ក្រសួងទេសចរណ៍រៀបចំការប្រកួតថតវីដេអូសមរាត្រី ដោយប្រើទូរស័ព្ទ អមដោយប្រាក់រង្វាន់

ក្រសួងទេសចរណ៍ប្រកាសរៀបចំការប្រកួតប្រជែងថតវីដេអូ អំពីព្រឹត្តិការណ៍សមរាត្រី អង្គរ (Equinox Angkor) ក្រោមប្រធានបទ «អច្ឆរិយអង្គរ» ដោយប្រើប្រាស់ទូរស័ព្ទដៃ ជាមួយប្រាប់រង្វាន់ចាប់ពី ៦០ ម៉ឺន ដល់ ២លានរៀល។

ដូចដែលសាធារណជនបានជ្រាប បាតុភូតកម្រដែលកើតមានតែ ២ ដង ក្នុង ១ឆ្នាំ នៅកម្ពុជា ពោលគឺ សមរាត្រី អង្គរ ខេត្តសៀមរាប។ ជារៀងរាល់ឆ្នាំ នៅចុងខែមីនា ចាប់ពីថ្ងៃទី ២១ ដល់ ២៣ នឹងមានបាតុភូតដ៏អស្ចារ្យដែលព្រះអាទិត្យ នឹងរះឡើងនៅចំកំពូលកណ្ដាលនៃប្រាសាទអង្គរវត្ត ដែលទាក់ទាញភ្ញៀវទេសចរណ៍ទាំងជាតិនិងអន្តរជាតិមកទស្សនាយ៉ាងច្រើនកុះករ។ ជាមួយគ្នា ដើម្បីជំរុញ និងផ្សព្វផ្សាយ ឱ្យកាន់តែទូលំទូលាយ ក្រសួងបានរៀបចំការប្រកួតថតវីដេអូ ដោយប្រើប្រាស់ទូរស័ព្ទដៃ អំពីព្រឹត្តិការណ៍ សមរាត្រី អង្គរ អមដោយប្រាក់រង្វាន់យ៉ាងច្រើន។

ខាងក្រោមនេះជាលក្ខខណ្ឌនៃការចូលរួមប្រកួត៖

ការប្រកួតត្រូវប្រើទូរស័ព្ទដៃ និងថតដោយផ្ទាល់
ការប្រកួតចាប់ផ្ដើមពីថ្ងៃទី ២១ ដល់ ២២ ខែ មីនា ឆ្នាំ ២០២៦ (វីដេអូ ដាក់ប្រកួត ត្រូវមានរយៈពេល ចន្លោះពី ១៖៣០នាទី ទៅ ២នាទី)
រយៈពេលនៃការទទួលវីដេអូ ចាប់ពីថ្ងៃទី ២៣ ដល់ ២៤ ខែ មីនា ឆ្នាំ ២០២៦

សម្រាប់ជយលាភី ៥ នាក់នឹងទទួលបានប្រាក់រង្វាន់៖ លេខ១ ទទួលបាន ២លានរៀល , លេខ២ ទទួលបាន ១.៥លានរៀល , លេខ៣ ទទួលបាន ១លានរៀល , លេខ៤ ទទួលបាន ៨០ម៉ឺនរៀល និងលេខ៥ ទទួលបាន ៦០ម៉ឺនរៀល។

សូមធ្វើការស្កេនតាម QR ខាងក្រោមដើម្បីចូលរួមប្រកួតប្រជែង៖