កំពង់ផែស្វយ័តក្រុងព្រះសីហនុ ទទួលនាវាទេសចរណ៍បរទេសមួយគ្រឿងទៀតហើយ

នាវាទេសចរណ៍បរទេសមួយគ្រឿង ដែលមានឈ្មោះថា Seven Seas Mariner សញ្ជាតិ BAHAMAS បានដឹកភ្ញៀវទេសចរណ៍ចម្រុះជាតិសាសន៍ជាង ៦០០ នាក់ ចូលចតកំពង់ផែស្វយ័តក្រុងព្រះសីហនុ ដើម្បីមកទស្សនាប្រទេសកម្ពុជារយៈពេល ២ ថ្ងៃ។

មន្ត្រីនគរបាលអន្តោប្រវេសន៍ច្រកទ្វារកំពង់ផែស្វយ័តក្រុងព្រះសីហនុ បានឲ្យដឹងថា ដឹងថា នាវា Seven Seas Mariner បានដឹកភ្ញៀវចម្រុះជាតិ សាសន៍ ក្នុងនោះមានស្រី ៣២៣ នាក់ មាន ២៧ សញ្ជាតិ, នាវិក ៤៦៤ នាក់ ស្រី ១០៨នាក់ មាន ៣៦សញ្ជាតិ បានចូលចតនៅកំពង់ផែដោយសុវត្ថិភាពនៅព្រឹកថ្ងៃ ២ ខែមេសា ឆ្នាំ ២០២៦ នេះ។ ខាងកំពង់ផែកម្ពុជាបានរៀបបដិសណ្ឋារកិច្ចយ៉ាងកក់ក្ដៅដោយមានក្រុមរបាំចាំរាំទទួល និងជូនក្រមាខ្មែរជាវត្ថុអនុស្សាវរីយ៍ ហើយក្រុមភ្ញៀវកពិតជាពេញចិត្ត បង្ហាញស្នាមញញឹមយ៉ាងរីករាយ ជាមួយទស្សនីយភាពប្លែក ដែលពួកគេមិនធ្លាប់ឃើញពីមុនមក។

គោលបំណង នៃការចូលចតរបស់នាវាទេសចរណ៍ Seven Seas Mariner ខាងលើ ដើម្បីទស្សនាប្រទេសកម្ពុជារយៈពេល ២ ថ្ងៃ គឺចាប់ពីថ្ងៃ២ ដល់ថ្ងៃ ៣ ខែមេសា ឆ្នាំ ២០២៦ ដើម្បីឈ្វេងយល់ពីវប្បធម៌ ប្រពៃណី ទំនៀមទម្នាវាទេសចរណ៍បរទេសមួយគ្រឿង ដែលមានឈ្មោះថា Seven Seas Mariner សញ្ជាតិ BAHAMAS បានដឹកភ្ញៀវទេសចរណ៍ចម្រុះជាតិសាសន៍ ៦០៩នាក់ ចូលចតកំពង់ផែស្វយ័តក្រុងព្រះសីហនុ ដើម្បីមកទស្សនាប្រទេសកម្ពុជារយៈពេល ២ ថ្ងៃលាប់ និងការអភិវឌ្ឍន៍រីកចម្រើននៃព្រះរាជាណាចក្រកម្ពុជា ជាពិសេសការអភិវឌ្ឍន៍រីកចម្រើនរបស់ខេត្តព្រះសីហនុ នាពេលបច្ចុប្បន្ន ស្របតាមគោលនយោបាយរបស់រាជរដ្ឋាភិបាលកម្ពុជា ដែលបានដាក់ចេញកម្មវិធីពិសេសលើកទឹកចិត្តជំរុញការវិនិយោគនៅខេត្តព្រះសីហនុ។

មន្ត្រីនគរបាលអន្តោប្រវេសន៍ ច្រកទ្វារកំពង់ផែស្វយ័តក្រុងព្រះសីហនុ បានជួយសម្របសម្រួលក្នុងការធ្វើបែបបទ (ប៉ាស្ព័រ) ដើម្បីសម្រួលដល់ការធ្វើដំណើរបន្តរបស់ភ្ញៀវបានលឿន ឆាប់រហ័ស។ ជាមួយគ្នានេះដែរភ្ញៀវទេសចរក៍បានធ្វើដំណើរទៅកម្សាន្តនៅតាមតំបន់រមណីយដ្ឋាន តំបន់ឆ្នេរសមុទ្រ តំបន់វប្បធម៌តាមវត្តអារាមនានា តំបន់នេសាទ នៅក្នុងក្រុងព្រះសីហនុ ទស្សនារូបសំណាកព្រះថោងនាងនាគ និងរូបសំណាកផ្សេងទៀតក្នុងក្រុងព្រះសីហនុ ក្រុងកំពង់សោម មជ្ឈមណ្ឌល Bay of Light ជាដើម ។

លក្ខណៈបច្ចេកទេសនៃនាវា Seven Seas Mariner មានបណ្តោយ ២១៦, ៩៣ម៉ែត្រ ទទឹងប្រវែង ២៨, ៨០ម៉ែត្រ, ជម្រៅទឹក ៧ម៉ែត្រ។ នាវានេះបានធ្វើដំណើរមកពីប្រទេសវៀតណាមចូលចតនៅកំពង់ផែស្វយ័តក្រុងព្រះសីហនុ វេលាម៉ោង ៧៖ ៥០ នាទី ថ្ងៃ២ ខែមេសា នាវានេះមានគម្រោងបន្តដំណើរទៅប្រទេសក្បែរខាង នៅថ្ងៃ ៣ ខែមេសា ឆ្នាំ ២០២៦ វេលាម៉ោង ១៧ល្ងាច៕