Almée Couture ដែលជាប្រេនកូនខ្មែរដំបូងគេ នឹងបង្ហាញមុខលើឆាកដ៏ធំលំដាប់ពិភពលោក គឺ New York Fashion Week 2025 នាពេលខាងមុខនេះ។ New York Fashion Week 2025 ដែលមានប្រេនកូនខ្មែរ១ផងដែរនោះ នឹងរៀបចំឡើងចាប់ពីថ្ងៃ១១ កញ្ញា ដល់ ១៦ កញ្ញា។
សម្រាប់តារាម៉ូដែលដែល Almée Couture ដើរបង្ហាញនៅ New York Fashion Week 2025 មានកញ្ញា ផន ស្រីពី Miss Cosmo Cambodia 2025 ព្រមទាំង ឈុំ ចាន់ដារ៉ា Miss Supranational Cambodia 2025 និងម្នាក់ទៀត គឺម៉ូដែលខ្មែរកាត់បារាំងមានរូបឆោមលោមពណ៌ល្អស្រស់ ហើយកំពុងប្រមូលបានភាពល្បីល្បាញខ្លាំងក្នុងស្រទាប់យុវវ័យ Mélia Constantin។
ដំណឹងដែលថា កំពូលស្រីស្អាតប្រចាំប្រទេសទាំង ៣ រូប ដោយ២ នាក់ជាម្ចាស់មកុដនៃកម្មវិធីប្រកួតប្រជែងសម្រស់ ហើយម្នាក់ទៀតជាកូនកាត់អឺរ៉ុបល្បីឈ្មោះទាំងនៅក្នុងវិស័យបង្ហាញម៉ូដ សម្ដែង ជាអ្នកដើរបង្ហាញឲ្យប្រេនកូនខ្មែរលើទឹកដីអាមេរិកពិតជាធ្វើឲ្យមហាជនភ្ញាក់ផ្អើល ព្រោះម្នាក់ៗសុទ្ធសឹងតែមានសមត្ថភាព runway។
កាន់តែពិសេសអ្នកទាំង ៣ ជាអ្នកអាជីពស្រាប់លើវិថីបង្ហាញម៉ូដ ហើយកម្ពស់កំពទៀតសោត សុទ្ធតែត្រូវស្តង់ដារជាម៉ូដែល។ Almée Couture បានបង្ហាញមោទនភាពជាប្រវត្តិសាស្ត្ររបស់ខ្លួន ក្នុងកម្មវិធី New York Fashion Week 2025 ដោយបង្ហាញពី Spring/Summer ’26 Collection – Spirit of the Forgotten។
លើសពី runway Almée ក៏នឹងរៀបចំកម្មវិធី Meet & Greet និងការដេញថ្លៃពិសេសសម្រាប់សប្បុរសធម៌នៅទីក្រុងញូវយ៉ក ដែលនាំសិល្បៈខ្មែរទៅកាន់ឆាកពិភពលោក ផ្សព្វផ្សាយពី។
ព្រឹត្តិការណ៍ដ៏សំខាន់នេះមិនត្រឹមតែជាឱកាសនៃការបង្ហាញម៉ូដប៉ុណ្ណោះទេ ប៉ុន្តែជាការអបអរសាទរ បេតិកភណ្ឌ និងដំណើរនៃការប្រគល់មកវិញ។
- Runway Show: ថ្ងៃ ១៣ ខែកញ្ញា ឆ្នាំ 2025 – Angel Orensanz Foundation, NY
- ជួប និងស្វាគមន៍ + ការដេញថ្លៃសម្រាប់សប្បុរសធម៌៖ ថ្ងៃ១៤ ខែកញ្ញា ឆ្នាំ២០២៥ – Whisk & Whiskey, Brooklyn, NY៕
រូបភាព៖ Mélia Constantin,ផន ស្រីពី និង ឈុំ ចាន់ដារ៉ា
