សាឡាងឆ្លងទៅកាន់ជីផាត ផ្អាកដំណើរការបណ្ដោះអាសន្ន ដោយសារកម្រិតទឹកឡើងខ្លាំងយ៉ាងគំហុក

រដ្ឋបាលឃុំជីផាតបានធ្វើការជូនដំណឹងដល់ពលរដ្ឋក្នុងឃុំ ភ្ញៀវទេសចរជាតិ-អន្តរជាតិ អំពីការបិទផ្អាកជាបណ្ដោះអាសន្នការចម្លងសាឡាងដោយសារកម្រិតទឹកមានការកើនឡើងខ្លាំង និងហូរយ៉ាងគំហុក។

តាមរយៈការជូនដំណឹងលើផេកផ្លូវការខាងលើ រដ្ឋបាលឃុំបានសម្រេចផ្អាកការចម្លងសាឡាងជាបណ្ដោះអាសន្ន ចាប់ពីថ្ងៃជូនដំណឹងនេះតទៅ រហូតដល់ស្ថានភាពទឹកស្រកចុះ និងមានសុវត្ថិភាពឡើងវិញ។ ជាក់ស្ដែង ដោយសារស្ថានភាពអាកាសធាតុមានភ្លៀងធ្លាក់ជាបន្តបន្ទាប់ ធ្វើឱ្យកម្រិតទឹកព្រែក មានការកើនឡើងខ្លាំង និងហូរយ៉ាងគំហុក ដែលអាចបង្កគ្រោះថ្នាក់ជាយថាហេតុក្នុងការធ្វើដំណើរតាមផ្លូវទឹក។

ដូច្នេះដើម្បីធានាសុវត្ថិភាពដល់អ្នកដំណើរ ក៏ដូចជាភ្ញៀវទេសចរជាតិ-អន្តរជាតិ ទាំងអស់ខាងរដ្ឋបាលឃុំបានធ្វើការអំពាវនាវជាបន្ទាន់ដើម្បីបង្កើនការប្រុងប្រយ័ត្ន និងបានជ្រាបជាព័ត៌មាន។ រដ្ឋបាលឃុំនឹងធ្វើការជម្រាបជូនដំណឹងសារជាថ្មី និងភ្លាមៗនៅពេលដែលសាឡាងអាចបើកដំណើរការធម្មតាវិញ៕

រូបភាព ៖ រដ្ឋបាលឃុំជីផាត់

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។

សាឡាង​ឆ្លង​ទៅ​កាន់​ជីផាត ផ្អាក​ដំណើរ​ការ​បណ្ដោះ​អាសន្ន ដោយសារ​កម្រិត​ទឹក​ឡើង​ខ្លាំងយ៉ាង​គំហុក

កញ្ញា កែវ សុខអាត | Ms. KEO SOK ART

សាឡាងឆ្លងទៅកាន់ជីផាត ផ្អាកដំណើរការបណ្ដោះអាសន្ន ដោយសារកម្រិតទឹកឡើងខ្លាំងយ៉ាងគំហុក