ទ្រង់ នរោត្តម ជេនណា បានបង្ហាញខ្លួនក្នុងវីដេអូមួយជាមួយតារាសម្ដែងចិន កញ្ញា Xu Ruohan ធ្វើឲ្យអ្នកគាំទ្រភ្ញាក់ផ្អើលគ្រប់ៗគ្នា។ ដូចប្រិយមិត្តបានដឹងរួចមកហើយថា ព្រះនាង ជេនណា មួយរយៈនេះស្ថិតនៅប្រទេសចិនច្រើន ដោយសារមានកម្មវិធីត្រូវចូលរួមនៅទីនោះ។
ព្រះនាង ជេនណា និង Xu Ruohan បានផ្សព្វផ្សាយទេសចរណ៍វប្បធម៌របស់ Fuzhou ក្រោមចំណងជើង” អ្នកផ្សព្វផ្សាយទេសចរណ៍វប្បធម៌របស់ Fuzhou តារាសម្ដែងស្រីវ័យក្មេង បានទទួលបទពិសោធន៍ពីបេតិកភណ្ឌវប្បធម៌អរូបីនៃការធ្វើកាតប៉ុស្តាល់ គំនូរឆ្នុក និងអាហារឆ្ងាញ់ៗដូចជា នំអន្សម ស៊ុបសណ្ដែកដី និងបបរ”។
សម្រាប់តារាខ្មែរដែលជាសែរាជវង្សរូបនេះ បានរួមការងារជាមួយតារាប្រុសស្រីចិនជាច្រើនរូប ហើយថ្មីៗនេះទៀតសោតទ្រង់ក៏បានចូលរួមក្នុងសន្និសីទសហប្រតិបត្តិការ និងប្រព័ន្ធផ្សព្វផ្សាយ Belt and Road ឆ្នាំ២០២៥ នៅទីក្រុងគុនមីង ខេត្តយូណាន សាធារណរដ្ឋប្រជាមានិតចិន ដោយមានការចូលរួមពីតំណាងជាង ២០០ នាក់ មកពី ៨៧ ប្រទេស និងអង្គភាពសារព័ត៌មាន ១៦៥ ស្ថាប័នផ្សេងៗ។
គួរបញ្ជាក់ថា Xu Ruo Han ជាតារាស្រីចិន ដែលកំពុងមានប្រជាប្រិយភាពខ្លាំង ហើយនាងត្រូវបានអ្នកគាំទ្រនៅខ្មែរស្គាល់ច្រើនតាមរយៈរឿង “The Forbidden Flower” “The Best Thing” និង “Perfect And Casual”៕
