សុជាតិ លើកឡើង ក្រោយសុខៗឃើញបទ «ខូចចិត្ត» Viral ម្ដងទៀត

បទ «ខូចចិត្ត» របស់ ក្មេងខ្មែរ ដែលមានសមាជិក ២ នាក់ គឺ ជា សុជាតិ និង កៅ ពន្លឺ ស្រាប់តែផ្ទុះលើបណ្ដាញសង្គមម្ដងទៀត បើទោះជាបទនោះចេញតាំងពីជិត១០ ឆ្នាំមុនហើយក៏ដោយ។ ក្រោយបទដែលចេញ ៨ ឆ្នាំមុន បាន viral ម្ដងទៀត ស្រាប់តែមានម្ចាស់បទម្នាក់បានចេញមុខមកបកស្រាយរឿងនេះ។

ថ្មីៗនេះ ជា សុជាតិ បានចេញមុខមកបកស្រាយ ថាហេតុអ្វីសុខៗបានជាបទ «ខូចចិត្ត» ផ្ទុះលើបណ្ដាញសង្គម, Pub និងកន្លែងផ្សេងៗទៀត។ ម្ចាស់បទរូបនេះ បាននិយាយថា សិល្បៈមួយនេះ (សំដៅវិស័យចម្រៀង) គឺអ៊ីចឹង ដោយបទខ្លះមិនអាចមានការគាំទ្រភ្លាមៗឡើយ ហើយខ្លះទៀតរាប់ឆ្នាំទម្រាំតែផ្ទុះការគាំទ្រ។

Coach សុជាតិ បានបន្តទៀតថា “ពេលខ្លះចម្រៀង១ បទ គឺវា go viral ភ្លាមៗទេ បទចម្រៀងខ្លះគេធ្វើយូរហើយ តែមិនទាន់ viral រហូត ដល់ពេលដល់វេលារបស់វាមួយ ឬក៏មានកត្តាអ្វីមួយដែលជួយជំរុញឲ្យបទហ្នឹងផ្ទុះឡើង”។

តារារ៉េបរូបនេះ បន្ថែមថា បទ «ខូចចិត្ត» របស់ ក្មេងខ្មែរ ធ្លាប់ផ្ទុះ viral ម្ដងមកហើយ និងស្ងាត់ទៅវិញ។ ក៏ប៉ុន្តែឥឡូវក៏ផ្ទុះការលេងបទនេះឡើងវិញក្នុងទម្រង់ខ្លីឡើងវិញ។ តារាប្រុសរូបនេះបានបន្ថែមកត្តាមួយទៀត ដែលធ្វើឲ្យបទចម្រៀងចាស់ផ្ទុះឡើង អាចមានការយកបទចាស់មក remix ឡើងវិញ។

មិនមែនតែបទ «ខូចចិត្ត» ដែលផ្ទុះលើបណ្ដាញសង្គមឡើងវិញ បទ “ឆឺតៗបុណ្យភូមិ” ក៏កំពុងតែ viral ខ្លាំងផងដែរ នាប៉ុន្មានថ្ងៃមកនេះ។ គួរបញ្ជាក់ថា ក្មេងខ្មែរ កំពុងតែមមាញឹកក្នុងការងារជាគ្រូបង្វឹកនៃកម្មវិធី RAPPER FIGHTER រដូវកាលទី២៕

រូបភាព៖ Socheat Chea និង កៅ ពន្លឺ

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត