ពលរដ្ឋប្រទះឃើញកំពូលប្រាសាទបុរាណធ្លាក់កណ្ដាលព្រៃលើភ្នំត្បែង ខេត្តព្រះវិហារ

មិនមែនជាគំហើញថ្មី តែជាតឹកតាងប្រវត្តិសាស្ត្រ ខណៈមានការប្រទះឃើញស្លាកស្នាមប្រាសាទបុរាណដែលកំពុងលាក់ខ្លួននៅលើកំពូលភ្នំត្បែង ខេត្តព្រះវិហារ។ នេះបើតាមការឱ្យដឹងនៅលើផេកមន្ទីរវប្បធម៌ និងវិចិត្រសិល្បៈ ខេត្តព្រះវិហារ។

កាលពីថ្ងៃទី ២២ ខែ កក្កដា ឆ្នាំ ២០២៦ ពលរដ្ឋបានប្រទះឃើញកំពូលរបស់ប្រាសាទធ្លាក់នៅកណ្ដាលព្រៃលើភ្នំត្បែង ត្រង់ចំណុចភូមិសាស្ត្រ ភូមិត្រាវគៀត ឃុំថ្មី ស្រុកគូលែន ខេត្តព្រះវិហារ។ ក្រោយទទួលបានការរាយការណ៍លោក នៅ ចាន់គង់ ប្រធានមន្ទីរវប្បធម៌ និងវិចិត្រសិល្បៈ បានដឹកនាំកម្លាំងនិងអ្នកជំនាញចុះពិនិត្យដោយផ្ទាល់និងកំណត់បានថានេះពិតជាកំពូលប្រាសាទពិតមែន គ្រាន់តែពេលនេះអ្នកជំនាញនៅពុំទាន់អាចកំណត់អត្តសញ្ញាណប្រាសាទនោះនៅឡើយទេ។

យ៉ាងណាមិញ អ្នកជំនាញបានកំពុងចុះស្រាវជ្រាវនិងវាយតម្លៃចំពោះកំពូលប្រាសាទបុរាណដែលពលរដ្ឋបានប្រទះឃើញធ្លាក់ផ្ទាល់នៅនិងដីក្នុងព្រៃលើភ្នំត្បែង ដែលទំនងជាស្លាកស្នាមប្រវត្តិសាស្ត្រដ៏កម្រមួយក្នុងខេត្តព្រះវិហារដើម្បីកំណត់អត្តសញ្ញាណ៕