តារាចិនកំពុងឡើងកូដ Yang Chaoyue បង្អួតពានសម្រស់ នៅសារមន្ទីរជាតិ គ្រាមកចូលរួម មហោស្រពភាពយន្តអាស៊ីកម្ពុជា

តារាស្រីវ័យក្មេងរបស់ចិន Yang Chaoyue ដែលមកកម្ពុជាក្នុងកម្មវិធី មហោស្រពភាពយន្តអាស៊ីកម្ពុជាលើកទី៤ ដែលទើបបញ្ចប់ថ្មីៗនេះ ហើយនាងក៏ទទួលបានពានរង្វាន់ផងនោះ បានចែករំលែកសប្បាយរីករាយដល់អ្នកគាំទ្រ។

តួឯកស្រីក្នុងរឿង “Sunshine through the Rain” បានបង្ហោះរូបភាពជាច្រើនសន្លឹកពេលមកដល់កម្ពុជាភ្លាម រហូតដល់ថ្ងៃកម្មវិធីមហោស្រពភាពយន្តអាស៊ីកម្ពុជា កាលពីរាត្រីថ្ងៃ ២៧ ខែសីហា ឆ្នាំ ២០២៦ ម្សិលមិញនេះ ច្រើន Platform បណ្ដាញសង្គមរបស់នាង។

មិនតែប៉ុណ្ណោះក្រោយទទួលបានពានរង្វាន់ Yang Chaoyue បានចែករំលែករូបភាពដ៏ស្រស់ស្អាតរបស់ខ្លួន និងអមដោយសំណេរថា “ពិតជាមានកិត្តិយសណាស់ដែលបានទទួលពានរង្វាន់នេះនៅឯមហោស្រពភាពយន្តអាស៊ីកម្ពុជា”។ នាងបានទទួលពានតួរងឆ្នើមក្នុងរឿង “Being Towards Death”

តូឯកស្រីវ័យ ២៨ ឆ្នាំរបស់ចិន Chaoyue បានអំណរគុណយ៉ាងជ្រាលជ្រៅចំពោះក្រុមគ្រួសារ Being Towards Death ទាំងមូល និងចំពោះទស្សនិកជនគ្រប់រូបដែលបានទស្សនាភាពយន្តរបស់នាង។ អ្វីដែលសំខាន់បំផុតនោះគឺតួឯកស្រី «Love You Seven Times» បានអរគុណដល់អ្នកគាំទ្រជាទីស្រឡាញ់របស់នាង ការគាំទ្ររបស់អ្នកទាំងអស់គ្នា គឺមានន័យធំធេងណាស់សម្រាប់នាង។

Yang Chaoyue បានបង្ហោះរូបជាច្រើនសន្លឹកនៅលើ weibo ដែលទីតាំងនៅសារមន្ទីរជាតិបង្ហាញស្រស់ស្រទន់ទាំងម៉ូដសក់ ឈុត ស៊ីជាមួយទីតាំងប្រវត្តិសាស្ត្រខ្មែរ៕