រូបភាពថ្ងៃមង្គលការតារាសម្ដែង ដាដាវ ភ្ញៀវភាគសឹងតែទាំងអស់គ្រងស្លៀកឈុតពណ៌ត្នោត

មង្គលការតារាសម្ដែង តារាបង្ហាញម៉ូដ ដាដាវ ដែលមានឈ្មោះពិត ម៉ៅ ធីតា បានបញ្ចប់ទៅហើយក៏ពិតមែន តែរូបភាពនៃថ្ងៃសិរីសួស្ដីទាំងមូល មិនទាន់ចប់ឡើយ។ ដោយរូបផ្លូវការនៃថ្ងៃពិសេសម្ចាស់ប្រេន Bare មាន dress code ពណ៌ត្នោត ឬពណ៌សូកូឡាដែលជាពណ៌ដ៏ពេញនិយមបំផុត។

ក្នុងនោះ ដាដាវ មានឈុតសម្លៀកបំពាក់ខ្មែរស្បៃពណ៌ត្នោត គ្រងនាពេលសំពះផ្ទឹម ហើយភ្ញៀវចូលរួមតាំងពីព្រឹករហូតដល់ថ្ងៃត្រង់ សុទ្ធសឹងតែពណ៌ដូចម្ចាស់កម្មវិធី។ ភ្ញៀវប្រុសស្រី ដែល ដាដាវ អញ្ជើញចូលរួមក្នុងថ្ងៃពិសេសជាបុគ្គលមានឈ្មោះបោះសំឡេងនៅក្នុងវិស័យសិល្បៈ និងអ្នកផលិតមាតិកា។

ម្នាក់ៗបានជ្រើសរើសសម្លៀកបំពាក់ខ្មែរពណ៌ដូចគ្នា ខុសតែម៉ូដប៉ុណ្ណោះ ដែលញាំងឲ្យពិធីមង្គលការ ដាដាវ មើលទៅស្អាត ប្លែក និងមើលទៅ Classic។ ចំណែកកម្មវិធីពេលល្ងាចវិញ ភ្ញៀវនិងម្ចាស់កម្មវិធីបានជ្រើសរើសពណ៌ក្រហម យ៉ាងស៊ីវិល័យ។ ដ្បិតតែមង្គលការ តារាស្រីពូកែលេងស្ទីល៍សម្លៀកបំពាក់រូបនេះ មិនសូវអញ្ជើញភ្ញៀវច្រើនក៏ពិតមែន តែមិត្តភ័ក្តិអ្នកនាងមិនបានអាក់ខានឡើយ។

សម្រាប់ ដាដាវ នៅថ្ងៃមង្គលការនៅតែជ្រើសរើសការផាត់មុខស៊ិចស៊ីព្រមទាំងម៉ូដសម្លៀកបំពាក់ស្អាតៗច្រើនឈុត បន្ទាប់ពីគ្រងសម្លៀកបំពាក់មង្គលការខ្មែរ។ ឈុតប្រពៃណីថ្ងៃមង្គលការ ដាដាវ មិនភ្លេចឡើយក្បិនពណ៌ស និងមានរងជើងពណ៌ទឹកមាសយ៉ាងស្រស់ស្អាត៕