វិធីច្នៃប្រតិដ្ឋមួយចំនួន ដើម្បីជួយបំបែកការញៀនស្មាតហ្វូនរបស់កូនៗ

នៅពេលដែលកូនៗរបស់អ្នកចាប់ផ្ដើមលេងទូរស័ព្ទដៃ ម្ដាយឪេពុកតែងព្រួយបារម្ភអំពីបញ្ហាធំៗ ជាច្រើនដែលបណ្ដាលមកពីសម្ភារៈទំនើបមួយនោះ។ ការរក្សាកុមារឲ្យឆ្ងាយពីអេក្រង់ គឺជាបញ្ហាប្រឈមដ៏ធំមួយ សម្រាប់ឪពុកម្តាយ។ ដ្បិតថាទូរស័ព្ទទំនើបជាឧបករណ៍ទំនាក់ទំនងផ្ដល់ភាពងាយស្រួល តែវាក៏ផ្ដល់ផលរំខាន និងលំបាកដល់អាណាព្យាបាលផងដែរ។ ដូចនេះនៅពេលកូនចាប់ផ្ដើមចេះលេង និងរហូតដល់ញៀនហើយនោះ គឺត្រូវរកវិធីមកកាត់ផ្ដាច់ ឬកាត់បន្ថយឲ្យនៅតិចបំផុត។

១. ពេលវេលាសម្រាក៖ កុមារមានថាមពលច្រើន ហើយគួរតែត្រូវបានវិនិយោគប្រកបដោយប្រសិទ្ធភាពទៅលើការសម្រាក។

២. ឲ្យកូនៗដើរលេងៗ យឺតៗធ្វើឲ្យពួកគេមានអារម្មណ៍ស្រស់ស្រាយ ហើយមិនខ្វល់ខ្វាយពីទូរស័ព្ទ។ បន្ថែមពីនោះ ឲ្យពួកគេហាត់ប្រាណរៀងរាល់ ៣០ នាទីម្ដង។ រាងកាយត្រូវការធ្វើចលនា ហើយបង្កើតជាទម្លាប់ល្អ ដូចនេះឪពុកម្ដាយលើកទឹកចិត្តពួកគេឲ្យសកម្ម។

៣. ផ្តល់អាទិភាពដល់រឿងផ្សេងទៀត៖ ត្រូវប្រាកដថាកូនរបស់អ្នកបញ្ចប់កិច្ចការផ្ទះ, បញ្ចប់ស្វ័យសិក្សា, ការងារផ្ទះ មុនពេលពួកគេចាប់ផ្តើមកាន់ទូរស័ព្ទ។ វិធីនេះជួយក្នុងការកំណត់អាទិភាព បានត្រឹមត្រូវតាំងពីក្មេង។

៤. កុំប្រើស្មាតហ្វូនជារង្វាន់៖ ស្មាតហ្វូនមានសក្ដានុពលខ្លាំង ក្នុងការអប់រំដ៏អស្ចារ្យសម្រាប់កុមារ។ ការមិនប្រើប្រាស់ទាំងស្រុង មិនត្រូវបានណែនាំទេ ព្រោះបច្ចុប្បន្នការសិក្សាស្រាវជ្រាវតាមនោះ ក៏មានការរីកសាយភាយដែរ។ ប៉ុន្តែមិនត្រូវសន្យាឲ្យកូនលេងស្មាតហ្វូន ដោះដូរនឹងការសិក្សារបស់កូនឡើយ ឬការផ្ដល់កាដូជារង្វាន់ ព្រោះអាចមានឥទ្ធិពលអាក្រក់ដល់កុមារ។

៥. រក្សាកាលវិភាគស្មាតហ្វូនយ៉ាងតឹងរ៉ឹង៖ កំណត់ពេលវេលាត្រឹមត្រូវ លើការចំណាយពេលវេលាលើឧបករណ៍អេឡិចត្រូនិក និងជៀសវាងការប្រើប្រាស់ស្មាតហ្វូនដែលមិនចាំបាច់។

៦. ស្មាតហ្វូនឥឡូវនេះបានក្លាយជាផ្នែកមួយដែលមិនអាចបំបែកបានពីជីវិតរបស់យើង ហើយក៏ពិបាកក្នុងទុកវាឆ្ងាយពីកុមារ។ ដូច្នេះ សូមធ្វើឲ្យកូនរបស់អ្នកយល់ថា គេអាចប្រើស្មាតហ្វូនរបស់អ្នកបានតែក្នុងរយៈពេលកំណត់ប៉ុណ្ណោះ។ រឿងផ្សេងទៀតត្រូវចងចាំ ហាមប្រើទូរស័ព្ទក្នុងពេលញ៉ាំអាហារ និងហាមលេងទូរស័ព្ទមុនពេលចូលគេង។

៧. កុំចុះចាញ់នឹងតម្រូវការមិនសមហេតុផលរបស់កូនរបស់អ្នក។

៨. ភ្ជាប់ទំនាក់ទំនងជាមួយកូន៖ សព្វថ្ងៃនេះ ឪពុកម្តាយគ្រប់រូបមមាញឹកក្នុងកិច្ចការចិញ្ចឹមជីវិត តែមិនគួរភ្លេចចំណាយពេលជាមួយកូនៗឡើយ ពេលចូលដល់ផ្ទះវិញ។ ការចូលខ្លួនលេងជាមួយកូន ឬបង្ហាត់បង្ហាញក្នុងសកម្មភាពផ្សេងៗដូចជាការសម្អាត ចម្អិនអាហារ ឬថែសួន នឹងធ្វើកូននៅឆ្ងាយពីស្មាតហ្វូន។ លើកទឹកចិត្តកូនឲ្យបន្តចំណង់ចំណូលចិត្តដូចជាការស្តាប់តន្ត្រី, លេងឧបករណ៍ភ្លេង, អាន ឬការគូរគំនូរ។ ចំណាយពេលចុងសប្ដាហ៍របស់អ្នកធ្វើសកម្មភាពគ្រួសារសប្បាយៗដូចជាហែលទឹក ដើរលេង និងមើលភាពយន្តជាដើម។

៩. លើកទឹកចិត្តកូនលេងកីឡា៖ ការលេងកីឡាផ្សេងៗជំរុញខួរក្បាលក្មេងលូតលាស់បានល្អ។ សកម្មភាពពាក់ព័ន្ធនឹងចលនារាងកាយ អនុញ្ញាតឲ្យកុមារប្រើប្រាស់ថាមពលពួកគេ និងផ្ដល់ឱកាសឲ្យកុមារអភិវឌ្ឍការចូលរួមក្នុងសង្គម, ការវិភាគ, រៀនអ្វីថ្មីៗ និងទំនាក់ទំនង។ វាផ្ដល់អត្ថប្រយោជន៍ដល់សុខភាពរាងកាយ និងផ្លូវចិត្តកុមារ។

១០. លើកទឹកចិត្តការទំនាក់ទំនងផ្ទាល់មុខ៖ ចូលនាំកូនទៅដល់កន្លែងកម្សាន្ត ឬទៅលេងសាច់ញាតិផ្ទាល់ៗ មិនមែនការមើលលើអេក្រង់ទូរស័ព្ទ។ ឪពុកម្តាយគួរតែកំណត់ពេលវេលាត្រឹមត្រូវសម្រាប់ទំនាក់ទំនងផ្ទាល់ ឬការហៅជាវីដេអូជាមួយជីដូនជីតាដែលនៅឆ្ងាយ ដើម្បីសម្រួលដល់ជំនាញទំនាក់ទំនងក្នុងគ្រួសារប្រកបដោយប្រសិទ្ធភាព។

១១. កំណត់ពាក្យសម្ងាត់៖ ដ្បិតថាវាមិនតែងតែអាចទៅរួចគ្រប់ពេល តែសម្រាប់អ្នកក្នុងការនៅក្បែរកូន ត្រូវតែធ្វើទោះបានផលតិចតួចក៏ដោយ ហើយឧស្សាហ៍ផ្លាស់ប្ដូរលេខសម្ងាត់លើឧបករណ៍ស្មាតហ្វូន។ ធ្វើបែបនេះ ដើម្បីជៀសវាងកូនលួចប្រើប្រាស់ទូរស័ព្ទរបស់អ្នក ពេលដែលអ្នកមិននៅ។

១២. ចូរធ្វើជាគំរូដ៏ល្អ៖ កុមាររៀនពីសកម្មភាពរបស់អ្នកច្រើនជាងពាក្យសម្ដីរបស់អ្នក។ ពួកគេជាអ្នកសង្កេតការណ៍ដ៏អស្ចារ្យ ហើយពួកគេធ្វើត្រាប់តាមទម្លាប់របស់ឪពុកម្តាយ។ វាជាការសំខាន់ក្នុងការបង្កើតច្បាប់តឹងរ៉ឹង ដើម្បីគោរពតាម។ ការកំណត់ពេលវេលាប្រើប្រាស់ស្មាតហ្វូនរបស់អ្នកអនុញ្ញាត នាំឲ្យអ្នកមានពេលវេលាបន្ថែមជាមួយកូន ហើយទំនាក់ទំនងកាន់តែល្អ៕

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត