តារាចម្រៀងអាមេរិក Jvke អញ្ជើញព្រះនាង ជេនណា ទៅច្រៀងលើឆាកប្រគំតន្រ្តីនៅចិន

ប៉ុន្មានថ្ងៃមុនព្រះនាង នរោត្តម ជេនណា ទើបបានបង្ហាញសកម្មភាពលើបណ្ដាញសង្គមចិន រួមជាមួយតារាសម្ដែងម្នាក់ផងដែរ។ ដោយអ្នកគាំទ្ររំពឹងថា នាងអាចនឹងមានការងារអ្វីមួយនៅទីនោះជាក់ជាមិនខានឡើយ។

ដូចអ្វីដែលហ្វេនរំពឹងទុកមិនខុសមែនសែរាជវង្សដែលជាសិល្បករខ្មែររូបនេះ ពិតជាមានការងារថ្មីបន្ថែមទៀតនៅលើទឹកដីចិនមែន។ ដោយថ្មីៗនេះ ព្រះនាងត្រូវបានតារាចម្រៀង ផលិតករ និងអ្នកនិពន្ធបទចម្រៀងជនជាតិអាមេរិក Jvke អញ្ជើញឡើងឆាកតន្រ្តីទេសចរណ៍របស់ខ្លួននាទីក្រុងសៀងហៃ។

តារាចម្រៀង នរោត្តម ជេនណា ជាភ្ញៀវកិត្តិយសរបស់តារាចម្រៀងអាមេរិកដែលមានឈ្មោះពិត Jacob Dodge Lawson បានអញ្ជើញ «សូរិយា» បានឡើងច្រៀង រួមទាំងថតរូបជុំគ្នា។ ព្រះនាង បានបង្ហោះរូបភាព ព្រមជាមួយសំណេរ រៀបរាប់ថា “ពិតជាពិសេសដែលជាផ្នែកមួយនៃការប្រគំតន្រ្តីទេសចរណ៍ដ៏ស្រស់ស្អាតរបស់ @itsjvke នៅសៀងហៃ។ តន្ត្រី ថាមពល ក្ដីស្រលាញ់ គឺជាការចងចាំដែលខ្ញុំមិនអាចបំភ្លេចបាន។ សូម្បីតែការបំផុសគំនិត គឺជា Jvke។ អរគុណដែលអនុញ្ញាតឲ្យខ្ញុំចែករំលែកនូវអ្វីដែលពិសេស“។ រូបភាពរវាងព្រះនាង និង Jvke ទទួលបានការគាំទ្រពីសំណាក់មហាជនខ្មែរ ហើយ Jvke ផ្ទាល់ផងដែរ។

Jacob Dodge Lawson ដែលត្រូវបានគេស្គាល់ថាជា Jvke វ័យ ២៤ ឆ្នាំ ជាតារាចម្រៀង និងអ្នកនិពន្ធបទចម្រៀងជនជាតិអាមេរិក ផលិតករ ព្រមបុគ្គលល្បីនៅលើប្រព័ន្ធផ្សព្វផ្សាយសង្គម។ ក្នុងអំឡុងពេល lock down COVID-19 គាត់បានចាប់ផ្តើមបង្កើតវីដេអូ TikTok សម្រាប់បទចម្រៀងរបស់គាត់ មួយក្នុងចំណោមនោះ “Upside Down” បានរីករាលដាលនៅឆ្នាំ ២០២១។

Jvke បានធ្វើការប្រគំតន្ត្រីនៅប្រទេសចិនរួមមានទីក្រុង Guang Zhou, Hang Zhou, Cheng Du និងសៀងហៃ ២ ថ្ងៃនៅ Mercedes-Benz Arena៕