នាវាអន្តរជាតិ VIKING ORION ផ្ទុកមនុស្សជាង ១ពាន់នាក់សម្រេចចូលចតនៅកម្ពុជា រយៈពេល ១ថ្ងៃ

នាវាទេសចរណ៍អន្តរជាតិ១គ្រឿងសញ្ជាតិ NORWAY ដែលមានផ្ទុកមនុស្សប្រមាណជាង ១ពាន់បានចូលចតនៅកំពង់ផែស្វយ័តក្រុងព្រះសីហនុ និងចំណាយពេល ១ ថ្ងៃលើទឹកដីកម្ពុជា។ នេះបើតាមការជូនដំណឹងនៅលើផេកផ្លូវការ កំពង់ផែស្វយ័តក្រុងព្រះសីហនុ។

នាថ្ងៃទី ១០ ខែ វិច្ឆិកា ឆ្នាំ ២០២៦ ម៉ោងប្រមាណជា ៧៖៣០នាទី នាវាទេសចរណ៍អន្តរជាតិឈ្មោះ VIKING ORION បានចូលចតនៅកំពង់ផែស្វយ័តក្រុងព្រះសីហនុ ក្នុងគោលបំណងចូលទស្សនាប្រទេសកម្ពុជា ក្រោយចាកចេញពីប្រទេសវៀតណាម។

នាវាទេសចរណ៍អន្តរជាតិ VIKING ORION មានផ្ទុកមនុស្សប្រមាណជាង ១ពាន់នាក់ ក្នុងនោះមាននាវិកសរុបចំនួន ៤៦៥ នាក់ (ស្រី ១១១នាក់) សរុប ៣៤ សញ្ជាតិ និងមានភ្ញៀវទេសចរសរុបចំនួន ៨៨៨ នាក់ ក្នុងនោះស្រីមានចំនួន ៤៧០នាក់ សរុប ១៤ សញ្ជាតិ។ សញ្ជាតិដែលមានចំនួនភ្ញៀវទេសចរច្រើនជាងគេគឺសហរដ្ឋអាមេរិក ចំនួន ៧៣៦ នាក់ (ស្រី៣៩៣នាក់)។

គួរឱ្យដឹងថាថា នាវាទេសចរណ៍អន្តរជាតិមួយនេះនឹងចាកចេញពីកម្ពុជា ដោយបន្តដំណើរទៅកាន់ប្រទេសថៃ នៅរសៀលថ្ងៃទី ១១ ខែ វិច្ឆិកា ឆ្នាំ ២០២៦៕