អ្នក stream បទ Pop Out ដែល N.John feat ជាមួយតារា K-Pop កំពុងឡើង view បណ្ដើរៗលើ Spotify

មកដល់ពេលនេះបទចម្រៀង «Pop Out» របស់ N.John ដែលបានផលិតឡើងវិញ ដោយមាន Featuring ជាមួយតារា K-Pop ស្រី Heyoon Jeong កំពុងល្បីទាំងនៅកូរ៉េ និងនៅអាមេរិកនោះ ទទួលបានការចាប់អារម្មណ៍ច្រើនពីសំណាក់អ្នកគាំទ្រតារាប្រុសស្រីទាំង ២ ដែលអាចមើលនៅលើ Spotify ជាភស្តុតាងបាន។

ដ្បិត សុវត្ថិ មុនីនាគ បញ្ចេញបទ «Pop Out» នេះប្រមាណ ១ ឆ្នាំហើយក៏ដោយ តែបទនេះនៅបន្តទទួលបានការចាប់អារម្មណ៍ខ្លាំងទាំងវីដេអូរាំខ្លីៗ និងនៅលើកម្មវិធីស្ដាប់ចម្រៀងដ៏ល្បីរបស់ពិភពលោក Spotify។ ជាក់ស្ដែងសម្រាប់បទដើម «Pop Out» មានអ្នកស្ដាប់ជាង ១លាន ៤សែននាក់ហើយ។

ក្រោយពេល Remix បទ «Pop Out» ជាមួយតារាស្រី Heyoon Jeong ហើយនោះ N.John បានបញ្ចូលបទថ្មីនោះ ទៅក្នុងបញ្ជីបទចម្រៀងរបស់លោកនៅលើ Spotify បន្ថែមទៀត ហើយមានអ្នកគាំទ្រចូលទៅស្ដាប់លើស ១ ម៉ឺននាក់ហើយ។ ចំណែកអ្នកមើល និងស្ដាប់លើ YouTube វិញ មានរហូតដល់ទៅជាង 100K ហើយ។

សម្រាប់បទ «Pop Out» versionRemix នេះមានការកែ Lyric ខ្លះៗនិងបន្ថែម Lyric ឲ្យទៅខាងស្រីច្រើន ស្ដាប់ទៅកាន់តែជក់ចិត្តពិសេសសំឡេងរបស់ស្រី Heyoon ផ្អែមស្រទន់ ហើយ N.John ពីរោះ ផ្អែមមានមានទម្ងន់ កាន់តែអស្ចារ្យជាង Version ដើម។

បទកំពូលរបស់ N.John នៅលើ Spotify មាន «Pop Out», «Sweet Love», «Fell Like This»។ ចំណែកសកម្មភាពនៅលើ Instagram វិញ កូនប្រុសទីកំពូលតារាប្រុស ព្រាប សុវត្ថិ នៅតែមានវីដេអូខ្លី Challenge ជាមួយតារា និងអ្នករាំអាជីពនៅកូរ៉េខាងត្បូងបន្តបន្ទាប់។

សម្រាប់ N.John ឬ សុវត្ថិ មុនីនាគ បច្ចុប្បន្នត្រូវបានអ្នកគាំទ្របាក់ចិត្តស្រលាញ់សឹងគ្រប់គ្នា ព្រោះលោកបានបង្ហាញឲ្យឃើញតាមរយៈសមត្ថភាពច្រៀងបានពីរោះ ហើយអាចមានឱកាសចេញទៅសហការជាមួយតារាដទៃមិនថានៅអាមេរិក និងនៅកូរ៉េខាងត្បូង៕

អ្នកនាង ទ្រី រ៉ាវី | Ms. Try Ravy

ប្រឡូកក្នុងវិស័យសារព័ត៌មានជាច្រើន រ៉ាវី មានបទពិសោធន៍ជាអ្នករាយការណ៍ អ្នកផលិតមាតិកា និងការីនិពន្ធនៅស្ថាប័នក្នុងស្រុកជាច្រើន ជាពិសេសផ្នែកអត្ថបទសុខភាព និងជីវិតកម្សាន្ត