ព្រះនាង ជេនណា ក្នុងឈុតទេវតាឆ្នាំថ្មី ព្រះនាម ព្រះនាង « រាក្យសាទេវី»

TVC ថ្មីរបស់ព្រះនាង នរោត្តម ជេនណា នៅក្នុងការអបអរឱកាសចូលឆ្នាំថ្មីប្រពៃណីខ្មែរដែលនឹងមកដល់ក្នុងពេលឆាប់ៗខាងមុខនេះ គេសង្កេតឃើញថាទ្រង់បានសម្ដែង ២ តួអង្គ ក្នុងនោះមាន១គឺជាតួអង្គទេវតា ព្រះនាង «រាក្យសាទេវី»។ បើទោះជាមិនមែនវីដេអូផ្លូវការប្រចាំឆ្នាំនៃការក្រងតំណែងជាទេវតាក៏ពិតមែន តែអ្នកគាំទ្រជាច្រើនពិតជាចង់ឃើញព្រះនាងខ្មេរអង្គនេះ គ្រងឈុតបុរាណជាតួទេវតានេះ។

ព្រះនាង ជេនណា ដែលបានដើរតួអង្គជាទេវតាឆ្នាំថ្មី ឆ្នាំមមី ព្រះនាម ព្រះនាង«រាក្យសាទេវី» ទ្រង់អម្ពរពណ៌ខ្មៅ លម្អនៅព្រះកាណ៌ដោយសៀតឈូក អភរណៈ កែវមនោរា ភក្សាហារទ្រង់លោហិត (ឈាម) ព្រះហស្តស្តាំទ្រង់ធ្នូ ព្រះហស្តឆ្វេងទ្រង់ត្រីសូល៍ ទ្រង់គង់ឈរបើកព្រះនេត្រលើខ្នងមនោម័យ (សេះ) ជាមគ្គពាហនៈ ដែលមើលទៅទ្រង់ពិតជាស័ក្ដិសមខ្លាំងណាស់ ទាំងសម្រស់ និងឫកពាទ្រង់។

ទេវតាឆ្នាំថ្មី ឆ្នាំមមី អដ្ឋស័ក មហាសករាជ ១៩៤៨ ចុល្លសករាជ ១៣៨៨ នឹងយាងចុះមកជម្ពូទ្វីបនាថ្ងៃអង្គារ ១២ រោច ខែចេត្រ ត្រូវនឹងទី ១៤ ខែមេសា ឆ្នាំ ២០២៦ វេលាម៉ោង ១០ និង ៤៨ នាទីព្រឹក។ ទេវតាមានព្រនាម «រាក្យសាទេវី» បុត្រីទី ៣ នៃកបិលមហាព្រហ្ម គង់នៅចាតុម្មហារាជិកា

ងាកមកបរិយាយពីសែរាជវង្សខ្មែរ គឺព្រះនាង ជេនណា ក្នុងឈុតទេវតាវិញ អ្នកដែលបានមើលវីដេអូនោះហើយ ពិតជាកោតសរសើរពីសម្រស់ និងទេពកោសល្យនៃការសម្ដែងជាតួអង្គនោះ ដែលមានភាពរស់រវើក ថែមទាំងទ្រង់មានចំណេះដឹងផ្នែករបាំស្រាប់ ធ្វើឲ្យវីដេអូទាំងមូលមើលទៅទាក់ទាញខ្លាំង និងសមរម្យជាទីបំផុត៕