ស៊ីន យូប៊ីន ត្រូវតែងតាំងជាឯកអគ្គរដ្ឋទូតវប្បធម៌កម្ពុជា សម្រាប់មហោស្រពភាពយន្តសិល្បៈអាស៊ីនៅឆ្នាំនេះ

តារាសម្ដែងស្រី ស៊ីន យូប៊ីន ត្រូវបានតែងតាំងជាឯកអគ្គរដ្ឋទូតវប្បធម៌កម្ពុជា សម្រាប់មហោស្រពភាពយន្តសិល្បៈអាស៊ីនៅឆ្នាំនេះ។ កញ្ញាបានចែករំលែកដំណឹងដ៏រីករាយនេះកាលពីប៉ុន្មានថ្ងៃមុន នៅលើ Instagram អមដោយរូបភាព និង Certificate របស់ Asian Art Film Festival ផងដែរ។

កញ្ញា ស៊ីន យូប៊ីន បានរៀបរាប់ថា ខ្ញុំនឹងដើរតួនាទីនេះដោយមោទនភាព ហើយនឹងចែករំលែកសម្រស់, ប្រវត្តិសាស្ត្រ និងព្រលឹងនៃវប្បធម៌ខ្មែរជាមួយពិភពលោក។ តារាស្រីវ័យ ៣០ ឆ្នាំរូបនេះបានបន្ថែមទៀតថា “ដល់ពេលហើយសម្រាប់មាតុភូមិដ៏ស្របច្បាប់នៃបេតិកភណ្ឌវប្បធម៌ដ៏សម្បូរបែប ដើម្បីចែករំលែករឿងរ៉ាវរបស់ខ្លួនជាមួយពិភពលោក”។

កម្មវិធី Asian Art Film Festival ២០២៦ នឹងចាប់ផ្ដើមឡើងពីថ្ងៃ ១៩ ខែឧសភា ឆ្នាំ ២០២៦ ដល់ថ្ងៃ ២២ ខែឆ្នាំដដែល ដោយមានការចូលរួមយ៉ាងច្រើនកុះករពីសំណាក់តារាប្រុសស្រីល្បីៗនៅក្នុងតំបន់អាស៊ី។ ក្រឡេកទៅមើល Instagram របស់ Asian Art Film Festival ក៏បានបង្ហោះ និងបរិយាយពី យូប៊ីន ថា “នាងគឺជាអ្នកផ្សព្វផ្សាយវប្បធម៌ និងជាអ្នកអនុវត្តសិល្បៈ, នាងមិនដើរតាមនិន្នាការទេ នាងអនុញ្ញាតឲ្យតួនាទីរបស់នាង និយាយដោយខ្លួនឯង“។

ឆ្នាំ ២០២៦ ធ្វើជាសាក្សីនៃការកើនឡើងនៃកម្លាំងអាស៊ីថ្មីមួយ។សិល្បៈអាស៊ី មហោស្រពភាពយន្ត AAFF2026 ឯកអគ្គរដ្ឋទូតវប្បធម៌ ស៊ីន យូប៊ីន ភាពយន្តកម្ពុជា ភាពទំនើប សោភ័ណភាពភាពយន្ត។ អ្នកគាំទ្រកំពុងរង់ចាំមើល ពីការរៀបចំខ្លួន របស់តារាស្រីជួរមុខ ដែលតែងតែផ្សព្វផ្សាយពីសិល្បៈវប្បធម៌ខ្មែរ ថាតើឆ្នាំនេះកញ្ញានឹងអស្ចារ្យ ឬជ្រើសរើសទម្រង់សិល្បៈខ្មែរប្រភេទណា ទៅលើវេទិកាអន្តរជាតិ៕

រូបភាព៖ Shin Yubin

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត