សារ៉ាន់ គីមឡាង លំដាប់រង Miss Cosmo Cambodia បានក្លាយជាម្ចាស់មកុដ Miss Earth Cambodia 2025 ។ នេះបើតាមការប្រកាសលើផេកផ្លូវការ Miss Earth Cambodia កាលពីម្សិលមិញ។
សារ៉ាន់ គីមឡាង ទទួលបានតំណែងជា Miss Earth Cambodia 2025 ដើម្បីចូលរួមលើឆាកអន្តរជាតិ។ ឆ្លងកាត់ការធ្វើបទបង្ហាញការតស៊ូមតិ និងការសម្ភាសផ្ទាល់មាត់ COLSE-DOOR INTERVIEW គីមឡាង បានបង្ហាញសមត្ថភាព ព្រមទាំងចំណេះដឹង និងការតាំងចិត្តបានយ៉ាងល្អលើប្រធានបទដែលខាងកម្មវិធីតម្រូវឱ្យរហូតទទួលបានតំណែងជា Miss Earth Cambodia ដើម្បីតំណាងកម្ពុជាប្រកួតលើឆាកអន្តរជាតិនាពេលខាងមុខ។
ក្នុងតំណែងជាបវរកញ្ញាឯកនៃ Miss Earth Cambodia ២០២៥ ចាំបាច់ត្រូវប្រើសំឡេងដើម្បីការផ្លាស់ប្ដូរ បង្កើតឥទ្ធិពលវិជ្ជមាន សម្រស់ជាមួយគោលដៅច្បាស់លាស់ បង្កើតភាពស្រស់ស្អាតដល់ផែនដី។ រង់ចាំមើលទាំងអស់គ្នាថាតើបវរកញ្ញារូបស្រស់ សារ៉ាន់ គីមឡាង នឹងប្រើ Tittle មួយនេះបែបណាតំណាងឱ្យកម្ពុជានៅលើឆាកអន្តរជាតិ?
គួរឱ្យដឹងដែរថា សារ៉ាន់ គីមឡាង ជាបេក្ខភាពជើងខ្លាំង១រូប ខណៈស្រីស្រស់រូបនេះធ្លាប់បានប្រឡូកក្នុងវេទិកាសម្រស់មិនតិចដងនោះទេ ដោយលើកទី ១ ក្នុងកម្មវិធី Miss Cambodia 2021 និងលើកទី២ Miss Cosmo Cambodia ដោយទទួលបានតំណែងជា Miss Cosmo Cambodia Radiant Elegance 2025 និងការប្រកួតចុងក្រោយបានក្លាយជាម្ចាស់ជយលាភី Miss Earth Cambodia 2025៕
រូបភាព៖ Miss Earth Cambodia & Saran KimLan
