មហោស្រពល្ខោននិយាយ ទូទាំងប្រទេស ឆ្នាំ ២០២៦ ចាប់ផ្ដើមស្អែកនេះហើយ

ក្នុង១ ឆ្នាំ មានតែម្ដងប៉ុណ្ណោះ មិនបានចូលរួមប្រាកដជាគួរឱ្យស្ដាយ ព្រោះថានេះជាព្រឹត្តិការណ៍មួយដ៏កម្រដែលកូនខ្មែរច្រើនជំនាន់បានរួមគ្នាគិតខិតខំបង្កើតឡើងដើម្បីឱ្យយុវជនសម័យទំនើបបានទស្សនា និងរក្សាថែបន្តជំនាន់។

មហោស្រព ល្ខោននិយាយ ទូទាំងប្រទេសឆ្នាំ ២០២៦ ជាព្រឹត្តិការណ៍ពិសេសមួយនៅកម្ពុជាដែលត្រូវបានសិល្បករជើងចាស់ច្រើនជំនាន់ សាស្ត្រាចារ្យ លោកគ្រូ អ្នកគ្រូ ផ្នែកសិល្បៈ នៃនាយកដ្ឋានសិល្បៈទស្សនីយភាពបានរួមគ្នាផ្ដួចផ្ដើមគំនិតរៀបចំដើម្បីឱ្យយុវជនខ្មែរជំនាន់ក្រោយបានឃើញនិងស្គាល់អ្វីទៅជាសិល្បៈ ល្ខោននិយាយ របស់ខ្មែរ ហើយបន្តជួយថែរក្សាសិល្បៈដូនតាមួយនេះឱ្យបានគង់វង្សតបន្តដល់អ្នកជំនាន់ក្រោយៗទៀត។

ក្នុងឆ្នាំ ២០២៦ នេះព្រឹត្តិការណ៍មហោស្រពទូទាំងប្រទេសមួយនេះនឹងរៀបចំឡើងរយៈពេល ២ ថ្ងៃ គឺថ្ងៃទី ១ និងទី ២ ខែ តុលា ឆ្នាំ ២០២៦ ពោលគឺចាប់ពីស្អែកនេះ នៅឯនាយកដ្ឋានសិល្បៈទស្សនីយភាព ចាប់ពីម៉ោង ៩ ព្រឹកតទៅ។

សម្រាប់កម្មវិធីដែលរៀបចំឡើងនាពេលនេះក៏មានការសម្ដែងជូននូវទស្សនីយភាពល្ខោននិយាយរឿង «ចិញ្ចៀនបញ្ចាំចិត្ត» ក្នុងថ្ងៃទី១ និងការសម្ដែងល្ខោននិយាយរឿង «កុលាបប៉ៃលិន» ក្នុងថ្ងៃទី២ ដោយក្រុមសម្ដែងសិល្បៈដែលមានចំណេះជំនាញនិងប៉ិនប្រសព្វ។ ជាមួយគ្នា ក៏មានទស្សនីយភាពសម្ដែងរបស់បេក្ខភាពដែលបានដាក់ពាក្យប្រកួតពានរង្វាន់ ល្ខោននិយាយទូទាំងប្រទេសឆ្នាំ ២០២៦ រហូតដល់ទៅ ៥ ក្រុម ដែលមកពីខេត្តក្រុងផ្សេងៗគ្នា។

នេះជាទស្សនីយភាពមួយដ៏កម្រដែលកូនខ្មែរគ្រប់រូបគួរចំណាយពេលមកទស្សនា គាំទ្រ លើកទឹកចិត្តដល់លោកគ្រូ អ្នកគ្រូ សិល្បករជើងចាស់ ដែលខិតខំផ្ដួចផ្ដើមឱ្យមានព្រឹត្តិការណ៍មួយនេះឡើង។

គួរបញ្ជាក់ដែរថា ក្រៅអំពីការចូលរួមទស្សនាដោយផ្ទាល់ កម្មវិធី «ល្ខោននិយាយ ទូទាំងប្រទេសឆ្នាំ ២០២៦» ក៏មានមានការផ្សាយផ្ទាល់តាមរយៈ Facebook Page ផ្លូវការរបស់ក្រសួងវប្បធម៌ និងវិចិត្រសិល្បៈ ព្រមទាំងហ្វេសប៊ុកផេកដៃគូសហការរៀបចំផងដែរ៕

មហោស្រពល្ខោននិយាយ ទូទាំងប្រទេស ឆ្នាំ ២០២៦ ចាប់ផ្ដើមស្អែកនេះហើយ

កញ្ញា កែវ សុខអាត | Ms. KEO SOK ART

ព័ត៌មានទូទៅ

សេដ្ឋកិច្ច

អប់រំ

កីឡា

កម្សាន្ត

អរិយធម៌ខ្មែរ

Politico 360

One-Minute

កម្ពុជាមាតុភូមិខ្ញុំ

សច្ចធម៌ប្រវត្តិសាស្ត្រ

វិភាគសុីជម្រៅ

វឌ្ឍនភាពកម្ពុជា

អំពីក្រុមហ៊ុន