ដំណឹង​ល្អ! អាហារូបករណ៍​ជិត ៥ ពាន់​កន្លែង​ពី​សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត សម្រាប់​សិស្ស​ទី១២ លើ​មុខ​ជំនាញ​សិក្សា​ជា​ច្រើន​ដែល​កំពុង​មាន​តម្រូវ​ការ​ក្នុង​ទីផ្សារ​នា​ពេល​បច្ចុប្បន្ន។

តាម​រយៈ​ការ​ជូន​ដំណឹង​លើ​ផេក​ផ្លូវ​ការ Samdech Thipadei Hun Manet, Prime Minister of Cambodia បាន​ឱ្យ​ដឹង​ថា សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បាន​សម្រេច​ផ្ដល់​ជូន​អាហារូបករណ៍​ចំនួន ៤ ៦៥០ កន្លែង សម្រាប់ថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ ឆ្នាំសិក្សា២០២៦-២០២៧ លើ​ច្រើន​ជំនាញ​សិក្សា នៅ​តាម​គ្រឹះស្ថាន​ឧត្ដម​សិក្សា ដោយឆ្លងកាត់ការប្រឡង និងមិនឆ្លងកាត់ការប្រឡង។

សម្រាប់​កាល​បរិច្ឆេទ​ទទួល​ពាក្យ​ចាប់​ពី​ថ្ងៃ​ជូន​ដំណឹង​នេះ​ត​ទៅ។ ទីតាំង​នៅ​អគារ​លេខ ១៧៣៣ វិថី​អូរវែង សង្កាត់​ជ្រោយចង្វារ ខណ្ឌ​ជ្រោយចង្វារ រាជធានី​ភ្នំពេញ៕