មាលា និង Sydney ទៅថតរូបនៅភ្នំទឹកធំ ផ្អើលអ្នកស្រុកភូមិចោលរោមមើលឈូឆរ

តារាស្រីកំពុងល្បី Mélia Constantin និងមិត្តសម្លាញ់កញ្ញា Sydney Marith បានធ្វើដំណើរទៅកាន់ទីរួមខេត្តមួយ ដើម្បីថតរូបជាមួយ conceptលើទូក សម្រាប់ប្រម៉ូតឲ្យផលិតផល។ ការថតនោះធ្វើឡើងនៅភ្នំទឹកធំ ខេត្តកំពត របស់ប្រទេសកម្ពុជា កាលពីប៉ុន្មានថ្ងៃមុន។

ការទៅថតរបស់ Mélia Constantin និងកញ្ញា Sydney Marith ធ្វើឲ្យអ្នកស្រុកអ្នកភូមិទៅចោមរោមមើលច្រើនឈូឆរ។ មនុស្សម្នាបានទៅមើល មាលា និង ក្រុមការងារថតជិះទូកថតយ៉ាងសប្បាយរីករាយ ហើយមានអ្នកខ្លះលើកទូរស័ព្ទផ្ទាល់ខ្លួនមកថតរូបនាងផងដែរ។ សម្រស់កូនខ្មែរកាត់បារាំង Mélia និងកូនខ្មែរកាត់អាមេរិក Sydney បានធ្វើឲ្យអ្នកស្រុកមិនអាចដកភ្នែកចេញពីអ្នកទាំង ២ បានឡើយ។

តួឯកស្រីរឿង «កំហឹងធ្មប់» និង Miss Planet Cambodia 2025 ទទួលបានស្វាគមន៍យ៉ាងរាក់ទាក់ពីសំណាក់អ្នកភូមិម្ដុំភ្នំទឹកធំ។ ពួកគេក៏បង្ហាញរូបភាពដែលថតរូបនាងជាមួយក្រុមការងារដែរ រហូតផ្ទុះសំណើចក្អាកក្អាយ មើលទៅពិតជាស្រស់ស្រាយ រួសរាយញញឹមរាក់ទាក់គ្នា ដូចអ្នកស្គាល់គ្នាជាយូរមកហើយ។

វីដេអូរបស់ មាលា បានបង្ហាញឲ្យឃើញថា នាងបានបបួលក្មេងៗក្នុងភូមិ រួមជាមួយអ្នករួមការងារជិះទូកលេងកម្សាន្ត ព្រមទាំងលេង challenge Aura farming។ ទាំងចាស់ទាំងក្មេងបានថតរូបជាមួយនាងដោយទឹកមុខញញឹមញញែមពេញចិត្តពេញថ្លើមខ្លាំង ចំពោះការស្វាគមន៍។

គួរបញ្ជាក់ផងដែរថា ភ្នំទឹកធំ ជាតំបន់ធម្មជាតិដ៏ស្រស់បំព្រងមួយកន្លែងដែលមានទីតាំងស្ថិតនៅលើ ភូមិអន្លង់ថ្ងាន់ ឃុំឬស្សីស្រុកខាងកើត ស្រុកកំពង់ត្រាច ខេត្តកំពត មានចម្ងាយប្រហែល ៤៦ គីឡូម៉ែត្រពីទីរួមខេត្ត៕