ប្រទេសណា ដែលមានមនុស្សប្រើដៃឆ្វេងច្រើនជាងគេនៅលើពិភពលោក

អាចជាចំណេះដឹងទូទៅពិសេសមួយ ទាក់ទងនឹងអ្នកប្រើដៃឆ្វេង។ ចំពោះអ្នកប្រើដៃឆ្វេង នេះមានន័យថាពួកគេប្រើដៃឆ្វេងពួកគេញឹកញាប់ជាងដៃស្តាំ និងអាចនិយាយស្រួលស្ដាប់ថា អ្នកប្រើដៃឆ្វេង។ តាមការរំពឹងទុក ភាគរយនៃមនុស្សប្រើដៃឆ្វេងនៅលើពិភពលោក គឺត្រឹមតែ ១០% ប៉ុណ្ណោះ។ទោះបីជាវាជារឿងធម្មជាតិក៏ដោយ ចំនួនអ្នកប្រើប្រាស់ដៃឆ្វេងកំពុងថយចុះដោយសារការយល់ឃើញរបស់សង្គមចំពោះអ្នកប្រើដៃឆ្វេង។ នៅក្នុងសង្គមមួយចំនួន ការប្រើប្រាស់ដៃឆ្វេង សម្រាប់កិច្ចការមួយចំនួនហាក់ដូចជាឆ្គង។

កាលពីមុន មនុស្សប្រើប្រាស់ដៃឆ្វេងមួយចំនួន ត្រូវបានបង្ខំឲ្យប្រើដៃស្តាំ ដើម្បីអនុវត្តកិច្ចការមិនឲ្យឆ្គាំឆ្គងជាមួយអ្នកដទៃ។ នៅក្នុងតំបន់ភាគច្រើននៃមជ្ឈិមបូព៌ា និងអាហ្វ្រិក ការប្រើប្រាស់ដៃឆ្វេងត្រូវបានចាត់ទុកថាជាទង្វើមិនសមរម្យ មិនស្អាត ឬមិនគោរព។ វាត្រូវបានចាត់ទុកថាជាទង្វើមិនសមរម្យជាពិសេសក្នុងការប្រគល់របស់របរទៅឲ្យមនុស្ស ជាពិសេសមនុស្សចាស់ ដោយដៃឆ្វេង។ ទោះជាយ៉ាងណាក៏ដោយ តើយើងមានដឹងអត់ថាមនុស្សដៃឆ្វេងមានប៉ុន្មាននាក់នៅទូទាំងទ្វីបទាំងអស់ ហើយតើមានប្រទេសប៉ុន្មានដែលមានប្រជាជនប្រើដៃឆ្វេងច្រើនជាងគេ?

១. ប្រទេសហុល្លង់ (១៣.២% នៃចំនួនប្រជាជនដៃឆ្វេង)

ប្រទេសដែលមានភាគរយច្រើនជាងគេនៃប្រជាជនដៃឆ្វេងគឺហុល្លង់។ សង្គមហុល្លង់បើកចំហចំពោះភាពជាបុគ្គល រួមទាំងការធានាថា កុមារដៃឆ្វេងមិនត្រូវបានគេរើសអើងឡើយ។ កុមារដែលដៃឆ្វេងមិនត្រូវបានរើសអើងនៅក្នុងប្រព័ន្ធអប់រំទេ ហើយពួកគេមានសេរីភាពក្នុងការអភិវឌ្ឍន៍ដោយធម្មជាតិ មិនចាំបាច់កែតម្រូវ។

២. សហរដ្ឋអាមេរិក (១៣.១% នៃអ្នកប្រើប្រាស់ដៃឆ្វេង)

ការប្រើដៃឆ្វេង គឺជារឿងធម្មតាណាស់ ហើយថែមទាំងទទួលបានការសាទរនៅសហរដ្ឋអាមេរិកទៀតផង។ ជនជាតិអាមេរិកល្បីៗជាច្រើនប្រើប្រាស់ដៃឆ្វេង រួមទាំងអត្តពលិក, អ្នកកម្សាន្ត និងប្រធានាធិបតីមុនៗដូចជាលោកបារ៉ាក់ អូបាម៉ា។

៣. បែលហ្ស៊ិក (១៣.១% នៃអ្នកប្រើប្រាស់ដៃឆ្វេង)

បែលហ្ស៊ិក មានភាពវិជ្ជមានក្នុងការដែលឲ្យអ្នកប្រើដៃឆ្វេង។ ប្រព័ន្ធអប់រំទំនើបនៅបែលហ្ស៊ិកលើកទឹកចិត្តកុមារឲ្យប្រើដៃដែលហាក់ដូចជាធម្មជាតិបំផុតសម្រាប់ពួកគេ។

៤. កាណាដា (១២.៨% នៃអ្នកប្រើប្រាស់ដៃឆ្វេង)

គោលនយោបាយរបស់ប្រទេសកាណាដាគឺបើកចំហសម្រាប់មនុស្សដែលប្រើប្រាស់ដៃឆ្វេង ហើយមិនរើសអើងពួកគេទេ។ ដោយសារតែសង្គមសង្កត់ធ្ងន់លើសមភាព និងសេរីភាពបុគ្គល មនុស្សប្រើដៃឆ្វេងជួបប្រទះនឹងការរើសអើងតិចតួចណាស់នៅកន្លែងធ្វើការ និងនៅក្នុងស្ថាប័នអប់រំ។

៥. ចក្រភពអង់គ្លេស (១២.២៤% នៃអ្នកប្រើប្រាស់ដៃឆ្វេង)

កាលពីអតីតកាល ការដែលប្រើដៃឆ្វេងត្រូវបានគេមើលងាយនៅក្នុងចក្រភពអង់គ្លេស ប៉ុន្តែអាកប្បកិរិយានោះបានផ្លាស់ប្ដូរចាប់តាំងពីពេលនោះមក។ សព្វថ្ងៃនេះ មានមនុស្សជាច្រើនដែលប្រើប្រាស់ដៃឆ្វេង ហើយពួកគេត្រូវបានគេទទួលយកទាំងស្រុង។ ឧទាហរណ៍ ព្រះអង្គម្ចាស់ William និងអតីតនាយករដ្ឋមន្ត្រី David Cameron គឺជាអ្នកប្រើប្រាស់ដៃឆ្វេងដ៏លេចធ្លោពីររូបរបស់អង់គ្លេស៕

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត