អ៊ិន លក្ខិណា ចូលដល់ Top 60 នៃការប្រកួត Miss World Top Model របស់កម្មវិធី Miss World 2026

បវរកញ្ញាពិភពលោករបស់កម្ពុជា ២០២៦ កញ្ញា អ៊ិន លក្ខិណា បានជាប់ចូលក្នុង Top 60 នៃការប្រកួត Miss World Top Model របស់កម្មវិធី Miss World 2026 ដែលកំពុងរៀបចំឡើងនៅប្រទេសវៀតណាម។

ដោយឆ្លងកាត់ការប្រកួតប្រជែងជាច្រើនវិញ្ញាសា ពេលនេះកញ្ញា អ៊ិន លក្ខិណា ដែលជា Miss Wolrd Cambodia 2026 ឥឡូវនេះនាងជោគជ័យ ដោយចូលក្នុងថប់ម៉ូដែល ៦០ នាក់ចុងក្រោយហើយ។ ដំណើរចេញទៅប្រកួតរបស់ លក្ខិណា ដែលជាបវរកញ្ញាខ្មែរ មានប្រជាប្រិយភាពម្នាក់ទាំងក្នុងស្រុក និងក្រៅប្រទេស។

ការដែល លក្ខិណា ចូលទៅដល់ Top 60 ក្នុងការប្រកួត Miss World Top Model ពិតជាស័ក្តិសមខ្លាំងណាស់ ព្រោះថានាងជាបវរកញ្ញាដែលមានភាពស្ទាត់ជំនាញខាងដើរបង្ហាញម៉ូដ មិនថាសម្លៀកបំពាក់បែបណាអ្វីក៏ ក៏ លក្ខិណា អាចបញ្ចេញជំហានដើរយ៉ាងរស់រវើក ស្អាត សមខ្លាំងមែនទែន។

រូបភាព លក្ខិណា មួយៗក៏ដោយនៅលើផេក Miss World ត្រូវបានមហាជនទាំងខ្មែរ និងបរទេសសរសើរមិនដាច់ពីមាត់ដែរ។ ព្រោះតែ លក្ខិណា វិលចូលឆាកបវរកញ្ញាអន្តរជាតិលើកនេះ កាន់តែស្អាត កាន់តែទាក់ទាញ ព្រមមកជាមួយការហាត់រៀនសព្វបែបគ្រប់យ៉ាង ដើម្បីចូលកងប្រកួតលើកនេះ។

ការដែល អ៊ិន លក្ខិណា ចេញទៅការប្រកួតនៅនៅកម្មវិធីក្នុងវគ្គកន្លងដែលមានការបោះឆ្នោតជាថវិកា ក៏មានការគាំទ្រពីសំណាក់មិត្តបវរកញ្ញា អ្នកគាំទ្រ និងអ្នកជំនួញក្នុងស្រុកផងដែរ៕