លោក ត្រាំ ថា នឹងជួបលោក ពូទីន, លោក ស៊ី ជីនភីង និងលោក គីម ជុងអ៊ុន ក្នុងពេលតែមួយ | APSARA MEDIA SERVICES

បណ្ដាញផ្សព្វផ្សាយយើងខ្ញុំផ្សេងទៀត

EconomyEducationSportsInfotainmentAMS TravelKhmer CivilizationPolitico 360 Dark ModeAMS ONE-MINUTEកម្ពុជាមាតុភូមិខ្ញុំសច្ចធម៌ប្រវត្តិសាស្ត្រAPSARA TV 11សម្លេងយុវជនសម្លេងមាតុភូមិ
APSARA Media Services Light Logo
លោក ត្រាំ ថា នឹងជួបលោក ពូទីន, លោក ស៊ី ជីនភីង និងលោក គីម ជុងអ៊ុន ក្នុងពេលតែមួយ

លោក ត្រាំ ថា នឹងជួបលោក ពូទីន, លោក ស៊ី ជីនភីង និងលោក គីម ជុងអ៊ុន ក្នុងពេលតែមួយ

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានប្រកាសនៅថ្ងៃអង្គារនេះថា លោកនឹងជួបប្រធានាធិបតីរុស្ស៊ី លោក វ្ល៉ាឌីមៀ ពូទីន, ប្រធានាធិបតីចិន លោក ស៊ី ជីនភីង និង មេដឹកនាំកូរ៉េខាងជើង លោក គីម ជុងអ៊ុន ក្នុងពេលតែមួយនៅឯប្រទេសចិន ។

ការប្រកាសអំពីគម្រោងជំនួប ៣ ភាគីដ៏គួរឲ្យភ្ញាក់ផ្អើលរបស់លោក ត្រាំ កើតមានឡើង ក្នុងអំឡុងពេលចាប់ផ្តើមហោះហើរចាកចេញពីអាមេរិក ឆ្ពោះដំណើរមកកាន់ទីក្រុងម៉ានីល ប្រទេសហ្វីលីពីន ដើម្បីចូលរួមកិច្ចប្រជុំកំពូលអាស៊ាន មុននឹងបន្តទៅចូលរួមកិច្ចប្រជុំ APEC រយៈពេល ២ ថ្ងៃនៅទីក្រុង Shenzhen ភាគខាងត្បូងប្រទេសចិន ។

ថ្លែងមុនពេលចាកចេញពីសេតវិមានត្រឹមតែប៉ុន្មានម៉ោងប៉ុណ្ណោះ, លោក ត្រាំ លើកឡើងថា «ជំនួបជាមួយមេដឹកនាំទាំង ៣ ក្នុងពេលតែមួយគឺរឿងល្អ ព្រោះគឺជាឱកាសសម្រេចបានសមិទ្ធផលជាច្រើន» ។

លោក ត្រាំ និយាយថា លោកនឹងជួបជាមួយលោក ស៊ី ជីនពីង តាមការសន្យា ដោយសារតែប្រធានាធិបតីចិនរូបនេះបានអញ្ជើញមកទឹកដីអាមេរិកកាលពីមួយខែមុន ។

ក្រៅពីលោក ជីនពីង, លោក ត្រាំ បញ្ជាក់ថា លោកក៏នឹងជួបជាមួយប្រធានាធិបតីរុស្ស៊ី លោក វ្លាឌីមៀរ ពូទីន ជាពិសេសលោកក៏អាចនឹងជួបជាមួយលោក គីម ជុងអ៊ុន ផងដែរ ។

ទោះជាយ៉ាងណាក៏ដោយ លោក ត្រាំ សង្កត់ធ្ងន់ថា ការសម្រេចចិត្តថាតើលោក គីម ជុងអ៊ុន នឹងចូលរួមជួបប្រជុំជាមួយរូបលោក ឬក៏អត់នោះ គឺអាស្រ័យលើទីក្រុងប៉េកាំង ។

បើតាម independent, ដំណើរទស្សនកិច្ចនៅអាស៊ីរបស់លោក ត្រាំ រួមបញ្ចូលទាំងកិច្ចប្រជុំកំពូលជាប្រវត្តិសាស្ត្រ ជាមួយមេដឹកនាំរុស្ស៊ី, ចិន និងកូរ៉េខាងជើង នឹងមានសារៈសំខាន់ជាប្រវត្តិសាស្ត្រ ដោយមេដឹកនាំទាំងនោះរំពឹងនឹងពិភាក្សាអំពីឃ្លាំងអាវុធនុយក្លេអ៊ែរ ការអភិវឌ្ឍបច្ចេកវិទ្យាបញ្ញាសិប្បនិម្មិត AI និងបញ្ហាសង្គ្រាមនៅអ៊ីរ៉ង់ជាដើម ៕

ប្រភព ៖ independent, ប្រែសម្រួល ៖ សារ៉ាត

លន់ សារ៉ាត

លន់ សារ៉ាត

ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ

ឆ្នាំ២០២៥ © រក្សាសិទ្ធិគ្រប់យ៉ាងដោយ៖ អគ្គនាយកដ្ឋានវិទ្យុ និងទូរទស្សន៍អប្សរា