សិទ្ធិ នីកា ជាមួយស្វាមី និងកូនប្រុសកម្សាន្តលើទឹកដីសៀមរាប

តារាសម្ដែង សិទ្ធី នីកា បានបង្ហោះរូបដើរលេងជុំគ្រួសារជាមួយកូន និងស្វាមីដែលជាសែរាជវង្សយ៉ាងសាមញ្ញនៅលើទឹកដីនៃខេត្តសៀមរាប ក្រោយបានបំពេញការងារមនុស្សធម៌មួយរយៈ។ បណ្ដុំរូបភាពនេះត្រូវបានចែកចាយនិងទទួលបានការសរសើរពាសពេញនៅលើបណ្ដាញសង្គម។

អ្នកនាង សិទ្ធី នីកា គឺជាតារាសម្ដែងដ៏មានប្រជាប្រិយភាពតាមរយៈខ្សែរឿងភាគជាច្រើននៅលើកញ្ចក់ទូរទស្សន៍ ភីអិនអិន។ មហាជនប្រាកដជាបានជ្រាបហើយថាតារាសម្ដែងដែលមានមុខមាត់ស្រស់សោភា និងស្រគត់ស្រគំបែបនារីខ្មែររូបជាគូស្នេហ៍ព្រះអង្គម្ចាស់ក្សត្រា នរោត្តម ចារូច័ក្រ ដែលទ្រង់គឺជាបុត្ររបស់សម្ដេចក្រុមព្រះ នរោត្តម ច័ក្រពង្ស់។

ដោយឡែក នាពេលថ្មីៗ អ្នកនាង និងស្វាមីព្រមទាំងកូនប្រុសត្រូវបានមហាជនចាប់អារម្មណ៍នៅក្នុងដំណើរកម្សាន្តលក្ខណៈគ្រួសារនៅលើទឹកដីនៃខេត្តសៀមរាប។ ដោយនៅក្នុងដំណើរកម្សាន្តមួយនេះតួឯកស្រីរឿង «គ្រួសារបង្កង» និងព្រះអង្គម្ចាស់ នរោត្តម ចារូច័ក្រ ព្រមទាំងកូនប្រុសបានប្រើជីវិតយ៉ាងសាមញ្ញ ជិះម៉ូតូទស្សនាតាមប្រាង្គប្រាសាទនានានៅក្នុងរមណីយដ្ឋានអង្គរ។ តាមរយៈរូបភាព វីដេអូដែលបង្ហោះត្រូវបានបណ្ដាអ្នកគាំទ្រចូលខមិន និងស៊ែរព្រោងព្រាតព្រមជាមួយពាក្យពេចន៍សរសើរក្នុងនាមជាអ្នកគាំទ្ររបស់អ្នកនាង សិទ្ធី នីកា ផងដែរ៕