តើការក្លាយជាម្ចាស់ផ្ទះរៀបចំព្រឹត្តិការណ៍ World Universal Pageants ហុចផលអ្វីខ្លះដល់កម្ពុជា?

កម្ពុជាបានក្លាយជាម្ចាស់ផ្ទះក្នុងការរៀបចំព្រឹត្តិការណ៍ប្រកួតប្រជែងសម្រស់អន្តរជាតិ World Universal Pageants 2026 ដែលនេះគឺជាឱកាសនៃការផ្សព្វផ្សាយសក្ដានុពលទេសចរណ៍ វប្បធម៌ ប្រវត្តិសាស្ត្រ និងបដិសណ្ឋារកិច្ចរបស់កម្ពុជាទៅកាន់ពិភពលោក។

ដោយឡែក ក្នុងនាមជាម្ចាស់ផ្ទះនៃការរៀបចំព្រឹត្តិការណ៍ប្រកួតប្រជែងសម្រស់អន្តរជាតិ World Universal Pageants 2026 ឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍ បានចួបសំណេះសំណាល និងទទួលបដិសណ្ឋារកិច្ចយ៉ាងកក់ក្ដៅដល់ក្រុមបវរកញ្ញាអន្តរជាតិចម្រុះជាតិសាសន៍ នាថ្ងៃ ៣ ខែ ខែមិថុនា ឆ្នាំ ២០២៦ លើទឹកដីនៃខេត្តសៀមរាប។

គួរឱ្យដឹងថា ព្រឹត្តិការណ៍អន្តរជាតិ World Universal Pageants 2026 ជាព្រឹត្តិការណ៍ដ៏មានតម្លៃក្នុងការបង្ហាញពីភាពស្រស់ស្អាតនៃវប្បធម៌ អរិយធម៌ បេតិកភណ្ឌ និងវិស័យទេសចរណ៍របស់កម្ពុជា ព្រមទាំងពង្រឹងមិត្តភាព និងការផ្លាស់ប្ដូរវប្បធម៌រវាងប្រជាជាតិនានាជុំវិញពិភពលោក។

ការរៀបចំព្រឹត្តិការណ៍អន្តរជាតិនេះ បានឆ្លុះបញ្ចាំងពីការរួមចំណែកទាក់ទាញភ្ញៀវទេសចរ ជំរុញការផ្លាស់ប្ដូរវប្បធម៌រវាងប្រជាជាតិ និងពង្រឹងការផ្សព្វផ្សាយរូបភាពវិជ្ជមានរបស់កម្ពុជា ជាគោលដៅទេសចរណ៍ប្រកបដោយសុវត្ថិភាព ភាពកក់ក្ដៅ និងបដិសណ្ឋារកិច្ចល្អ៕

រូបភាព ៖ ក្រសួងទេសចរណ៍

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។