកម្មវិធី The World Junior Tourism Ambassador 2025។

ក្មេងស្រីសម្ដីពីរោះ Hamelet Vanessa នឹងត្រូវឡើងយន្តហោះចេញទៅប្រកួតនាថ្ងៃ២៣ ខែឧសភា ឆ្នាំ ២០២៥ ខាងមុខ។ នាងតូចរូបនេះគឺជាក្ដីសង្ឃឹមរបស់កម្ពុជា ថានឹងមានពន្លឺត្រចះត្រចង់លើឆាកអន្តរជាតិ ដោយ Hamelet អាចប្រើភាសាខ្មែរ បារាំង និងអង់គ្លេសយ៉ាងស្ទាត់ជំនាញក្នុងទំនាក់ទំនងប្រចាំថ្ងៃ។

Hamelet មានភាពឆ្លាតវៃ និងគួរឲ្យស្រលាញ់ ហើយក៏ជាក្មេងស្រីមានភាពក្លាហានផងដែរ។ ចំណុចអស់ទាំងនេះហើយបានធ្វើឲ្យកុមារីវ័យ ៨ ឆ្នាំរូបនេះគ្រងមកុដ World Junior Tourism Ambassador Cambodia 2025 កាលពីអំឡុងខែមេសា ឆ្នាំ ២០២៥ កន្លងទៅ។ Hamelet Vanessa ក៏ជា 2nd runner up Mini Miss Cambodia 2024 ទៀតផង។

បទពិសោធន៍ប្រកួតប្រជែងកម្មវិធីសម្រស់ និងបទពិសោធន៍បង្ហាញម៉ូដស្រាប់ អ្នកគាំទ្រជឿជាក់ថា កូនខ្មែរកាត់បារាំង Hamelet Vanessa អាចមានធ្វើឲ្យពិភពលោកភ្ញាក់ផ្អើលចំពោះបវរកញ្ញាខ្មែរតូចម្នាក់នេះ៕